ಕೊರೋನಾ ಎನರ್ಜೆನ್ಸಿಯಿಂದ ಇಡೀ ವಿಶ್ವ ತತ್ತರಿಸಿದೆ . ಭಾರತ ಸೇರಿದಂತೆ ಜಗತ್ತಿನ 183 ರಾಷ್ಟ್ರಗಳಲ್ಲಿ ಕೊರೋನಾ ರುದ್ರತಾಂಡವ ಆಡುತ್ತಿದೆ . ಕೊರೋನಾ ವಿರುದ್ಧ ಸಮರ ಸಾರಿರುವ ಭಾರತ ಲಾಕ್ ಡೌನ್ ಎಂಬ ‘ ಕೊರೋನಾ ಯುದ್ಧ ತಂತ್ರ ‘ ಅನುಸರಿಸಿದೆ . ಇಡೀ ದೇಶ ಸದ್ಯ ಲಾಕ್ ಡೌನ್ ಆಗಿದೆ . ಹೀಗಾಗಿ ಅತ್ಯಗತ್ಯ ಸೇವೆಗಳನ್ನು ಹೊರತುಪಡಿಸಿ ಯಾವುದೇ ಸೇವೆಗಳು ಲಭ್ಯವಿಲ್ಲ . ಹೀಗಾಗಿ ಜನ ಕೆಲವೊಂದಿಷ್ಟು ಸೇವೆಗಳ ವಿಚಾರಗಳಲ್ಲಿ ಗೊಂದಲಕ್ಕೀಡಾಗಿದ್ದಾರೆ .
ಅಂತೆಯೇ ಮೊಬೈಲ್ ವಾರೆಂಟ್ ಮುಕ್ತಾಯದ ವಿಷಯ ಕೂಡ ..! ಇದೀಗ ಮೊಬೈಲ್ ಕಂಪನಿಗಳು ವಾರೆಂಟ್ ಅವಧಿಯನ್ನು ಮುಂದೂಡಿ ಗ್ರಾಹಕರ ತಲೆನೋವು ಕಡಿಮೆ ಮಾಡಿವೆ .
ಲಾಕ್ ಡೌನ್ ಅವಧಿಯಲ್ಲಿ ನಿಮ್ಮಲ್ಲಿರುವ ಸ್ಮಾರ್ಟ್ ಫೋನ್ ವಾರೆಂಟಿ ಮುಗಿದಲ್ಲಿ ಚಿಂತಿಸುವ ಅಗತ್ಯವಿಲ್ಲ . ವಿವಿಧ ಸ್ಮಾರ್ಟ್ ಫೋನ್ ಕಂಪನಿಗಳು ತಮ್ಮ ಗ್ರಾಹಕರಿಗೆ ವಾರೆಂಟಿ , ಮಾರಾಟ ನಂತರದ ಪ್ರಯೋಜನಗಳು ಹಾಗೂ ರಿಪೇರಿ ಮೊದಲಾದ ಸೇವೆಗಳನ್ನು ವಿಸ್ತರಿಲು ನಿರ್ಧರಿಸಿವೆ . ಈ ಮೂಲಕ ಲಾಕ್ ಡೌನ್ ನಲ್ಲಿ ತಮ್ಮ ಮೊಬೈಲ್ ವಾರೆಂಟಿ ಬಗ್ಗೆ ಚಿಂತಿಸುತ್ತಿದ್ದ ಗ್ರಾಹಕರು ನಿಶ್ಚಿಂತೆಯಿಂದ ಇರುವಂತಾಗಿದೆ .
ನಿಮ್ಮಲ್ಲಿರುವ ಫೋನ್ ವಾರೆಂಟಿ ಲಾಕ್ ಡೌನ್ ಅವಧಿಯಲ್ಲಿ ಮುಕ್ತಾಯವಾಗುತ್ತಿದೆ ಎಂದಾದರೆ ಆ ಅವಧಿಯನ್ನು ವಿಸ್ತರಿಸಲಾಗುತ್ತಿದ್ದು , ಮೇ 31 ರವರೆಗೆ ವಾರೆಂಟಿ ನೀಡಲಾಗುತ್ತಿದೆ .
