2018ರ ಏಷ್ಯಾಕಪ್ ವೇಳಾಪಟ್ಟಿ ಬಿಡುಗಡೆಗೊಂಡಿದೆ.
ಹಾಲಿ ಚಾಂಪಿಯನ್ ಭಾರತ ಸೆಪ್ಟೆಂಬರ್ 19ರಂದು ಪಾಕಿಸ್ತಾನವನ್ನು ಎದುರಿಸಲಿದೆ.
ಸೆಪ್ಟೆಂಬರ್ 15ರಂದು ಪಂದ್ಯಾವಳಿಗಳು ಪ್ರಾರಂಭವಾಗಲಿದೆ. ದುಬೈನಲ್ಲಿ ನಡೆಯುವ ಪಂದ್ಯಾವಳಿಯ ಆರಂಭಿಕ ಪಂದ್ಯದಲ್ಲಿ ಶ್ರೀಲಂಕಾ ತಂಡ ಬಾಂಗ್ಲಾದೇಶವನ್ನು ಎದುರಿಸಲಿದೆ. ಈ ಬಾರಿ ತಂಡಗಳನ್ನು 2 ಗುಂಪುಗಳನ್ನಾಗಿ ವಿಂಗಡಿಸಲಾಗಿದೆ.
ಗ್ರೂಪ್ ಎ ನಲ್ಲಿ ಭಾರತ, ಪಾಕಿಸ್ತಾನದ ಜೊತೆಗೆ ಕ್ವಾಲಿಫೈಯರ್ನಲ್ಲಿ ಜಯಗಳಿಸುವ ತಂಡ ಕಾಣಿಸಿಕೊಳ್ಳಲಿದೆ. ಇನ್ನು ಗ್ರೂಪ್ ಬಿ ನಲ್ಲಿ ಶ್ರೀಲಂಕಾ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನ ತಂಡಗಳು ಪೈಪೋಟಿ ನಡೆಸಲಿವೆ. ಯುಎಇ, ಸಿಂಗಾಪೂರ್, ಓಮನ್, ಮಲೇಷ್ಯಾ, ನೇಪಾಳ ಮತ್ತು ಹಾಂಗ್ಕಾಂಗ್ ತಂಡಗಳು ಏಷ್ಯಾಕಪ್ಗೆ ಅರ್ಹತೆ ಪಡೆಯಲು ಪರಸ್ಪರ ಸೆಣಸಲಿವೆ. ಇವುಗಳಲ್ಲಿ ವಿಜಯಗಳಿಸಿದ ತಂಡ ಗ್ರೂಪ್ ಎ ನಲ್ಲಿ ಕಾಣಿಸಿಕೊಳ್ಳಲಿದೆ.
ಗುಂಪು ಹಂತದಲ್ಲಿ ಪ್ರತೀ ಗುಂಪಿನಿಂದ ಅತೀ ಹೆಚ್ಚು ಅಂಕ ಗಳಿಸಿದ 2 ತಂಡಗಳು ಸೂಪರ್ 4 ಕದನಕ್ಕೆ ಅವಕಾಶ ಗಿಟ್ಟಿಸಲಿವೆ. ಈ ಹಂತದಲ್ಲಿ ಮೊದಲೆರಡು ಸ್ಥಾನ ಗಳಿಸುವ 2 ತಂಡಗಳು ಫೈನಲ್ ಪ್ರವೇಶ ಗಿಟ್ಟಿಸಿಕೊಳ್ಳಲಿವೆ.
ಭಾರತ ತಂಡ ಸೆಪ್ಟೆಂಬರ್ 18 ರಂದು ತನ್ನ ಮೊದಲ ಪಂದ್ಯ ಆಡಲಿದೆ. ಅರ್ಹತಾ ಸುತ್ತಿನಲ್ಲಿ ಜಯಗಳಿಸಿದ ತಂಡದೊಂದಿಗೆ ಭಾರತದ ಅಭಿಯಾನ ಶುರುವಾಗಲಿದೆ.
ಮರುದಿನವೇ ಭಾರತ ಪಾಕಿಸ್ತಾನವನ್ನು ಎದುರಿಸಲಿದ್ದು ಅಭ್ಯಾಸಕ್ಕೆ ಸಮಯಾವಕಾಶವೇ ಇಲ್ಲ…!
ಇಲ್ಲಿದೆ ವೇಳಾಪಟ್ಟಿ:
ಗ್ರೂಪ್ ಸ್ಟೇಜ್:
ಸೆಪ್ಟೆಂಬರ್ 15 ಬಾಂಗ್ಲಾದೇಶ VS ಶ್ರೀಲಂಕಾ (ದುಬೈ)
ಸೆಪ್ಟೆಂಬರ್ 16 ಪಾಕಿಸ್ತಾನ VS ಕ್ವಾಲಿಫೈಯರ್ (ದುಬೈ)
ಸೆಪ್ಟೆಂಬರ್ 17 ಶ್ರೀಲಂಕಾ VS ಅಫ್ಘಾನಿಸ್ತಾನ (ಅಬುದಾಬಿ)
ಸೆಪ್ಟೆಂಬರ್ 18 ಭಾರತ VS ಕ್ವಾಲಿಫೈಯರ್ (ದುಬೈ)
ಸೆಪ್ಟೆಂಬರ್ 19 ಭಾರತ VS ಪಾಕಿಸ್ತಾನ (ದುಬೈ)
ಸೆಪ್ಟೆಂಬರ್ 20 ಬಾಂಗ್ಲಾದೇಶ VS ಅಫ್ಘಾನಿಸ್ತಾನ (ಅಬುದಾಬಿ)
ಸೂಪರ್ 4 ಸ್ಟೇಜ್:
ಸೆಪ್ಟೆಂಬರ್ 21 ಗ್ರೂಪ್ ಎ ವಿನ್ನರ್ VS ಗ್ರೂಪ್ ಬಿ ರನ್ನರ್ ಅಪ್ (ದುಬೈ)
ಸೆಪ್ಟೆಂಬರ್ 21 ಗ್ರೂಪ್ ಬಿ ವಿನ್ನರ್ VS ಗ್ರೂಪ್ ಎ ರನ್ನರ್ ಅಪ್ (ಅಬುದಾಬಿ)
ಸೆಪ್ಟೆಂಬರ್ 23 ಗ್ರೂಪ್ ಎ ವಿನ್ನರ್ VS ಗ್ರೂಪ್ ಎ ರನ್ನರ್ ಅಪ್ (ದುಬೈ)
ಸೆಪ್ಟೆಂಬರ್ 23 ಗ್ರೂಪ್ ಬಿ ವಿನ್ನರ್ VS ಗ್ರೂಪ್ ಬಿ ರನ್ನರ್ ಅಪ್ (ಅಬುದಾಬಿ)
ಸೆಪ್ಟೆಂಬರ್ 25 ಗ್ರೂಪ್ ಎ ವಿನ್ನರ್ VS ಗ್ರೂಪ್ ಬಿ ವಿನ್ನರ್ (ದುಬೈ)
ಸೆಪ್ಟೆಂಬರ್ 26 ಗ್ರೂಪ್ ಎ ರನ್ನರ್ ಅಪ್ VS ಗ್ರೂಪ್ ಬಿ ರನ್ನರ್ ಅಪ್ (ಅಬುದಾಬಿ)
ಫೈನಲ್ : ಸೆಪ್ಟೆಂಬರ್ 28 (ದುಬೈ)
