4 ಕಾಲು ಹಾಗೂ 2 ಜನನಾಂಗ ಹೊಂದಿರುವ ವಿಚಿತ್ರ ಗಂಡು ಮಗವೊಂದು
ಉತ್ತರ ಪ್ರದೇಶದ ಗೋರಖ್ಪುರದಲ್ಲಿ ಜನಿಸಿದೆ. ವೈದ್ಯಲೋಕದ ಈ ಅಚ್ಚರಿ ಇದಾಗಿದ್ದು,
ಸದ್ಯಕ್ಕೆ ಈ ಮಗುವಿನ ಜನನಕ್ಕೆ ‘ಪರಾವಲಂಬಿ ಅವಳಿ’ ( parasitic twin) ಎಂದು ವೈದ್ಯರು ಹೆಸರಿಟಿದ್ದಾರೆ. ಸ್ಥಳೀಯರು ಈ ಮಗುವಿಗೆ ‘ದೇವರ ಮಗು’ ಎಂದು ನಂಬಿದ್ದಾರೆ.
ಎರಡು ದಿನಗಳ ಹಿಂದೆಯಷ್ಟೇ ಈ ಮಗು ಹುಟ್ಟಿದ್ದು, ಈ ಮಗುವಿಗೆ ಲಖ್ನೋ ಆಸ್ಪತ್ರೆಯಲ್ಲಿ ಶೀಘ್ರದಲ್ಲೇ ದೊಡ್ಡ ಆಪರೇಷನ್ ಮಾಡಬೇಕಿದೆಯಂತೆ. ಬಿಲ್ಲಾ ನಿಷಾದ್ ಮತ್ತು ರಂಬಾ ಎಂಬ ಕೂಲಿ ಮಾಡಿಕೊಂಡು ಬದುಕು ನಡೆಸುತ್ತಿರುವ ದಂಪತಿಯ ಮಗು ಇದು. ಮಗುವಿಗೆ ಜನ್ಮ ನೀಡುವುದು ತಾಯಿ ರಂಬಾಗೆ ಹೆಚ್ಚು ಕಷ್ಟವೇ ಆಗಿದೆಯಂತೆ. ಹಾಗಾಗಿ ಆಕೆಯೂ ಈಗ ಆಸ್ಪತ್ರೆಯಲ್ಲಿ ವಿಶೇಷ ಆರೈಕೆಯಲ್ಲಿದ್ದಾರೆ.
