ಭಾರತ ಮೂಲದ ವೈದ್ಯ ವಿದ್ಯಾರ್ಥಿರೊಬ್ಬರು ಚಲಿಸುತ್ತಿದ್ದ ವಿಮಾನದಲ್ಲಿ ಮಹಿಳೆಗೆ ಹೆರಿಗೆ ಮಾಡಿಸಿದ್ದಾರೆ.
27 ವರ್ಷದ ಡಾ.ಸಿಜ್ ಹೇಮಲ್ ಭಾರತೀಯರಾಗಿದ್ದು, ಅಮೆರಿಕಾದಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಅವರು ಮದುವೆ ಸಮಾರಂಭವನ್ನು ಮುಗಿಸಿಕೊಂಡು ದೆಹಲಿಯಿಂದ ನ್ಯೂಯಾರ್ಕ್ಗೆ ಟ್ರಾನ್ಸ್-ಅಟ್ಲಾಂಟಿಕ್ ವಿಮಾನದಲ್ಲಿ ತೆರಳುತ್ತದ್ದರು. ಈ ವೇಳೆ ಮಹಿಳೆಯೊಬ್ಬರಿಗೆ ಹೆರಿಗೆ ನೊವು ಕಾಣಿಸಿಕೊಂಡಿದೆ. ಆಗ ಸಿಬ್ಬಂದಿ ಯಾರಾದ್ರು ಡಾಕ್ಟರ್ ಇದ್ದೀರ..? ಅಂತ ಕೇಳಿದ್ದಾರೆ.
ಸಾಮಾನ್ಯ ಹೊಟ್ಟೆ ನೋವು ಅಥವಾ ಕಿಡ್ನಿ ಸ್ಟೋನ್ ನಿಂದ ಬಳಲುತ್ತಿರಬಹುದು ಎಂದುಕೊಂಡು ಹೋಗುತ್ತಾರೆ. ಆದರೆ, ಆ ಮಹಿಳೆ ಬಳಲುತ್ತಿದ್ದುದು ಹೆರಿಗೆ ನೋವಿನಿಂದ…! ತಡಮಾಡದೆ ತಜ್ಞರ ಸಲಹೆ ಪಡೆದು ಹೆರಿಗೆ ಮಾಡಿಸಿದ್ದಾರೆ. ಗಂಡು ಮಗು ಜನನವಾಗಿದ್ದು, ತಾಯಿ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ. ಮಗುವಿಗೆ ಜೆಕ್ ಎಂದು ನಾಮಕರಣ ಮಾಡಲಾಗಿದೆ.
