ಆಧಾರ್ ಕಾರ್ಡ್ಗೆ ಮತದಾರರ ಗುರುತು ಚೀಟಿ (ವೋಟರ್ ಐಡಿ) ಜೋಡಿಸುವ ಮಹತ್ವದ ಚುನಾವಣೆ ಸುಧಾರಣಾ ಮಸೂದೆಯೊಂದಕ್ಕೆ ಕೇಂದ್ರ ಸಚಿವ ಸಂಪುಟ ಬುಧವಾರ ಅನುಮೋದನೆ ನೀಡಿದೆ. ರಾಷ್ಟ್ರೀಯ ಮತದಾರರ ಸೇವಾ ಪೋರ್ಟಲ್ ಮೂಲಕ ಈ ಪ್ರಕ್ರಿಯೆ ಪೂರ್ಣಗೊಳಿಸಬಹುದಾಗಿದೆ.
ಲಿಂಕ್ ಮಾಡುವುದು ಕಡ್ಡಾಯವಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ.
ಲಿಂಕ್ ಮಾಡುವುದು ಹೇಗೆ?
- https://voterportal.eci.gov.in/ಗೆ ಭೇಟಿ ನೀಡಿ.
- ಮೊಬೈಲ್ ನಂಬರ್/ಇಮೇಲ್ ಐಡಿ/ವೋಟರ್ ಐಡಿ ಸಂಖ್ಯೆ ನೀಡಿ ಲಾಗಿನ್ ಆಗಿ. ಪಾಸ್ವರ್ಡ್ ನಮೂದಿಸಿ.
- ರಾಜ್ಯ, ಜಿಲ್ಲೆ, ವೈಯಕ್ತಿಕ ವಿವರಗಳಾದ ಹೆಸರು, ಜನ್ಮ ದಿನಾಂಕ ಮತ್ತು ತಂದೆ ಹೆಸರು ನಮೂದಿಸಿ.
- ಈ ವಿವರಗಳ ನಮೂದು ನಂತರ ಸರ್ಚ್ ಬಟನ್ ಒತ್ತಿ.
- ‘ಫೀಡ್ ಆಧಾರ್ ನಂಬರ್’ ಕ್ಲಿಕ್ ಮಾಡಿ.
- ಸ್ಕ್ರೀನ್ ಮೇಲೆ ಬರುವ ಪಾಪ್ ಅಪ್ ಪೇಜ್ನಲ್ಲಿ ಆಧಾರ್ ಕಾರ್ಡ್, ಆಧಾರ್ ಸಂಖ್ಯೆ, ವೋಟರ್ ಐಡಿ ಸಂಖ್ಯೆ, ನೋಂದಾಯಿತ ಮೊಬೈಲ್/ಇಮೇಲ್ ವಿಳಾಸ ತುಂಬಿ.
- ಮರುಪರಿಶೀಲನೆ ಮಾಡಿ ‘ಸಬ್ವಿುಟ್’ ಬಟನ್ ಒತ್ತಿ.
- ನಿಮ್ಮ ಅರ್ಜಿ ಯಶಸ್ವಿಯಾಗಿ ನೋಂದಾವಣೆಗೊಂಡಿದೆ ಎಂಬ ಸಂದೇಶ ಬರುತ್ತದೆ.