ಸ್ಯಾಮ್ಸ್ ಸಂಗ್, ರಿಯಲ್ ಮಿ, ಒಪ್ಪೋ, ಒನ್ ಪ್ಲೆಸ್ , ವಿವೋ , ಲೆನೋವೋ, ಹುವೈ, ಮೋಟೋ ರೋಲಾ ಹೊನೋರ್, ಏಸಸ್ , ಐಟೆಲ್, ಲಾವಾ ಮತ್ತು ಇನ್ಫಿನಿಕ್ಸ್ ವಿಸ್ತರಣೆ ಪ್ರಯೋಜನ ನೀಡಿವೆ .
ಸ್ಯಾಮ್‌ಸಂಗ್ : ಸ್ಯಾಮ್ ಸಂಗ್ ಸಂಸ್ಥೆ ಗ್ರಾಹಕರಿಗೆ ವಾರೆಂಟಿ ವಿಸ್ತರಣೆ ಕೊಡುಗೆ ನೀಡಿದೆ.
ಗ್ರಾಹಕರ ಹಿತರಕ್ಷಣೆ ಕಾಪಾಡುವ ನಿಟ್ಟಿನಲ್ಲಿ , ಮಾರ್ಚ್ 20ರಿಂದ ಏ. 30ರವರೆಗೆ ನಿಮ್ಮ ಫೋನ್ ವಾರಂಟಿ ಇದ್ದಲ್ಲಿ, ಮೇ 31, 2020ವರೆಗೆ ವಾರಂಟಿ ವಿಸ್ತರಣೆ ಮಾಡಿದೆ.
ಹುವೈ ಮತ್ತು ಹೊನೊರ್
ಇನ್ನು ನಮ್ಮ ದೇಶದಲ್ಲಿ ಹುವೈ ಮತ್ತು ಹೊನೊರ್ ಫೋನ್ ಬಳಕೆದಾರರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಮಾರ್ಚ್ 21ರಿಂದ ಜೂನ್ 21ರವರೆಗೆ ವಾರಂಟಿ ಹೊಂದಿರುವ ಎಲ್ಲ ಫೋನ್‌ಗಳ ವಾರಂಟಿ ಜೂನ್ 30ರವರೆಗೆ ವಿಸ್ತರಿಸಲು ಸಂಸ್ಥೆ ತೀರ್ಮಾನಿಸಿದೆ .
ವಿವೋ : ಚೀನಾ ಮೂಲದ ವಿವೋ ಕಂಪನಿ ಸಹ ವಾರಂಟಿ ವಿಸ್ತರಣೆಗೆ ಮುಂದಾಗಿದೆ . ಈ ಮೂಲಕ ತನ್ನ ಗ್ರಾಹಕರಿಗೆ ಲಾಕ್ ಡೌನ್ ಹಿನ್ನೆಲೆಯಲ್ಲಿ ವಿಶೇಷ ಕೊಡುಗೆ ನೀಡುತ್ತಿದೆ. ಮಾರ್ಚ್ 25ಕ್ಕೆ ನಿಮ್ಮ ಫೋನ್ ವಾರಂಟಿ ಮುಗಿದಿದ್ದಲ್ಲಿ, ನಿಮಗೆ ಮೇ 31, 2020ರವರೆಗೆ ವಾರಂಟಿ ವಿಸ್ತರಣೆ ನೀಡಲಾಗುತ್ತದೆ .
ರಿಯಲ್‌ಮಿ : ರಿಯಲ್‌ಮಿ ಫೋನ್ ಕೂಡ ಕೊರೋನಾ ಲಾಕ್ ಡೌನ್ ಅವಧಿಯಲ್ಲಿ ವಾರಂಟಿ ವಿಸ್ತರಣೆ ಮಾಡುತ್ತಿದೆ . ಫೋನ್ ಮತ್ತು ಅಕ್ಸೆಸ್ಸರಿಗೂ ಅಧಿಕ ವಾರಂಟಿ ಕೊಡುಗೆ ಲಭ್ಯವಾಗಲಿದೆ . ಮಾರ್ಚ್ 20ರಿಂದ ಹಿಡಿದು ಏಪ್ರಿಲ್ 30ರವರೆಗೆ ವಾರಂಟಿ ಹೊಂದಿರುವ ಎಲ್ಲಾ ಮೊಬೈಲ್ ಡಿವೈಸ್‌ಗಳಿಗೂ ಮೇ 31ರವರೆಗೆ ವಾರಂಟಿ ವಿಸ್ತರಣೆ ಮಾಡಿದೆ .
