ನಿಮಗೆ ಗೊತ್ತೆ..? ಮೂಳೆ ವೀಕ್ ಆಗುವುದಕ್ಕೆ ನಿಮ್ಮ ಈ 5 ಅಭ್ಯಾಸಗಳೇ ಕಾರಣ
ಇಂದಿನ ತೀವ್ರ ಸ್ಪರ್ಧಾತ್ಮಕ ಬದುಕಿನಲ್ಲಿ ಕೆಲಸ, ಮನೆ ಮತ್ತು ವೈಯಕ್ತಿಕ ಜವಾಬ್ದಾರಿಗಳ ನಡುವಿನ ಓಟದಲ್ಲಿ, ಬಹಳಷ್ಟು ಮಂದಿ ತಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಲು ಸಮಯವನ್ನೇ ಕಳೆದುಕೊಳ್ಳುತ್ತಾರೆ. ಫಲವಾಗಿ, ಹಲವರಿಗೆ ಕಿರಿಯ ವಯಸ್ಸಿನಲ್ಲೇ ಮೂಳೆ ಸಂಬಂಧಿತ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತಿವೆ. ಕೆಲ ದೈನಂದಿನ ಅಭ್ಯಾಸಗಳೇ ನಮ್ಮ ಮೂಳೆಗಳನ್ನು (Bone Health) ನಿಧಾನವಾಗಿ ದುರ್ಬಲಗೊಳಿಸುತ್ತವೆ. ಮೊಣಕಾಲು ನೋವು, ಬೆನ್ನುನೋವು, ಆಯಾಸ, ನಡೆಯುವಾಗ ತೊಂದರೆ ಇಂತಹ ಸಮಸ್ಯೆಗಳ ಮೂಲ ಇದೂ ಆಗಬಹುದು.
ಇಲ್ಲಿದೆ ಮೂಳೆಗಳಿಗೆ ಹೆಚ್ಚು ಹಾನಿ ಮಾಡುವ 5 ಸಾಮಾನ್ಯ ದೈನಂದಿನ ಅಭ್ಯಾಸಗಳು:
- ಸೂರ್ಯನ ಬೆಳಕಿಗೆ ಹೋಗದಿರುವುದು
ಮೂಳೆಗಳ ದೃಢತೆಗೆ ವಿಟಮಿನ್–D ಅತ್ಯಗತ್ಯ. ವಿಟಮಿನ್–D ಕೊರತೆಯಿಂದ ಮೂಳೆಗಳು ದುರ್ಬಲಗೊಳ್ಳುತ್ತವೆ ಹಾಗೂ ನೋವು ಹೆಚ್ಚಾಗುತ್ತದೆ. ಇಂದಿನ ಕೆಲಸದ ಬ್ಯುಸಿಯಲ್ಲಿ ಜನರಿಗೆ ಸೂರ್ಯನ ಬೆಳಕಿಗೆ ಹೋಗಲು ಸಮಯವೇ ಸಿಗುವುದಿಲ್ಲ.
ಪ್ರತಿದಿನ 20–30 ನಿಮಿಷ ಸೂರ್ಯನ ಬೆಳಕಿನಲ್ಲಿ ಕಳೆಯುವುದು ಅತ್ಯುತ್ತಮ.
- ಗಂಟೆಗಟ್ಟಲೆ ಒಂದೇ ಜಾಗದಲ್ಲಿ ಕುಳಿತು ಕೆಲಸ ಮಾಡುವುದು
ಲಾಂಗ್ ಸಿಟಿಂಗ್‌ನಿಂದ ರಕ್ತಪರಿಚಲನೆಯಲ್ಲಿ ಕಡಿತ ಉಂಟಾಗಿ ಮೂಳೆ ಮತ್ತು ಸ್ನಾಯುಗಳ ಕಾರ್ಯಕ್ಷಮತೆ ಕುಗ್ಗುತ್ತದೆ.
ಪ್ರತಿ 1–2 ಗಂಟೆಗೆ ಒಮ್ಮೆ ಎದ್ದು ನಡೆಯುವುದು, ಲಘು ವ್ಯಾಯಾಮ ಮಾಡುವುದು ಅಗತ್ಯ.
