ಪ್ರಧಾನಿಯನ್ನು ಭೇಟಿ ಮಾಡಿದ ರಾಕಿಂಗ್ ಸ್ಟಾರ್ ಯಶ್ ಏನಂತ ಹೇಳಿದ್ದಾರೆ ಗೊತ್ತಾ?

ರಾಕಿಂಗ್ ಸ್ಟಾರ್ ಯಶ್ ಸದ್ಯ ಕೆಜಿಎಫ್ ಚಾಪ್ಟರ್ 2 ಶೂಟಿಂಗ್ ಬ್ಯುಸಿಯಲ್ಲಿದ್ದಾರೆ. ಪ್ರಶಾಂತ್ ನೀಲ್ ನಿರ್ದೇಶನದ, ವಿಜಯ್ ಕಿರಗಂದೂರ್ ನಿರ್ಮಾಣದ ಕೆಜಿಎಫ್ -2 ಚಿತ್ರೀಕರಣ ಕ್ಲೈಮ್ಯಾಕ್ಸ್ ಹಂತದಲ್ಲಿದೆ. ಈಗಾಗಲೇ ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಿದೆ. ಚಿತ್ರೀಕರಣ ಕ್ಲೈಮ್ಯಾಕ್ಸ್ ಹಂತ ತಲುಪಿದ್ದು, ಬಾಲಿವುಡ್ ನಟಿ ರವೀನಾ ಟಂಡನ್ ತಂಡ ಕೂಡಿಕೊಂಡಿದ್ದಾರೆ.
ಈ ನಡುವೆ ಯಶ್ ಪ್ರಧಾನಿಯನ್ನು ಭೇಟಿ ಮಾಡಿದ್ದಾರೆ. ಪ್ರಧಾನಿ ಮೋದಿ ಅವರನ್ನಲ್ಲ ಕೆಜಿಎಫ್ ಪ್ರಧಾನಿ ರಿಮಿಕಾ ಸೇನ್ ಅವರನ್ನು. ನಟಿ ರವೀನಾ ಟಂಡನ್ ರಿಮಿಕಾ ಸೇನ್ ಎಂಬ ಹೆಸರಲ್ಲಿ ಪ್ರಧಾನಮಂತ್ರಿಗಳ ಪಾತ್ರಕ್ಕೆ ಜೀವ ತುಂಬುತ್ತಿದ್ದು, ರಾಕೀಭಾಯ್ ಆ ಪ್ರಧಾನಿಯನ್ನು ಭೇಟಿಮಾಡಿದ್ದಾರೆ.
ರವೀನಾ ಜೊತೆಗಿರುವ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿರುವ ಅವರು, “ಪ್ರಧಾನಮಂತ್ರಿ ರಮಿಕಾ ಸೇನ್​​ ಅವರನ್ನು ರಾಕಿ ಬೌಂಡ್ರಿಯೊಳಗೆ ಬರಲು ಸ್ವಾಗತ ಕೋರದಿರಬಹುದು. ಆದರೆ, ರವೀನಾ ಟಂಡನ್​ ಅವರನ್ನು ಯಶ್ ಹೋಮ್​​ಟೌನಿಗೆ ಸ್ವಾಗತ ಮಾಡಲೇಬೇಕು. ನೀವು ಚಿತ್ರತಂಡ ಸೇರಿದ್ದು ಸಂತಸ ತಂದಿದೆ. ಸ್ವಾಗತ” ಎಂದು ಯಶ್ ಪೋಸ್ಟ್ ಮಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಫೋಟೋ ವೈರಲ್ ಆಗಿದೆ.