ಇನ್ಮುಂದೆ ರಾಜ್ಯದಲ್ಲಿ ಆನ್ ಲೈನ್ ನಲ್ಲಿ ಮದ್ಯ ಮಾರಾಟ?

ಆನ್ ಲೈನ್ , ಆನ್ ಲೈನ್, ಆನ್ ಲೈನ್ ..ಈಗ ಯಾವುದಕ್ಕೇ ಆಗಲಿ ಆನ್ ಲೈನ್ ! ಬೇಕಾಗಿದ್ದನ್ನೆಲ್ಲಾ ಆನ್ ಲೈನ್ ಮೂಲಕ ಕೊಂಡು ಕೊಳ್ಳುತ್ತೇವೆ . ಅಂತೆಯೇ ಎಣ್ಣೆ ( ಮದ್ಯ ) ಕೂಡ ಆನ್ ಲೈನ್ ನಲ್ಲಿ ಸಿಕ್ಕರೆ ..?

ಹೌದು , ಆನ್ ಲೈನ್ ನಲ್ಲಿ ಮದ್ಯ ಮಾರಾಟದ ವಿಷಯ ಮತ್ತೆ ಮುನ್ನೆಲೆಗೆ ಬಂದಿದೆ . ಕೊರೋನಾ ಸಂಕಷ್ಟದ ಈ ಕಾಲವನ್ನೇ ಮುಂದಿಟ್ಟುಕೊಂಡು ರಾಜ್ಯ ಸರ್ಕಾರ ಆನ್ ಲೈನ್ ಮದ್ಯ ಮಾರಾಟಕ್ಕೆ ಮುಂದಾಗಿದೆ ಎಂದು ವರದಿಯಾಗಿದೆ .

ಕೊರೋನಾದ ಈ ಸಂದಿಗ್ಧ ಪರಿಸ್ಥಿತಿಯನ್ನು ನೆಪ ಮಾಡಿಕೊಂಡಿರುವ ರಾಜ್ಯ ಸರ್ಕಾರ ಮತ್ತೆ ಆನ್ ಲೈನ್ ಮದ್ಯ ಮಾರಾಟ ವಿಷಯವನ್ನು ಕೈಗೆತ್ತಿಕೊಂಡಿದೆ .

ದೇಶದ ಯಾವ ರಾಜ್ಯದಲ್ಲೂ ಈ ವ್ಯವಸ್ಥೆ ಇಲ್ಲ . ನಮ್ಮಲ್ಲಿ ಅಂತಹದ್ದೊಂದು ವ್ಯವಸ್ಥೆಯನ್ನು ಆರಂಭಿಸಲು ಸರ್ಕಾರ ಹೊರಟಿದೆ .

ಇನ್ನು ಈ ಆನ್ ಲೈನ್ ಮದ್ಯ ಮಾರಾಟ ವಿಚಾರ ಹೊಸ ಪ್ರಸ್ತಾವನೆ ಅಥವಾ ಚಿಂತನೆ ಅಲ್ಲ . ಈ ಹಿಂದೆಯೂ ರಾಜ್ಯ ಸರ್ಕಾರ ಈ ನಿಟ್ಟಿನಲ್ಲಿ ಮನಸ್ಸು ಮಾಡಿದ್ದು ಇದೆ ..!

2018 ರಲ್ಲಿ ಈ ವಿಚಾರ ಪ್ರಸ್ತಾಪವಾಗಿತ್ತು . ಆಗ ಪ್ರತಿರೋಧ ವ್ಯಕ್ತವಾಗಿದ್ದರಿಂದ ಅಬಕಾರಿ ಇಲಾಖೆ ತಾನು ನೀಡಿದ್ದ ಲೆಟರ್ ಆಫ್ ಅಥಾರಿಟಿ ( ಅನುಮತಿ) ವಾಪಸ್ಸು ಪಡೆದುಕೊಂಡಿತ್ತು .

