ಚೈನೀಸ್ ಕಂಪನಿಗೆ ಸ್ಟಾರ್ಟ್ ಅಪ್ ಕಂಪನಿನ 6,000 ಕೋಟಿಗೆ ಮಾರಿ ಬಿಟ್ರಂತೆ ಮುಂಬಯಿ ಬ್ರದರ್ಸ್…!

ಪ್ರತಿಯೊಬ್ಬನೂ ಒಂದಲ್ಲ ಒಂದು ದಿನ ತಾನೊಬ್ಬ ಬಿಲಿಯನರ್ ಆಗ್ಬೇಕು,ಕೈ ತುಂಬಾ ದುಡ್ಡು ಸಂಪಾದನೆ ಮಾಡ್ಬೇಕು ಅಂತೆಲ್ಲಾ ಕನಸು ಕಾಣ್ತಾನೆ ಅಲ್ಲವೇ?ಆದ್ರೆ ನಾವಿಲ್ಲಿ ಕನಸು ಕಾಣುತ್ತಾ ಕೂತಿರೋವಾಗ ಈ ಮುಂಬಯಿ ಬ್ರದರ್ಸ್ ಆ ನಮ್ಮ ಕನಸನ್ನು ತಮ್ಮದಾಗಿಸಿಕೊಂಡು ಬಿಟ್ರು ನೋಡಿ! ಅವರ ಜೀವನದಲ್ಲಿ ಅದೃಷ್ಟ ಒಲಿದು ಬಂದದ್ದು ಹೇಗೆ ಎಂದು ನೋಡೋಣವೇನು??
ದಿವ್ಯಾಂಕ ತುರಾಕಿಯ ಹಾಗೂ ಭಾವಿನ್ ತುರಾಕಿಯ ಎಂಬ ಸಹೋದರರಿಬ್ಬರು ತಮ್ಮ ಮೀಡಿಯಾ ನೆಟ್ ಎಂಬ ಟೆಕ್ ಸ್ಟಾರ್ಟ್ ಅಪ್ ನ ಒಂದು ಚೈನಾ ಮೂಲದ ಮೀಡಿಯಾ ಹಾಗೂ ಟೆಲಿಕಾಂ ಕಂಪನಿಯಾದ ಬೀಜಿಂಗ್ ಮೈಟೆನೋ ಕಮ್ಯೂನಿಕೇಷನ್ ಟೆಕ್ನಾಲಜಿ ಎಂಬ ಕಂಪನಿಗೆ ಭಾರೀ ಮೊತ್ತಕ್ಕೆ ಮಾರಿ ಬಿಟ್ಟಿದ್ದಾರೆ,ಎಷ್ಟೆಂದು ಅಂದಾಜಿಸಬಲ್ಲಿರಾ?$ 900 ಬಿಲಿಯನ್ ಅರ್ಥಾತ್ ಸುಮಾರು 6,000 ಕೋಟಿ ರೂಪಾಯಿಗಳು.ದಂಗಾಗಿ ಬಿಟ್ರೇನು?
