ಜಗತ್ತಿಗೆ ಬಟ್ಟೆ ಕೊಟ್ಟವರು ಭಾರತೀಯರು..!? ನಮ್ಮ ದೇಶದ ಬಗ್ಗೆ ಹೆಮ್ಮೆಯಿರಲಿ..!!

ಅದು ನಾಗರಿಕತೆ ಬೆಳೆಯುತ್ತಿದ್ದ ಕಾಲ. ಅಂದರೆ 3.000 ವರ್ಷಗಳ ಹಿಂದಿನ ಸಮಯ. ಆಗ ಜನರು ತಮ್ಮ ಮಾನ ಮುಚ್ಚಿಕೊಳ್ಳಲು ಮರದ ಎಲೆ, ತೊಗಟೆಗಳನ್ನು ಬಳಸುತ್ತಿದ್ದರು. ಅವೆಲ್ಲ ಅಲ್ಪಾವಧಿಯ ಮಾನ ಮುಚ್ಚಿಕೊಳ್ಳುವ ಸರಕುಗಳಾಗಿತ್ತು. ಆನಂತರ ಪ್ರಾಣಿಗಳ ಚರ್ಮವನ್ನು ಉಪಯೋಗಿಸುವುದನ್ನು ಕಲಿತರು. ಕಾಲ ಬದಲಾದಂತೆ ಜನ ಹೊಸ-ಹೊಸ ಅವಿಷ್ಕಾರವನ್ನು ಶುರು ಮಾಡಿದರು. ಆಗ ಬಟ್ಟೆಯ ಉಪಯೋಗದ ಬಗ್ಗೆ ಒಂದಷ್ಟು ಅರಿವು ಮೂಡಿತ್ತು. ಪ್ರಪಂಚದಲ್ಲಿ ಮೊತ್ತಮೊದಲ ಬಾರಿಗೆ ಭಾರತೀಯರು ಹತ್ತಿಯ ಬಟ್ಟೆಗಳನ್ನು ಉಪಯೋಗಿಸಲು ಆರಂಭಿಸಿದರು. ಇಡೀ ಜಗತ್ತಿಗೆ ಬಟ್ಟೆ ತೊಟ್ಟುಕೊಳ್ಳುವುದನ್ನು ಹೇಳಿಕೊಟ್ಟಿದ್ದು ಭಾರತೀಯರು. ವಿದೇಶಿಯರು ಚರ್ಮವನ್ನು ಧರಿಸುತ್ತಿದ್ದಾಗ ಹತ್ತಿಯ ಬಟ್ಟೆಯನ್ನು ಪರಿಚಯಿಸಿದ್ದು ನಮ್ಮವರೇ. ಭಾರತದ ಮೇಲೆ ದಾಳಿ ಮಾಡಿದ ಗ್ರೀಕರು ಭಾರತೀಯ ಉಡುಪುಗಳನ್ನು ತಮ್ಮ ದೇಶಕ್ಕೆ ತೆಗೆದುಕೊಂಡು ಹೋಗಿ ಬಳಸಲು ಆರಂಭಿಸಿದರು. ಆ ಮೂಲಕ ಕಾಟನ್ ಬಟ್ಟೆ ಜಗತ್ತಿನೆಲ್ಲೆಡೆ ಖ್ಯಾತಿಯಾಯಿತು. ಇಂದಿಗೂ ನಮ್ಮ ದೇಶ ಬಟ್ಟೆ ವ್ಯಾಪಾರದಲ್ಲಿ ಪ್ರಪಂಚದಲ್ಲೇ ಮುಂಚೂಣಿಯಲ್ಲಿದೆ. ಅಂದಿನಿಂದ ಇಂದಿನವರೆಗೂ ಇದು ದೊಡ್ಡ ಉದ್ಯಮವಾಗಿ ಬೆಳೆಯುತ್ತಾ ಬಂದಿದೆ.