ದರ್ಶನ್​​ ವಿಡಿಯೋ ಪೋಸ್ಟ್​​ ಮಾಡಿ ಸುಮಲತಾ ಹೇಳಿದ ಮಾತಿಗೆ ಡಿ.ಬಾಸ್ ಫ್ಯಾನ್ಸ್ ಫಿದಾ..!

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ರಾಕಿಂಗ್ ಸ್ಟಾರ್ ಯಶ್ ಮಂಡ್ಯ ಪಕ್ಷೇತರ ಅಭ್ಯರ್ಥಿ ಸುಮಲತಾ ಪರ ಪ್ರಚಾರ ಮಾಡುತ್ತಿದ್ದಾರೆ. ಅವರು ಈ ಹಿಂದೆಯೇ ಹೇಳಿದ್ದಂತೆ ಸ್ಟಾರ್ ಆಗಿ ಪ್ರಚಾರ ಮಾಡುತ್ತಿಲ್ಲ. ಮನೆ ಮಕ್ಕಳಂತೆ, ಜೋಡೆತ್ತುಗಳಾಗಿ ತಾಯಿ ಸುಮಲತಾ ಅವರ ಗೆಲುವಿಗೆ ಹಗಲಿರುಳು ದುಡಿಯುತ್ತಿದ್ದಾರೆ.
ಸುಮಲತಾ ಅಂಬರೀಶ್ ಸಹ ದರ್ಶನ್, ಯಶ್ ಮೇಲೆ ಅದೇ ತಾಯಿ ಪ್ರೀತಿಯನ್ನು ಇಟ್ಟುಕೊಂಡಿದ್ದಾರೆ. ಇಂದು ದರ್ಶನ್ ಕೆ.ಆರ್​ ಪೇಟೆ ತಾಲೂಕಿನ ಸೋಮನಹಳ್ಳಿಯಲ್ಲಿ ಸುಮಲತಾ ಅಂಬರೀಶ್ ಅವರ ಪರ ಪ್ರಚಾರ ಮಾಡುತ್ತಿದ್ದರು. ಈ ಸಂದರ್ಭದಲ್ಲಿ ಸುಮಲತಾ ಅದೇ ಗ್ರಾಮದ ಕುಮಾರ್ ಎನ್ನುವ ರೈತನ ಮನೆಯ ಹಸುವಿನ ಹಾಲು ಕರೆದು ಖುಷಿ ಪಟ್ಟಿದ್ದಾರೆ. ಈ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ. ಇದನ್ನು ಸುಮಲತಾ ಆ ವಿಡಿಯೋವನ್ನು ಪೋಸ್ಟ್​ ಮಾಡಿ ಮಗನೇ ದರ್ಶನ್,..ನೀನು ಈ ಕಾರಣಕ್ಕೆ ಇಷ್ಟ ಎಂದು ಬರೆದಿದ್ದಾರೆ.
ದರ್ಶನ್ ಅವರ ಸರಳತೆಯನ್ನು ಎಲ್ಲರೂ ಇಷ್ಟಪಡುತ್ತಾರೆ. ಹಾಗೆಯೇ ಇಂದಿನ ವಿಡಿಯೋವನ್ನು ನೋಡಿ ಮತ್ತಷ್ಟು ಇಷ್ಟವಾಗಿದ್ದಾರೆ. ವಿಡಿಯೋ ತುಂಬಾನೇ ವೈರಲ್ ಆಗುತ್ತಿದೆ.