- ಆಹಾರದಲ್ಲಿ ಕ್ಯಾಲ್ಸಿಯಂ ಮತ್ತು ಪ್ರೋಟೀನ್ ಕೊರತೆ
ಸಂಸ್ಕರಿಸಿದ ಆಹಾರ, ಫಾಸ್ಟ್ ಫುಡ್ ಹೆಚ್ಚು ತಿನ್ನುವುದರಿಂದ ಅಗತ್ಯವಾದ ಕ್ಯಾಲ್ಸಿಯಂ ಮತ್ತು ಪ್ರೋಟೀನ್ ಸೇವನೆ ಕಡಿಮೆಯಾಗುತ್ತದೆ. ಇವು ಮೂಳೆ ನಿರ್ಮಾಣಕ್ಕೆ ಅತ್ಯಾವಶ್ಯಕ.
ಆಹಾರದಲ್ಲಿ ಹಾಲು, ಮೊಸರು, ಬಾದಾಮಿ, ಎಳ್ಳು, ಹುರಳಿ, ಮೊಟ್ಟೆ, ಮೀನು ಮುಂತಾದವುಗಳನ್ನು ಸೇರಿಸಿಕೊಳ್ಳಿ.
- ಕಡಿಮೆ ನೀರು ಕುಡಿಯುವುದು
ದೇಹದಲ್ಲಿ ನೀರಿನ ಕೊರತೆಯು ಮೂಳೆ ಮಜ್ಜೆ ಮತ್ತು ಕೀಲುಗಳ ಚಲನವಲನಕ್ಕೆ ಅಡ್ಡಿಯಾಗುತ್ತದೆ. ಇದರಿಂದ ಕೀಲುಗಳು ಒಣಗಿ ನೋವು ಹೆಚ್ಚಾಗುತ್ತದೆ.
ದಿನಕ್ಕೆ ಕನಿಷ್ಠ 8 ಗ್ಲಾಸ್ ನೀರು ಕುಡಿಯಿರಿ.
- ತಡರಾತ್ರಿ ಮಲಗುವುದು ಮತ್ತು ಕಡಿಮೆ ನಿದ್ರೆ
ತಡವರೆಗೆ ಮೊಬೈಲ್, ಟಿವಿ, ಗೇಮ್ಸ್‌ನಲ್ಲಿ ಕಾಲ ಕಳೆಯುವುದರಿಂದ ನಿದ್ರೆ ಕಡಿಮೆಯಾಗುತ್ತದೆ. ಉತ್ತಮ ನಿದ್ರೆ ಮೂಳೆ ಕೋಶಗಳ ಪುನರುತ್ಪತ್ತಿಗೆ ಅಗತ್ಯ.
ಪ್ರತಿದಿನ 7–8 ಗಂಟೆಗಳ ಗುಣಮಟ್ಟದ ನಿದ್ರೆ ಪಡೆಯುವುದು ಅತ್ಯಂತ ಮುಖ್ಯ.
ನಿಮ್ಮ ಮೂಳೆಗಳು ಆರೋಗ್ಯವಾಗಿರಲು ನಿಯಮಿತ ಸೂರ್ಯನ ಬೆಳಕು, ಸರಿಯಾದ ನೀರಿನ ಸೇವನೆ, ಪೌಷ್ಟಿಕ ಆಹಾರ, ಚಲನೆ ಮತ್ತು ಉತ್ತಮ ನಿದ್ರೆ ಅನಿವಾರ್ಯ! ಈ ಅಭ್ಯಾಸಗಳಲ್ಲಿ ಯಾವುದನ್ನಾದರೂ ನೀವು ಮಾಡುತ್ತಿದ್ದರೆ, ಈಗಲೇ ಬದಲಾವಣೆ ಆರಂಭಿಸಿ. ನಿಮ್ಮ ಮೂಳೆ ಆರೋಗ್ಯ ನಿಮ್ಮ ಕೈಯಲ್ಲೇ ಇದೆ.
