ಆರ್​ಸಿಬಿ ಫೇಲ್ಯೂರ್ ಬಿಸಿ ವಿಶ್ವಕಪ್​​ಗೂ ತಟ್ಟಿತು..!

ಐಪಿಎಲ್​ನಲ್ಲಿ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ತಂಡ ಸತತ 6 ಪಂದ್ಯಗಳಲ್ಲೂ ಸೋಲನುಭವಿಸಿದೆ. ಇದರ ಬಿಸಿ ವಿಶ್ವಕಪ್​ಗೂ ತಟ್ಟಿದೆ.
ವಿಶ್ವಕಪ್​ಗೂ, ಐಪಿಎಲ್​ಗೂ ಏನ್ ಸಂಬಂಧ ಅಂತಾನಾ? ಟೀಮ್ ಇಂಡಿಯಾದ ನಾಯಕ ವಿರಾಟ್​ ಕೊಹ್ಲಿಯೇ ಆರ್​​ಸಿಬಿ ಕ್ಯಾಪ್ಟನ್​..! ಆದರೆ, ಐಪಿಎಲ್​ನಲ್ಲಿ ನಾಯಕನಾಗಿ ಕೊಹ್ಲಿ ಸಂಪೂರ್ಣ ವಿಫಲರಾಗಿದ್ದಾರೆ. ಆದ್ದರಿಂದ ವಿಶ್ವಕಪ್​ಗೆ ಕೊಹ್ಲಿ ನಾಯಕರಾಗಿ ಇರುವುದು ಬೇಡ ಎನ್ನುವ ಅಭಿಪ್ರಾಯ ಮೂಡಿದೆ.
ವಿರಾಟ್​ ಕೊಹ್ಲಿ ಬದಲಿಗೆ ರೋಹಿತ್ ಶರ್ಮಾ ವರ್ಲ್ಡ್​ಕಪ್​ಗೆ ಟೀಮ್ ಇಂಡಿಯಾದ ಕ್ಯಾಪ್ಟನ್ ಆಗಲಿ ಎಂದು ನೆಟ್ಟಿಗರು ಆಗ್ರಹಿಸುತ್ತಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡ ಐಪಿಎಲ್​ನಲ್ಲಿ ಒಳ್ಳೆಯ ಪ್ರದರ್ಶನವನ್ನು ನೀಡುತ್ತಿದ್ದು, ರೋಹಿತ್ ಶರ್ಮಾಗೆ ಪಂದ್ಯವನ್ನು ಗೆಲ್ಲಿಸುವ ಕಲೆ ಗೊತ್ತಿದೆ ಎಂದು ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ. ರೋಹಿತ್ ಅವರನ್ನ ವಿಶ್ವಕಪ್​ಗೆ ಕ್ಯಾಪ್ಟನ್ ಆಗಿ ಮಾಡಿ ಎಂದು ಒತ್ತಾಯಿಸುತ್ತಿದ್ದಾರೆ.