ಅಣು ಸಿದ್ಧಾಂತ ಪ್ರತಿಪಾದಿಸಿದ್ದು ಜಾನ್ ಡಾಲ್ಟನ್ ಇರಬಹುದು..!! ಸಾವಿರದೆಂಟುನೂರು ವರ್ಷದ ಹಿಂದೆ ಏನಾಗಿತ್ತು ಗೊತ್ತಾ..!?

ನಾವು ದೂರದ ಬೆಟ್ಟದ ಬಗ್ಗೆ ಹೆಚ್ಚಿನ ಆಸಕ್ತಿ ಇಟ್ಟುಕೊಂಡಿರುತ್ತೇವೆ. ಹಿತ್ತಲ ಗಿಡ ಮದ್ದಲ್ಲ ಅಂತ ನಮಗೇ ನಾವೇ ನಿರ್ಧರಿಸಿಬಿಟ್ಟಿದ್ದೇವೆ. ಈ ಜನ್ಮದಲ್ಲಿ ನಮ್ಮ ದೇಶ ಉದ್ದಾರ ಆಗಲ್ಲ ಅಂತ ಸಿಗರೇಟ್ ಹೊಡ್ಕೊಂಡು ನಿಡುಸುಯ್ದುಬಿಡ್ತೇವೆ. ಆದರೆ ನಮ್ಮ ದೇಶಕ್ಕಿರೋ ಇತಿಹಾಸದ ಎಳ್ಳಷ್ಟು ಮಾಹಿತಿ ನಮಗಿಲ್ಲ. ಅಷ್ಟಿದಿದ್ದರೇ ಪ್ರತಿ ಸೆಕೆಂಡೂ ನಾವು ಭಾರತೀಯರು, ನಾವು ಯಾರ್ಗೂ ಕಮ್ಮಿ ಇಲ್ಲ ಅಂತ ಎದೆ ತಟ್ಟಿ ಹೇಳುತ್ತಿದ್ವಿ. ಅದೊಂದು ಕಾಲವಿತ್ತು. ನಮ್ಮ ದೇಶವನ್ನು ಹಾವಾಡಿಗರ ದೇಶ ಎಂದು ಕರೆಯಲಾಗುತ್ತಿದ್ದ ಕಾಲಘಟ್ಟವದು. ಆದರೆ ಅದ್ಯಾಕೆ ನಮ್ಮ ದೇಶದ ಜನರನ್ನು ಹಾಗೆ ಕರೆದರು ಅನ್ನೋದಕ್ಕೆ ಈಗಲೂ ಉತ್ತರವಿಲ್ಲ. ಅಂದರೆ ಪಾಶ್ಚಿಮಾತ್ಯರ ಲೆಕ್ಕದಲ್ಲಿ ನಾವು ದಡ್ಡರು. ಅವರ ಕೈ ಕೆಳಗೆ ದುಡಿಯಲು ಲಾಯಕ್ಕಾದವರು ಅಂಥ ಭಾವಿಸಿದ್ದರೋ ಏನೋ..? ಆದರೆ ನಾವೆಂಥ ಸಾಧಕರು ಗೊತ್ತಾ..?

ಜಗತ್ತಿಗೆ ಪವರ್ ಎಂದೇ ಪರಮಾಣುವನ್ನು ಕರೆಯಲಾಗುತ್ತದೆ. ಪರಮಾಣುವಿನ ಶಕ್ತಿ ಇರೋ ದೇಶದ ಉಸಾಬರಿಗೆ ಯಾರೂ ಹೋಗೋದಿಲ್ಲ. ಅಲ್ಲದೇ ಸೃಷ್ಟಿಯ ಹಿಂದೆಯೂ ಅಣುವಿದೆ ಎಂದು ಪ್ರತಿಪಾದಿಸಿದ್ದು ಬ್ರಿಟನ್ ನ ವಿಜ್ಞಾನಿ ಜಾನ್ ಡಾಲ್ಟನ್. ಜಾನ್ ಡಾಲ್ಟನ್ ಪ್ರತಿಪಾದಿಸಿದ ಅಣು ಸಿದ್ಧಾಂತ ನಿಜಕ್ಕೂ ಜಗತ್ತನ್ನು ಚಕಿತಗೊಳಿಸಿತ್ತು. ಉಪಯೋಗವೂ ಆಯ್ತು. ಇವತ್ತಿಗೂ ಜಗತ್ತು ಆ ಸಿದ್ಧಾಂತವನ್ನೇ ಅವಲಂಭಿಸಿದೆ. ಆದರೆ ಈ ಅಣುವಿನ ಬಗ್ಗೆ ಎರಡನೇ ಶತಮಾನದಲ್ಲಿ ಭಾರತದ ಮಹರ್ಷಿ ಒಬ್ಬರು ತಮ್ಮ ಗ್ರಂಥದಲ್ಲಿ ವಿವರಿಸಿದ್ದರು ಎಂಬ ಸತ್ಯ ಬಹುತೇಕರಿಗೆ ಗೊತ್ತಿಲ್ಲ.

ಹತ್ತೊಂಬತ್ತನೇ ಶತಮಾನದಲ್ಲಿ ಜಾನ್ ಡಾಲ್ಟನ್ ಪ್ರತಿಪಾದಿಸಿದ ಅಣು ಸಿದ್ಧಾಂತಕ್ಕೂ ಮೊದಲೇ ಅಂದರೇ ಎರಡನೇ ಶತಮಾನದಲ್ಲಿ ಅಣುವಿನ ಬಗ್ಗೆ ತಮ್ಮ ದರ್ಶನ್ ಗ್ರಂಥದಲ್ಲಿ ಮಹರ್ಷಿ ಕಣಾದ ವಿವರಣೆ ನೀಡಿದ್ದರು. ಜಗತ್ತಿನ ಸೃಷ್ಟಿಯ ಹಿಂದೆ ಅಣುವಿದೆ ಅಂತ ಅವರು ಸಾವಿರದ ಎಂಟುನೂರು ವರ್ಷಗಳ ಹಿಂದೆಯೇ ಹೇಳಿದ್ದರು. ಅವರು ಹಾಕಿದ ಫೌಂಡೇಷನ್ ನ ಪೂರ್ಣ ಪ್ರಮಾಣದಲ್ಲಿ ನಮ್ಮವರು ಎನ್ ಕ್ಯಾಶ್ ಮಾಡಿಕೊಳ್ಳಲಿಲ್ಲ ಅಷ್ಟೇ..!