ಬೆಂಗಳೂರಲ್ಲಿ ಏಕ್ಸಿಸ್ ಬ್ಯಾಂಕ್ ನ ಹೊಸ ಪ್ರಯೋಗ ಶಾಲೆ "Thought Factory"

ಏಕ್ಸಿಸ್ ಬ್ಯಾಂಕ್ ತನ್ನ ಅಮೂಲ್ಯ ಸಹಕಾರ -ಸಹಭಾಗಿತ್ವದಿಂದ ದೇಶದಲ್ಲಷ್ಟೇ ಅಲ್ಲ ಹೊರದೇಶದೊಳಿರುವ ಪ್ರತ್ಯೊಬ್ಬ ವ್ಯಕ್ತಿಯನ್ನು ತಲಪುವ ಪ್ರಯತ್ನ ನಡೆಸುತ್ತಿರೋ ಬ್ಯಾಂಕ್.ಈ ನಿಟ್ಟಿನಲ್ಲಿ ಈ ಬ್ಯಾಂಕಿನ ಹೊಸ ಪ್ರಯೋಗವೇ “Thought Factory” ,ಇದನ್ನು ಮೊತ್ತಮೊದಲ ಬಾರಿಗೆ ಬೆಂಗಳೂರಲ್ಲಿ ಪರಿಚಯಿಸುತ್ತಿದೆ.ಈ ಮೂಲಕ ಬ್ಯಾಂಕಿಂಗ್ ಸೆಕ್ಟರ್ನಲ್ಲಿರೋ ಅನೇಕ ಸಮಸ್ಯೆಗಳನ್ನು ಭೇದಿಸಿ,ನಿರಂತರವಾಗಿ ಅವುಗಳಿಗೆ ನವೀನ ಶೈಲಿಯ ಪರಿಹಾರವನ್ನು ನೀಡಲು ಪ್ರಯತ್ನಿಸುತ್ತಿದೆ.

“Thought Factory” ಒಂದು ನಿರ್ದಿಷ್ಟ ವೇಗದ ಮಿತಿಯ ಆಧುನಿಕ-ವ್ಯಾವಹರಿಕ ಶೈಲಿಯ ತಂತ್ರಜ್ನಾನದ ಸೌಲಭ್ಯವಾಗಿದ್ದು,ಇಲ್ಲಿ ಬ್ಯಾಂಕಿಂಗ್ ಗೆ ಸಂಬಂಧಿಸಿದ ಎಲ್ಲ ಸೇವೆಗಳೂ ಏಕಕಾಲದಲ್ಲಿ ಲಭ್ಯವಾಗುವುದು.ಇದರ ಮುಖ್ಯ ಕಾರ್ಯಗಳು ಬೆಂಗಳೂರಲ್ಲಿ ನಡೆಯಲಿದ್ದು,ಡಿಜಿಟಲ್ ತಂತ್ರಜ್ನಾನದ ಮೂಲಕ ಬ್ಯಾಂಕಿಂಗ್ ನ ಸಂಪೂರ್ಣ ಬದಲಾವಣೆಯನ್ನು ಸಾಕಾರ ಗೊಳಿಸೋ ಪ್ರಯತ್ನ ನಡೆಸುತ್ತಿದೆ.ಇದಕ್ಕಾಗಿ ದೇಶದ ಹಲವು ಕಡೆಗಳಿಂದ ಹೊಸ ಪ್ರತಿಭೆಗಳನ್ನು ಹುಡುಕಿ,ಅವರನ್ನು ಇದರಲ್ಲಿ ಪೂರ್ಣ ರೂಪದಲ್ಲಿ ತೊಡಗಿಸಿಕೊಳ್ಳಲಾಗುವುದು.ಈ ಒಂದು ಪ್ರಯೋಗವನ್ನು ಸಧ್ಯಕ್ಕೆ 3 ತಿಂಗಳವರೆಗೆ ವಿಸ್ತರಿಸಲಾಗಿದೆ ಎಂದು ತಿಳಿದುಬಂದಿದೆ.ಕ್ರೆಡಿಟ್ಸ್,ಡಿಪಾಸಿಟ್ಸ್,ವೆಲ್ತ್ ಮ್ಯಾನೇಜ್ಮೆಂಟ್,ಮೊಬೈಲ್ ಪೇಮೆಂಟ್ಸ್ ಹಾಗೂ ಸೆಕ್ಯೂರಿಟಿಗಳಿಗೆ ಸಂಬಂಧಿಸಿದ ಸೇವೆಗಳಲ್ಲಿ ನಿತ್ಯ ಉಂಟಾಗುವ ತೊಂದರೆಯನ್ನು ನಿವಾರಿಸಲು ತನ್ನ ಈ ಆಧುನಿಕ ತಂತ್ರಜ್ನಾನಗಳಾದ,ಬ್ಲೋಕ್ ಚೈನ್,ಆರ್ಟಿಫಿಶಲ್ ಇನ್ಟೆಲಿಜೆನ್ಸ್,ಮೊಬಿಲಿಟಿ ಇವೇ ಮೊದಲಾದವುಗಳನ್ನು ಪರಿಚಯಿಸುವತ್ತ ಮುನ್ನುಗ್ಗುತ್ತಿದೆ.

ಈ ನವೀನ ತಂತ್ರಜ್ನಾನದ ಮೂಲಕ ವ್ಯವಹಾರಸ್ಥರ ಜೀವನದಲ್ಲಿ ಬ್ಯಾಂಕಿಂಗ್ ಹಾಗೂ ಇನ್ನಿತರ ವ್ಯವಹಾರಗಳಲ್ಲೂ ಹೆಚ್ಚಿನ ಬದಲಾವಣೆಯನ್ನುಂಟು ಮಾಡೋ ಪ್ರಯತ್ನ ಇದಾಗಿದೆ.ಆಕ್ಸಿಸ್ ಬ್ಯಾಂಕ್ ಈ ತರದ ಹೊಸ ಪ್ರಯೋಗ ಮಾಡಿದ ಬ್ಯಾಂಕ್ಗಳಲ್ಲೇ ಮೊತ್ತ ಮೊದಲನೇಯ ಬ್ಯಾಂಕ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ನಮ್ಮ ದೇಶದಲ್ಲೇ ಪ್ರೈವೇಟ್ ಬ್ಯಾಂಕಿಂಗ್ ಸೆಕ್ಟರ್ನಲ್ಲೇ ಏಕ್ಸಿಸ್ ಬ್ಯಾಂಕ್ 3 ನೇ ಸ್ಥಾನ ಪಡೆದಿರೋ ಬ್ಯಾಂಕ್,ಇದರ ಜೊತೆಯಲ್ಲೇ 2904 ಶಾಖೆಗಳನ್ನು,12,743 A.T.M ನ್ನು ಹೊಂದಿದೆ ಹಾಗೂ ಇದರ ವ್ಯವಹಾರವನ್ನು 1855 ಸಿಟಿಗಳಲ್ಲೂ,ಹಳ್ಳಿಗಳಲ್ಲೂ ವಿಸ್ತರಿಸಿದ್ದು,ಸಿಂಗಾಪುರ್,ಹೋಂಗ್ ಕಾಂಗ್,ದುಬೈ,ಕೊಲಂಬೊ ಸೇರಿದಂತೆ 9 ವಿದೇಶೀಯ ಶಾಖೆಗಳನ್ನೂ ಹೊಂದಿದೆ.