ನಾಯಕನ ಆಟವಾಡಿದ ಕನ್ನಡಿಗ ರಾಹುಲ್ ಸೆಂಚುರಿ! ಆರ್ ಸಿಬಿ ಸೋಲಿಗೆ ಕೊಹ್ಲಿ ಎಡವಟ್ಟೇ ಕಾರಣವಾಯ್ತು..!

ನಾಯಕನ ಆಟವಾಡಿದ ಕನ್ನಡಿಗ ರಾಹುಲ್ ಸೆಂಚುರಿ! ಆರ್ ಸಿಬಿ ಸೋಲಿಗೆ ಕೊಹ್ಲಿ ಎಡವಟ್ಟೇ ಕಾರಣವಾಯ್ತು..!
ಕನ್ನಡಿಗ ಕೆ.ಎಲ್ ರಾಹುಲ್ (ಅಜೇಯ 132) ಅವರ ಅತ್ಯಾದ್ಭುತ ಬ್ಯಾಟಿಂಗ್ ನೆರವಿನಿಂದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ 2020ರ ಐಪಿಎಲ್ ನ 6 ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 97 ರನ್ ಗಳ ಭರ್ಜರಿ ಜಯ ದಾಖಲಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ತಂಡ 20 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 206 ರನ್ ಸೇರಿಸಿತು. ಪಂಜಾಬ್ ತಂಡದ ಆರಂಭ ಉತ್ತಮವಾಗಿತ್ತು. ಆರಂಭಿಕರಾದ ನಾಯಕ ಕೆ.ಎಲ್ ರಾಹುಲ್ ಹಾಗೂ ಮಯಾಂಕ್ ಅಗರ್ ವಾಲ್ (26) ಜೋಡಿ ಭರ್ಜರಿ ಆರಂಭ ಒದಗಿಸಿರು. ಕರ್ನಾಟಕದ ಸ್ಟಾರ್ ಆಟಗಾರ ರಾಹುಲ್ 69 ಎಸೆತಗಳಲ್ಲಿ 14 ಬೌಂಡರಿ, 7 ಸಿಕ್ಸರ್ ಸಹಿತ ಅಜೇಯ 132 ರನ್ ಬಾರಿಸಿದರು.
207ರನ್ಗಳ ಬೆನ್ನತ್ತಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 17 ಓವರ್ ಗಳಲ್ಲಿ 109 ರನ್ ಗಳಿಸುವಷ್ಟರಲ್ಲಿ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡು ಸೋಲಿಗೆ ಶರಣಾಯಿತು.
ಕ್ಯಾಪ್ಟನ್ ಕೊಹ್ಲಿ ನೀಡಿದ ಜೀವದಾನ!
ಮಯಾಂಕ್ ಅಗರ್ವಾಲ್ ಅವರೊಡನೆ ಬ್ಯಾಟಿಂಗ್ಗೆ ಇಳಿದ ವಿಕೆಟ್ಕೀಪರ್ ಬ್ಯಾಟ್ಸ್ಮನ್, ನಾಯಕ ಕೆಎಲ್ ರಾಹುಲ್, ಐಪಿಎಲ್ ವೃತ್ತಿಬದುಕಿನ 2ನೇ ಶತಕ ಬಾರಿಸಿ ತಂಡಕ್ಕೆ ತಂಡಕ್ಕೆ 20 ಓವರ್ಗಳಲ್ಲಿ 206/3 ರನ್ಗಳ ಬೃಹತ್ ಮೊತ್ತ ತಂದುಕೊಟ್ಟರು.

ಡೇಲ್ ಸ್ಟೇನ್ ಎಸೆದ 17ನೇ ಓವರ್ನ ಕೊನೆಯ ಎಸೆತದಲ್ಲಿ ಚೆಂಡನ್ನು ಗಾಳಿಯಲ್ಲಿ ಹಾರಿಸಿದ್ದ ಕೆಎಲ್ ರಾಹುಲ್ಗೆ ವಿರಾಟ್ ಕೊಹ್ಲಿ ಕ್ಯಾಚ್ ಕೈಚೆಲ್ಲುವ ಮೂಲಕ ಜೀವದಾನ ನೀಡಿದರು. ಬಳಿಕ 18ನೇ ಓವರ್ ಎಸೆದ ನವದೀಪ್ ಸೈನಿ ಬೌಲಿಂಗ್ನ ಕೊನೆಯ ಎಸೆತದಲ್ಲೂ ಕೊಹ್ಲಿ ಮತ್ತೊಮ್ಮೆ ರಾಹುಲ್ ಅವರ ಕ್ಯಾಚ್ ಕೈಚೆಲ್ಲಿದರು.
ಜೀವದಾನ ಸಿಕ್ಕ ಬಳಿಕ ರಾಹುಲ್ 7 ಸಿಕ್ಸರ್ಗಳನ್ನು ಬಾರಿಸಿದ್ದು ಆರ್ಸಿಬಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿತ್ತು. 63 ಎಸೆತಗಳಲ್ಲಿ ಅಜೇಯ 132 ರನ್ಗಳನ್ನು ಚಚ್ಚಿದ ಕೆಎಲ್ ರಾಹುಲ್, ಐಪಿಎಲ್ನಲ್ಲು ಭಾರತೀಯ ಬ್ಯಾಟ್ಸ್ಮನ್ ಒಬ್ಬ ಗಳಿಸಿದ ಗರಿಷ್ಠ ಮೊತ್ತದ ದಾಖಲೆ ಬರೆದರು. ಇದು ಐಪಿಎಲ್ ಇತಿಹಾಸದಲ್ಲಿ ನಾಯಕನೊಬ್ಬ ಸಿಡಿಸಿದ ಗರಿಷ್ಠ ಸ್ಕೋರ್ ಕೂಡ ಆಗಿದೆ.