ಒಪ್ಪೋ : ಒಪ್ಪೋ ಕೂಡ ಗ್ರಾಹಕರಿಗೆ ಒಪ್ಪಿತ ಸೇವೆ ಒದಗಿಸಿದೆ .
ಒಪ್ಪೋ ಕೂಡ ತನ್ನ ಗ್ರಾಹಕರಿಗೆ ಲಾಕ್‌ಡೌನ್ ಅವಧಿಯಲ್ಲಿ ವಾರಂಟಿ ಮೇ 31ರವರೆಗೆ ವಿಸ್ತರಣೆ ಮಾಡಿದೆ . ಅಂದರೆ ಮಾರ್ಚ್ 23ರ ನಂತರ ನಿಮ್ಮ ವಾರಂಟಿ ಮುಗಿದುಹೋದರೆ, ಮೇ 31ರವರೆಗೆ ವಿಸ್ತರಣೆಯಾಗಲಿದೆ . ಫೋನ್ ಮಾತ್ರವಲ್ಲದೆ, ಬಾಕ್ಸ್ ಅಕ್ಸೆಸ್ಸರಿಗೂ ವಾರಂಟಿ ವಿಸ್ತರಣೆಯಾಗಲಿದೆ. ಒನ್‌ಟೈಂ ಸ್ಕ್ರೀನ್ ರಿಪ್ಲೇಸ್‌ಮೆಂಟ್, ಡ್ಯಾಮೇಜ್ ಪ್ರೊಟೆಕ್ಷನ್‌ಗೂ ವಾರಂಟಿ ಸೌಲಭ್ಯ ನೀಡಿದೆ .
ಒನ್‌ಪ್ಲಸ್ : ಚೀನಾ ಮೂಲದ ಸಂಸ್ಥೆ ಒನ್‌ಪ್ಲಸ್, ದೇಶದಲ್ಲಿ ಲಾಕ್‌ಡೌನ್ ಅವಧಿಯಲ್ಲಿ ರಿಟರ್ನ್ಸ್ ಮತ್ತು ವಾರಂಟಿಯನ್ನು ವಿಸ್ತರಣೆ ಮಾಡಿದೆ . ಮಾರ್ಚ್ 1ರಿಂದ ನಿಮ್ಮ ವಾರಂಟಿ ಮೇ 30ಕ್ಕೆ ಕೊನೆಯಾಗುತ್ತಿದ್ದರೆ, ಮೇ 31ರವರೆಗೆ ನಿಮಗೆ ವಾರಂಟಿ ವಿಸ್ತರಣೆ ಸೌಲಭ್ಯ ಸಿಗಲಿದೆ . ರಿಟರ್ನ್ ಮತ್ತು ರಿಪ್ಲೇಸ್‌ಮೆಂಟ್ ಅವಧಿಯನ್ನು 15 ದಿನದಿಂದ 30ರವರೆಗೆ ವಿಸ್ತರಿಸಿದೆ .
ಲೆನೋವೋ ಮತ್ತು ಮೋಟೋರೊಲಾ :
ಲೆನೋವೊ ಮತ್ತು ಮೋಟೋರೊಲಾ ಖರೀದಿಸಿರುವ ಗ್ರಾಹಕರಿಗೆ ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಫೋನ್ ವಾರಂಟಿ ಹೆಚ್ಚಿಸಿದೆ . ಮಾರ್ಚ್ 15 ರಿಂದ ಏಪ್ರಿಲ್ 30ವರೆಗಿನ ಅವಧಿಯಲ್ಲಿ ಲಾಕ್‌ಡೌನ್‌ನಿಂದಾಗಿ ಯಾವುದೇ ಮಾರಾಟ ನಂತರದ ಸೇವೆ ಪಡೆದುಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದಾದರೆ ಚಿಂತಿಸುವ ಅಗತ್ಯವಿಲ್ಲ . ವಾರೆಂಟಿಯನ್ನು ಮೇ 31 ರವರೆಗೆ ವಿಸ್ತರಿಸಿದೆ .
