ನಾಯಕ ವಿರಾಟ್​ಗೆ ಸೆಡ್ಡು ಹೊಡೆದೇ ಬಿಟ್ರು ರೋಹಿತ್ ಶರ್ಮಾ..!

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಉಪ ನಾಯಕ ರೋಹಿತ್ ಶರ್ಮಾ ನಡುವೆ ಮನಸ್ತಾಪವಿದೆ. ಇಬ್ಬರ ನಡುವೆ ಕೋಲ್ಡ್​ ವಾರ್ ನಡೀತಾ ಇದೆ ಎಂಬ ಮಾತುಗಳು ಇವೆ. ಇತ್ತೀಚೆಗೆ ವಿರಾಟ್​ ಕೊಹ್ಲಿಹಗಿಂತಾ ರೋಹಿತ್ ಶರ್ಮಾ ಅಬ್ಬರ ಜೋರಾಗಿದೆ. ವಿಶ್ವಕಪ್​ನಲ್ಲಂತೂ ರೋಹಿತ್ ಶರ್ಮಾ ಅದ್ಭುತ ಆಟ ಪ್ರದರ್ಶಿಸಿದ್ದರು. ಸೀರಿಸ್​ನಲ್ಲಿ ಅತೀ ಹೆಚ್ಚು ರನ್ ಮಾಡಿದ ದಾಖಲೆ ಸೇರಿದಂತೆ ಅನೇಕ ದಾಖಲೆಗಳನ್ನು ರೋಹಿತ್ ತನ್ನದಾಗಿಸಿಕೊಂಡಿದ್ದರು.
ಪ್ರಸ್ತುತ ಭಾರತ ವೆಸ್ಟ್​ ಇಂಡೀಸ್ ಪ್ರವಾಸದಲ್ಲಿದೆ. ಟೆಸ್ಟ್​, ಏಕದಿನ, ಟಿ20 ಸರಣಿಯನ್ನು ಆಡಲಿದೆ. ಈಗಾಗಲೇ 3 ಪಂದ್ಯಗಳ ಟಿ20 ಸರಣಿಯಲ್ಲಿ 2 ಪಂದ್ಯಗಳನ್ನು ಭಾರತ ಗೆದ್ದಿದೆ. ಈ ಸರಣಿಯಲ್ಲೂ ವಿರಾಟ್​ಗಿಂತಾ ರೋಹಿತ್ ಶರ್ಮಾ ಬ್ಯಾಟೇ ಜೋರಾಗಿ ಸದ್ದು ಮಾಡುತ್ತಿದೆ. ನಿನ್ನೆ ನಡೆದ ಮ್ಯಾಚ್​ನಲ್ಲಿ ರೋಹಿತ್ ಶರ್ಮಾ 67 ರನ್ ಮಾಡಿದ್ರು. ಟಿ20ಯಲ್ಲಿ ಅವರು ಮಾಡಿದ 17ನೇ ಅರ್ಧಶತಕವಾಗಿದೆ. ಇದರೊಂದಿಗೆ 50+ ಗಳಿಸಿದ ಬ್ಯಾಟ್ಸ್​ಮನ್​ಗಳ ಪಟ್ಟಿಯಲ್ಲಿ ನಂಬರ್ 1 ಸ್ಥಾನಕ್ಕೇರಿದ್ದಾರೆ. ವಿರಾಟ್ ಕೊಹ್ಲಿಯನ್ನು ಹಿಂದಿಕ್ಕಿ ರೋಹಿತ್ ನಂಬರ್ 1 ಪಟ್ಟ ಅಲಂಕರಿಸಿದ್ದಾರೆ.
ವಿರಾಟ್ ಕೊಹ್ಲಿ 20 ಅರ್ಧಶತಕಗಳನ್ನು ಮಾತ್ರ ಮಾಡಿದ್ದು, ರೋಹಿತ್ ಶರ್ಮಾ 17 ಅರ್ಧಶತಕ ಹಾಗೂ 4 ಶತಕದೊಂದಿಗೆ 21 ಬಾರಿ 50+ ರನ್​ಗಳನ್ನು ಮಾಡಿದಂತಾಗಿದೆ. ಹೀಗೆ ವಿರಾಟ್ ಕೊಹ್ಲಿಗೆ ರೋಹಿತ್ ಸೆಡ್ಡು ಹೊಡೆದಿದ್ದಾರೆ.
ಅದಲ್ಲದೆ ನಿನ್ನೆ ನಡೆದ ಮ್ಯಾಚ್​ನಲ್ಲಿ ಹಿಟ್ ಮ್ಯಾನ್ 3 ಸಿಕ್ಸರ್​ಗಳನ್ನು ಸಿಡಿಸಿದ್ರು. ಈ ಮೂರು ಸಿಕ್ಸರ್​ಗಳೊಂದಿಗೆ ಟಿ20ಯಲ್ಲಿ 107 ಸಿಕ್ಸರ್ ದಾಖಲಿಸಿದರು. ವೆಸ್ಟ್ ಇಂಡೀಸ್​ನ ಕ್ರಿಸ್​ ಗೇಲ್ (105), ನ್ಯೂಜಿಲೆಂಡ್​ನ ಮಾರ್ಟಿನ್ ಗಪ್ಟಿಲ್ (103) ಅವರನ್ನು ಹಿಂದಿಕ್ಕಿ ರೋಹಿತ್ ಅತೀ ಹೆಚ್ಚು ಸಿಕ್ಸರ್ ಸಿಡಿಸಿದ ಬ್ಯಾಟ್ಸ್​ಮನ್​ಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನಕ್ಕೇರಿದರು. ಹೀಗೆ ಎರಡೆರಡು ದಾಖಲೆಗಳನ್ನು ಮಾಡಿದ್ದಾರೆ.