ಕುತೂಹಲ ಕೆರಳಿಸಿದ ಮನುಷ್ಯರ ರೀತಿಯ ಹಲ್ಲಿರುವ ಮೀನು..!

ಎಂತಾ ವಿಚಿತ್ರಾ ನೋಡಿ… ಇಲ್ಲೋಂದು ಮೀನಿಗೆ ಥೇಟ್ ಮನುಷ್ಯರಂತೆ ಹಲ್ಲುಗಳಿವೆ. ಈ ಮೀನು ಮಿಚಿಗನ್ ಸರೋವರದಲ್ಲಿ ಪತ್ತೆಯಾಗಿರುವುದನ್ನು ಇಂಡಿಪೆಂಡೆಂಟ್ ಪತ್ರಿಕೆ ವರದಿ ಮಾಡಿದೆ. ಇಂತಹ ವಿಚಿತ್ರ ರೀತಿಯ ಮೀನು ಎಲ್ಲರಲ್ಲೂ ಆಶ್ಚರ್ಯ ಮೂಡಿಸುವುದರ ಜೊತೆಗೆ ಆತಂಕವೂ ಹುಟ್ಟಿಸಿದೆ. ವನ್ಯ ಜೀವಿ ತಜ್ಞರೂ ಸಹ ಈ ಮೀನಿನಿಂದ ಸ್ವಲ್ಪ ಎಚ್ಚರದಲ್ಲಿರುವಂತೆ ಸೂಚಿಸಿದ್ದಾರೆ. ಪಿರಾನಿ ಮೀನಿನ ಜಾತಿಗೆ ಸೇರಿರುವ ಈ ಮೀನಿನ ಮೂಲ ಹೆಸರು ಪಾಕು ಎಂದು. ಸುಮಾರು ಮೂರು ಅಡಿ ಉದ್ದದಷ್ಟು ಬೆಳೆಯುವ ಈ ಮೀನು 25ಕೆಜಿಗೂ ಅಧಿಕ ತೂಕ ಹೊಂದಿರುತ್ತದೆ. ಇದನ್ನು ಅಕ್ವೇರಿಯಂನಲ್ಲಿ ಸಾಕಲು ಇಂತಹ ಮೀನನ್ನು ಸೃಷ್ಟಿಸಲಾಗಿದ್ದು, ಇದು ಬಹು ಬೇಗನೇ ಬೆಳೆಯುವುದರಿಂದ ನದಿ ಹಾಗೂ ಸರೋವರಗಳಲ್ಲಿ ಬಿಡಲಾಗುತ್ತದೆ ಎಂದು ಹೇಳಿದ್ದಾರೆ. ಈ ಮೀನಗಳು ನೈಸರ್ಗಿಕ ಪರಿಸರಕ್ಕೆ ಹೊಂದಿಕೊಳ್ಳಲು ಕಷ್ಟವಾಗುವ ಕಾರಣ ಅದು ಇತರೇ ಜೀವಿಗಳಿಗೆ ತೊಂದರೆ ಕೊಡುತ್ತದೆ. ಆದ್ದರಿಂದ ಸಾರ್ವಜನಿಕರು ಎಚ್ಚರದಿಂದಿರಬೇಕು ಎಂದು ವನ್ಯ ಜೀವಿ ತಜ್ಞರು ತಿಳಿಸಿದ್ದಾರೆ.