ಮೀಡಿಯಾ ನೆಟ್ ನ ಈ ಡೀಲ್ ನ ಒಂದು ಭಾರೀ ಮೊತ್ತದ ಡೀಲ್ ಎಂದು ಈ ಟೆಕ್ ಕ್ಷೇತ್ರದಲ್ಲಿ ಪರಿಗಣಿಸಲಾಗಿದೆ.ಭಾವಿನ್ ಹಾಗೂ ದಿವ್ಯಾಂಕ್ ಅವರು ತಮ್ಮ ಸ್ಟಾರ್ಟ್ ಅಪ್ ನ ತುಂಬಾ ಜಾಗರೂಕತೆಯಿಂದ ವ್ಯವಸ್ಥಿತವಾಗಿ ಕಾಪಾಡಿಕೊಂಡಿದ್ದಲ್ಲದೆ ಅದನ್ನು ಯಶಸ್ಸಿನ ತುದಿಗೇರುವಂತೆ ಎಲ್ಲಾ ರೀತಿಯ ಪ್ರಯತ್ನ ಪಟ್ಟಿದ್ದಾರೆ.ಕಂಪನಿಯು ಹಲವು ವಿಧದ ಸೇವೆಗಳನ್ನು ನೀಡುತ್ತಿದ್ದು ಹಲವು ಜಾಹೀರಾತುಗಳ ಪ್ರಚಾರದಿಂದ ತಮ್ಮ ಉತ್ಪನ್ನಗಳ ಮೂಲಕ ಕಸ್ಟಮರ್ಸ್ ಗೆ ಅದ್ಬುತ ಸೇವೆ ನೀಡುವುದನ್ನು ತನ್ನ ಗುರಿಯಾಗಿಸಿದೆ
ಯಾಹೂ ಹಾಗೂ ಬಿಂಗ್ ವ್ಯವಸ್ಥೆಯ ಮೂಲಕ ಪಬ್ಲಿಷರ್ಸ್ ನ್ನು ಹಲವು ವಿಧದ ಜಾಹೀರಾತು ಗಳಿಗೆ ಸಂಪರ್ಕಿಸುವತ್ತ ಸಹಕರಿಸುತ್ತದೆ.ಮಾರಾಟದ ಬೆಲೆಯ ಬಗ್ಗೆ ಹೇಳುವುದಾದಲ್ಲಿ ಇದು ಇತರ ಎಲ್ಲಾ ದೊಡ್ಡ ಡೀಲ್ ಗಳನ್ನು ಮೀರಿಸಿದೆ ಎಂದರೆ ತಪ್ಪಾಗಲಾರದು. ಅಂದರೆ ಉದಾಹರಣೆಗಾಗಿ ಗೂಗಲ್ ನ ಆಡ್ ಮೊಬ್ ಖರೀದಿ $ 750ಮಿಲಿಯನ್ ಹಾಗೂ ಟ್ವಿಟ್ಟರ್ ನ ಮೊಬೈಲ್ ಪಬ್ ಖರೀದಿ $350 ಮಿಲಿಯನ್ ಗಳು.ಟೆಕ್ ಇಂಡಸ್ಟ್ರಿಯ ಈಗಿನ ಏರು ಪೇರಿನ ಸ್ಥಿತಿಯಲ್ಲಿ ನಡೆದಿರೋ ಈ ಡೀಲ್ ನ ನೋಡಿ ಎಲ್ಲಾರೂ ಕ್ಷಣ ಕಾಲ ಆಶ್ಚರ್ಯ ಚಕಿತರಾಗಿದ್ದಾರೆ.
ಬೀಜಿಂಗ್ ಮೈಟೆನೊ ನ ಚೇರ್ ಮ್ಯಾನ್ ಆಗಿರೋ ಜಿಯೋಂಗ್ ಜಾಂಗ್ ನಡೆಸಿರೋ ಈ ವ್ಯವಹಾರದಲ್ಲಿ ಇವರಿಗೆ ಈಗಾಗಲೇ $ 426ಬಿಲಿಯನ್ ಮೊತ್ತ ಸಂದಾಯ ಮಾಡಿದೆ.ಇನ್ನುಳಿದಿರೋ $474 ಬಿಲಿಯನ್ ಮೊತ್ತವನ್ನು ಅಗ್ರಿಮೆಂಟ್ ನಲ್ಲಿ ನೀಡಿರೋ ವ್ಯವಸ್ಥೆಯಂತೆ ಸಂದಾಯ ಮಾಡಲಾಗುವುದು ಎಂದು ವರದಿಯು ತಿಳಿಸಿದೆ.

ಮೂಲತ: ಮೀಡಿಯಾ ನೆಟ್ ಬಿ.ಎಮ್ ಸಿ.ಟಿ ಯ ಒಂದು ಸಬ್ಸಿಡಿಯರಿ ಆಗಿರುವುದು.