ಮಗನಿಗಾಗಿ ಜೈಲಿಗೆ ಗಾಂಜಾ ತಂದ ತಾಯಿ: ಸಿಕ್ಕಿಬಿದ್ದದ್ದು ಹೇಗೆ
47 ವರ್ಷದ ಲತಾ ಎಂಬಾಕೆ ವಿಯ್ಯೂರು ಸೆಂಟ್ರಲ್ ಜೈಲಿನಲ್ಲಿರುವ ತನ್ನ ಮಗನನ್ನು ನೋಡಲು ಬರುತ್ತಾಳೆ. ಈ ವೇಳೆ ಮಗನಿಗಾಗಿ 80 ಗ್ರಾಂ ಗಾಂಜಾವನ್ನು ತಂದಿದ್ದಾಳೆ.
ಲತಾ ತನ್ನ ಮಗ ಹರಿಕೃಷ್ಣನ್ಗೆ ಗಾಂಜಾ ಸಪ್ಲೈ ಮಾಡಲು ಮುಂದಾಗಿದ್ದಾಳೆ. ಜೈಲಿನೊಳಕ್ಕೆ ಇರುವ ಮಗನಿಗೆ ಗಾಂಜಾ ಕೊಂಡೊಯ್ಯಲು ಯತ್ನಿಸಿದ್ದಾರೆ. ಆದರೆ ಈ ವೇಳೆ ಸಿಕ್ಕಿಬಿದ್ದಿದ್ದಾಳೆ
ಕೇಂದ್ರ ಕಾರಾಗೃಹ ಪ್ರವೇಶ ದ್ವಾರದ ಬಳಿ ಲತಾರನ್ನು ಜೈಲು ಸಿಬ್ಬಂದಿ ಪರಿಶೀಲಿಸಿದಾಗ ಗಾಂಜಾ ಇರುವುದು ಪತ್ತೆಯಾಗಿದೆ. 80 ಗ್ರಾಂ ಗಾಂಜಾವನ್ನು ತನ್ನ ಬ್ಯಾಗ್ನಲ್ಲಿರಿಸಿ ಕೊಂಡೊಯ್ಯಲು ಮುಂದಾಗಿದ್ದಾಳೆ. ಈ ವೇಳೆ ರೆಡ್ ಹ್ಯಾಂಡ್ ಆಗಿ ಸಿಬ್ಬಂದಿ ಕೈಗೆ ಸಿಕ್ಕಿಬಿದ್ದಿದ್ದಾಳೆ
ಸದ್ಯ ಲತಾರನ್ನು ಪೊಲೀಸರು ಬಂಧಿಸಿದ್ದಾರೆ. ತನಿಖೆ ನಡೆಸುತ್ತಿದ್ದಾರೆ. ಈ ಹಿಂದೆಯೂ ಲತಾ ತನ್ನ ಮಗನನ್ನು ಕಾಣಲು ಜೈಲಿಗೆ ಭೇಟಿ ನೀಡಿದ್ದರು. ಆ ಸಮಯದಲ್ಲೂ ಗಾಂಜಾ ಕೊಂಡೊಯ್ದಿದ್ದಾರಾ ಎಂಬ ಅನುಮಾನದ ಮೇರೆಗೂ ತನಿಖೆ ನಡೆಯುತ್ತಿದೆ.
