ನೀವು ಈಗತಾನೆ ಕಾಲೇಜು ಮುಗಿಸಿ ಫಸ್ಟ್ ಟೈಮ್ ಆಫೀಸ್ಗೆ ಹೋಗುತ್ತಿದ್ದರೆ, ನಿಮ್ಮ ಕಾಲೇಜು ಫ್ಯಾಷನ್ನ ಬಣ್ಣ ಬಣ್ಣದ ಟೀಶರ್ಟ್, ಟೋರ್ನ್ಡ್ ಪ್ಯಾಂಟ್ಗಳನ್ನು ಹಾಕಬೇಡಿ. ಆಫೀಸ್ಗಾಗಿಯೇ ಫಾರ್ಮಲ್ ಪ್ಯಾಂಟ್, ಬ್ಲೆಜರ್, ಕಾಲರ್ ಶರ್ಟ್, ಸ್ಕರ್ಟ್ನ ಖರೀದಿಸಿ. ಆಫೀಸ್ ವಾತಾವರಣಕ್ಕೆ ಹೊಂದಿಕೊಳ್ಳುತ್ತಾ ಅಲ್ಲಿಗೆ ಹೊಂದುವ ಉಡುಪುಗಳ ಕಲೆಕ್ಷನ್ ಮಾಡಿಕೊಳ್ಳುತ್ತಾ ಹೋಗಿ.
ನೀವು ಯಾವಾಗಲೂ ಡೆನಿಮ್ ಜೀನ್ಸ್ ಉಡುಪುಗಳನ್ನು ಧರಿಸುವವರಾದರೇ, ನಿಮ್ಮ ಸ್ಟೈಲ್ಗೆ ತಕ್ಕಂತ ಡೆನಿಮ್ ಉಡುಪುಗಳನ್ನು ಬಹುಕಾಲದಿಂದ ತೊಡುತ್ತಾ ಬಂದಿದ್ದರೇ ಮಾತ್ರ ಆಫೀಸ್ಗೆ ಡೆನಿಮ್ ಆಯ್ದುಕೊಳ್ಳಿ. ಪರನ್ಸಿಲ್ ಸ್ಕರ್ಟ್, ಡಾರ್ಕ್ ಡೆನಿಮ್ಗಳು ಆಫೀಶ್ಗೆ ಸೂಕ್ತವಾಗಿವೆ. ಆದರೆ ಇಂತಹ ಉಡುಪುಗಳನ್ನು ಆಯ್ದುಕೊಳ್ಳುವ ಮೊದಲು ನಿಮಗೆ ಸೂಕ್ತವಾಗಿದೆಯೋ ಇಲ್ಲವೋ ಅನ್ನೊದನ್ನು ಪರೀಕ್ಷಿಸಿಕೊಳ್ಳಿ.
ಜರ್ಸಿ ಉಡುಪುಗಳು ಕಡಿಮೆ ಬೆಲೆಯಲ್ಲಿ ಹಾಗೂ ನಿಮಗೆ ಕಂಫರ್ಟ್ಟೇಬಲ್ ಆಗಿ ದೊರಕುತ್ತವೆ. ಆದರೆ ನಿಮ್ಮ ಆಫೀಸ್ನ ವಾತಾವರಣಕ್ಕೆ ಜೆರ್ಸಿ ಉಡುಪು ಹೊಂದಿಕೆಯಾಗುತ್ತದೆಯೋ ಇಲ್ಲವೋ ನೋಡಿಕೊಳ್ಳಿ. ನಿಮ್ಮ ಆಫೀಸ್ನಲ್ಲಿ ಎಲ್ಲರೂ ಕ್ಯಾಶುವಲ್ ಆಗಿ ಬರುತ್ತಿದ್ದರೇ, ನಿಮ್ಮ ಕೆಲಸದಲ್ಲಿ ಅಧಿಕಾರಿಗಳನ್ನು ಭೇಟಿ ಮಾಡುವ ಪ್ರಮೆಯ ಬರುವುದಿಲ್ಲ ಎಂದಿದ್ದರೇ ಮಾತ್ರ ಜರ್ಸಿ ಉಡುಪುಗಳನ್ನು ಧರಿಸಿ.
ಫಾರ್ಮಲ್ ಸ್ಕರ್ಟ್ಗಳನ್ನು ಧರಿಸಿದಾಗ ಹೈ ಹೀಲ್ಸ್ ಹಾಕಲೇಬೇಕೆಂದಿಲ್ಲ. ಯಂಗ್ ಹಾಗೇ ಫ್ಯಾಷನೇಬಲ್ ಆಗಿ ಕಾಣಿಸಲು ಲೋ ಹೀಲ್ಸ್ ಕೂಡ ಧರಿಸಬಹುದು. ಇದು ನಿಮ್ಮ ಫಾರ್ಮಲ್ ಬ್ಲೆಜರ್ ಉಡುಪುಗಳಿಗೆ, ಸ್ಕರ್ಟ್ಗಳಿಗೆ ಕೂಡ ಮ್ಯಾಚ್ ಆಗುತ್ತದೆ.
ಸ್ಯಾಂಡಲ್ಸ್ ಆಯ್ದುಕೊಳ್ಳುವಾಗ ಬೆರಳುಗಳು ಕಾಣುವಂತಹ ಓಪನ್ ಟೋ ಪಾದರಕ್ಷೆಗಳು ಬೇಡ. ಆದಷ್ಟು ಕಾಲುಬೆರಳು ಮುಚ್ಚುವ ಸ್ಯಾಂಡಲ್ಸ್ ಆಯ್ದುಕೊಳ್ಳಿ. ಇಲ್ಲದಿದ್ದರೇ ಕಾಲು ಬೆರಳಿನ ಸೌಂದರ್ಯ ಕಾಪಾಡಿಕೊಳ್ಳಲು ಪದೇ ಪದೇ ಪೆಡಿಕ್ಯೂರ್ ಮಾಡಿಸಿಕೊಳ್ಳಬೇಕಾಗುತ್ತದೆ.
ಆಫೀಸ್ಗೆ ಎಂದಿಗೂ ಶಾರ್ಟ್ ಧರಿಸಬೇಡಿ. ಕೆಲವು ಆಫೀಸ್ಗಳಲ್ಲಿ ಇಂತಹ ಶಾರ್ಟ್ ಸ್ಕರ್ಟ್, ಶಾರ್ಟ್ ಪ್ಯಾಂಟ್ಸ್ಗಳಿಗೆ ಸಂಪೂರ್ಣ ನಿಷೇಧಿವಿದೆ. ಇಂತಹ ಉಡುಪುಗಳು ತೀರಾ ಕ್ಯಾಷುವಲ್ ಲುಕ್ ನೀಡುತ್ತವೆ.
ಆತೀಯಾಗಿ ಬಣ್ಣಗಳಿರುವ, ಹೊಳೆಯುವ ಪಾರ್ಟಿವೇರ್ ಉಡುಪುಗಳನ್ನು ಆಫೀಸ್ಗೆ ಧರಿಸಬೇಡಿ. ಜೊತೆಗೆ ಅತಿಯಾದ ಮೇಕಪ್ ಕೂಡ ಬೇಡ. ಆದಷ್ಟು ಕಡಿಮೆ ಮೇಕಪ್ನಲ್ಲಿ ಸುಂದರವಾಗಿ ಕಾಣಿಸುವಂತೆ ನೋಡಿಕೊಳ್ಳಿ.