ಹೈಕೋರ್ಟ್ ಈ ವಿಚಾರವಾಗಿ, ” ಮೊದಲಿಗೆ ಕರ್ನಾಟಕ ಅಬಕಾರಿ ಕಾಯ್ದೆಯಲ್ಲಿ ಆನ್ ಲೈನ್ ಮೂಲಕ ಮದ್ಯ ಮಾರಾಟಕ್ಕೆ ಅವಕಾಶವಿಲ್ಲ . ಹಾಗಿದ್ದರೂ ಕೂಡ ಹೇಗೆ ಅನುಮತಿ ನೀಡಲಾಗಿತ್ತು ಎಂದು ನ್ಯಾಯಾಲಯ ಪ್ರಶ್ನೆ ಮಾಡಿತ್ತು . ಆನ್ ಲೈನ್ ಖರೀದಿಗೆ ಸಮಯ ಮತ್ತು ವಯಸ್ಸಿನ ನಿರ್ಬಂಧ ಇಲ್ಲದೇ ಇರುವುದರಿಂದ ಬೇರೆ ಬೇರೆ ರೀತಿ ಸಮಸ್ಯೆಗೆ ಕಾರಣವಾಗಬಹುದು” ಎಂದು ಎಚ್ಚರಿಸಿತ್ತು .

ಆನ್ ಲೈನ್ ಮದ್ಯ ಮಾರಾಟದಿಂದ ಸಮಾಜದ ಮೇಲೆ ಉಂಟಾಗುವ ಅಪಾಯದ ಬಗ್ಗೆ ಹೈಕೋರ್ಟ್ ಎಚ್ಚರಿಸಿದ ಬಳಿಕ ಸರ್ಕಾರ ಯೋಚನೆಯನ್ನು ಬಿಟ್ಟಿತ್ತು. ಈಗ ಮತ್ತೆ ಆ ವಿಚಾರ ಮುನ್ನೆಲೆಗೆ ಬಂದಿದೆ . ಈ ಕುರಿತಂತೆ ಜುಲೈ 27 ರಂದು ಅಬಕಾರಿ ಆಯುಕ್ತರು ಮದ್ಯ ಮಾರಾಟಗಾರರ ಸಭೆಯನ್ನು ನಡೆಸಿ ಪ್ರಸ್ತಾವನೆಯನ್ನು ಮುಂದಿಟ್ಟಿದ್ದಾರೆ .

ಅಬಕಾರಿ ಇಲಾಖೆಯ ಈ ಹೊಸ ಪ್ರಸ್ತಾಪಕ್ಕೆ ಮದ್ಯ ಮಾರಾಟಗಾರರು ವಿರೋಧ ವ್ಯಕ್ತಪಡಿಸಿದ್ದಾರೆ . ಆನ್ ನೈನ್ ಮೂಲಕ ಮದ್ಯ ಮಾರಾಟ ಮಾಡಲು ನಮ್ಮ ಪ್ರಬಲ ವಿರೋಧವಿದೆ . ಸಮಾಜದ ಮೇಲೆ ಗಂಭೀರ ಪರಿಣಾಮ ಬೀರುವ ಅಂತಹ ತೀರ್ಮಾನ ಕೈಗೊಳ್ಳುವುದಿಲ್ಲ ಎಂಬ ಆಶಾಭಾವನೆ ಇದೆ . ಅಷ್ಟಾದರೂ ಅದನ್ನ ಕಾರ್ಯಗತಗೊಳಿಸಿದರೆ ಕಾನೂನು ಹೋರಾಟ ಮಾಡುವುದಾಗಿ ಕರ್ನಾಟಕ ರಾಜ್ಯ ಮದ್ಯ ಮಾರಾಟಗಾರರ ಒಕ್ಕೂಟದ ಕಾರ್ಯದರ್ಶಿ ಬಿ. ಗೋವಿಂದ ರಾಜು ಹೆಗ್ಡೆ ಹೇಳಿದ್ದಾರೆ ಎಂದು ದಿನ ಪತ್ರಿಕೆಯಲ್ಲಿ ವರದಿಯಾಗಿದೆ .

