ಈ ಊರಲ್ಲಿ 12ವರ್ಷದ ಹುಡುಗೀರು ಹುಡುಗರಾಗಿ ಬದಲಾಗ್ತಾರೆ..! ಇದ್ದಕ್ಕಿದ್ದಂಗೆ ಲಿಂಗ ಬದಲಾಗೋ ವಿಚಿತ್ರ ಸ್ಟೋರಿ..!

ಗಂಡು ಹೆಣ್ಣಾಗುವುದು, ಹೆಣ್ಣು ಗಂಡಾಗುವುದನ್ನು ಅತೀ ವಿರಳವೆಂಬಂತೆ ಕೇಳಿದ್ದೇವೆ. ಕೆಲವೊಮ್ಮೆ ನೋಡಿದ್ದೇವೆಯೂ ಕೂಡಾ. ಅಂಥವರನ್ನು ನಮ್ಮ ಸಮಾಜ ವಿಭಿನ್ನವಾಗಿ ನೋಡುತ್ತಾ ಬಂದಿದೆ. ಆದರೆ ಒಂದು ಊರಿನ ಹುಡುಗಿಯರೆಲ್ಲರೂ 12 ವರ್ಷವಾಗುತ್ತಲೇ ಗಂಡಾಗಿ ಪರಿವರ್ತನೆಯಾಗುವ ಪ್ರಸಂಗವನ್ನು ಎಲ್ಲಾದರೂ ನೋಡಿದ್ದೀರಾ..? ಕಂಡಿದ್ದೀರಾ..? ಹ್ಹೂ ಹ್ಹೂ ನೋಡಿರಲು ಸಾಧ್ಯವೇ ಇಲ್ಲ. ಆದರೆ ಆಫ್ರಿಕಾ ಖಂಡದ ಡೊಮಿನಿಕಾದ ಒಂದು ಗ್ರಾಮದಲ್ಲಿ ಮಾತ್ರ ಹುಡುಗಿಯರು 12 ವರ್ಷವಾಗುತ್ತಲೇ ಹುಡುಗರಾಗಿ ಪರಿವರ್ತನೆಯಾಗುತ್ತಾರೆ..! ಇದು ಅಚ್ಚರಿ ಎನಿಸಿದರೂ ಸತ್ಯ.

ರಿಪಬ್ಲಿಕ್ ಆಫ್ ಡೊಮಿನಿಕಾದ ಈ ಗ್ರಾಮದಲ್ಲಿ ಹುಟ್ಟುವ ಬಹುತೇಕ ಎಲ್ಲಾ ಹುಡುಗಿಯರಿಗೆ ಚಿಕ್ಕಂದಿನಿಂದಲೇ ಹುಡುಗನಾಗಿ ಬದಲಾಗುವ ಕೆಲವೊಂದು ಬದಲಾವಣೆ ಗೋಚರಿಸುತ್ತವೆಯಂತೆ. ಉದಾ : ಹುಡುಗನ ರೀತಿ ಬಟ್ಟೆ ಧರಿಸುವುದು, ಆಭರಣ ಕಂಡರೆ ಅಲರ್ಜಿ ಹುಟ್ಟುವುದು ಇಲ್ಲಿನ ಹುಡುಗಿಯರಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ಲಕ್ಷಣಗಳು. ದಿನಗಳೆದಂತೆ ಆ ಹುಡುಗಿಯರು ಹುಡುಗನಾಗಿ ಪರಿವರ್ತನೆಯಾಗುತ್ತಾರೆ.
ಈ ಗ್ರಾಮದಲ್ಲಿನ ಹುಡುಗಿಯರ ಗರ್ಭದಲ್ಲಿ ಅಪರೂಪಕ್ಕೆ ಅಪರೂಪವೆನಿಸುವಂತೆ ಅನುವಂಶೀಯ ಅಸ್ವಸ್ಥತೆ ಕಾಣಿಸಿಕೊಳ್ಳುತ್ತದಂತೆ. ಇದರಿಂದಾಗಿ ಪುರುಷರ ಹಾರ್ಮೋನುಗಳು ಅಲ್ಲಿನ ಹುಡುಗಿಯರಲ್ಲಿ ಉತ್ಪತ್ತಿಯಾಗುವ ಮೂಲಕ ಅವರು ಹುಡುಗನಾಗಿ ಪರಿವರ್ತನೆಯಾಗುತ್ತಾರೆ ಎನ್ನುತ್ತವೆ ಕೆಲವು ಸಂಶೋಧನೆಗಳು. ಇಷ್ಟಕ್ಕೂ ಇನ್ನೂ ಒಂದು ನಂಬಲಾಗದ ಸಂಗತಿ ಏನೆಂದರೆ ಇಲ್ಲಿ ಹುಟ್ಟುವ ನೂರು ಮಕ್ಕಳಲ್ಲಿ ಶೇಕಡಾ 98ಕ್ಕೂ ಹೆಚ್ಚು ಪ್ರತಿಶತ ಮಕ್ಕಳು ಹೆಣ್ಣಾಗಿರುತ್ತವೆಯಂತೆ. ಅರ್ಥಾತ್ ಕೇವಲ 1 ಪರ್ಸೆಂಟ್ ಗಿಂತ ಹೆಚ್ಚಿನ ಮಕ್ಕಳು ಮಾತ್ರ ಗಂಡಾಗಿರುತ್ತವೆಯಂತೆ..!
ಇದನ್ನು ಗಮನಿಸಿದರೆ ಡೋಮಿನಿಕಾದ ಈ ಗ್ರಾಮದ ಹೆತ್ತವರಿಗೆ ಹೆಣ್ಣು ಹುಟ್ಟಿದರೂ, ಗಂಡು ಜನಿಸಿದರೂ ಲಿಂಗ ತಾರತಮ್ಯ ಮಾಡುವ ತಲೆ ಬೇನೆ ಇಲ್ಲವೆಂದಾಯ್ತು ಅಲ್ಲವೇ..?