ಒಟ್ಟಿನಲ್ಲಿ ಸರ್ಕಾರ ಕೊರೋನಾ ನೆಪದಲ್ಲಿ ಆನ್ ಲೈನ್ ಮದ್ಯ ಮಾರಾಟದ ಚಿಂತನೆ ನಡೆಸಿದ್ದು,‌ ಚರ್ಚೆಗೆ ಗ್ರಾಸವಾಗಿದೆ . ಈ ಬಗ್ಗೆ ಅಂತಿಮ ನಿರ್ಧಾರ ಏನು ಎಂಬುದನ್ನು ಕಾದು ನೋಡಬೇಕು.

ಒತ್ತಡಗಳಿಗೆ ಜಗ್ಗದೇ ಬಗ್ಗದೇ ಸೂರು ಉಳಿಸಿಕೊಂಡರು.. ಹಠವಾದಿಗಳು ಅಂದರೆ ಇವರೇ ನೋಡಿ..

ಒತ್ತಡದಿಂದ ಬಳಲುತ್ತಿದ್ದೀರಾ ..? ಒತ್ತಡದಿಂದ ಹೊರಬರಲು ಇಲ್ಲಿದೆ ಟಿಪ್ಸ್ ..!

ಈ ಬಾರಿ ಕನ್ನಡ ಬಿಗ್ ಬಾಸ್ ನಡೆಯುತ್ತಾ?

ನನ್ನ ಸ್ನೇಹಿತ ಕಮಿಷನರ್ ಆಗಿದ್ದಕ್ಕೆ ಖುಷಿ ಇದೆ : ಭಾಸ್ಕರ್ ರಾವ್ ಮನದ ನುಡಿ … ! ನಿರ್ಗಮಿತ ಕಮಿಷನರ್ ಭಾವುಕರಾಗಿದ್ದೇಕೆ?

ಶಾಟ್ ಗನ್ ಡ್ರೋನ್ ವಿನ್ಯಾಸಗೊಳಿಸಿದ 19ರ ಯುವಕ ..! ಈ ಡ್ರೋನ್ ವಿಶೇಷತೆ ಗೊತ್ತಾ?

ವರಮಹಾಲಕ್ಷ್ಮೀ ಹಬ್ಬಕ್ಕೆ ‘ಕಾಲಚಕ್ರ’ ಸಿನಿಮಾದ ಗಿಫ್ಟ್.. ‘ತರಗೆಲೆ ಸಂಸಾರ’ ಹಾಡು ಬಿಡುಗಡೆ

ಕೊರೊನಾ ವಿರುದ್ಧದ ಹೋರಾಟದಲ್ಲಿ ಗೆದ್ದ ಶತಾಯುಷಿ.. ಮೂರು ತಿಂಗಳ‌‌ ಚಿಕಿತ್ಸೆ ‌ಬಳಿಕ ೧೦೫ ವರ್ಷದ ವೃದ್ಧೆ ಗುಣಮುಖ.

ತನ್ನ ಆಫೀಸನ್ನು ಕೊವಿಡ್ ಆಸ್ಪತ್ರೆಯಾಗಿ ಪರಿವರ್ತಿಸಿದ ಉದ್ಯಮಿ ..!

ಮಾಲಿವುಡ್ ನಲ್ಲಿ ಮಿಂಚುತ್ತಿರುವ ಬೆಂಗಳೂರಿನ ಬೆಡಗಿ… ಈ ಚಂದದ ಬೊಂಬೆಗೆ ಚಂದನವನದಲ್ಲಿ ಅಭಿನಯಿಸುವ ಬಯಕೆಯಂತೆ..