ನಾರ್ವೆಯ ಸೇನಾ ಬ್ರಿಗೇಡಿಯರ್ ಯಾರು ಗೊತ್ತಾ…? ಈ ಪೆಂಗ್ವಿನ್..!

ನೀವು ನಂಬಿದ್ರೆ ನಂಬಿ… ಬಿಟ್ರೆ ಬಿಡಿ… ಇನ್ಮುಂದೆ ನಾರ್ವೆಯ ಸೇನಾ ಬ್ರಿಗೇಡಿಯರ್ ಒಂದು ಪೆಂಗ್ವಿನ್..! ಆಶ್ಚರ್ಯ ಆಯ್ತಾ.. ನಮ್ಗು ಅಷ್ಟೇ ನೋಡಿ.. ಕಳೆದ ಬಾರಿ ಅಮೇರಿಕಾದ ವಿನ್ನೆಸೋಟಾ ನಗರದಲ್ಲಿ ಡ್ಯೂಕ್ ಎಂಬೆಸರಿನ ನಾಯಿಯೊಂದು ಮೇಯರ್ ಹುದ್ದೆಯನ್ನು ಅಲಂಕರಿಸಿತ್ತು. ಇದೀಗ ನಾವೇನು ಕಮ್ಮಿ ಇಲ್ಲ ಅನ್ನೋ ಹಾಗೆ ನಾರ್ವೆ ದೇಶ ತಮ್ಮ ದೇಶದ ರಕ್ಷಣಾ ಪಡೆಯ ಬ್ರಿಗೇಡಿಯರ್ ಹುದ್ದೆಗೆ ಈ ಪೆಂಗ್ವಿನ್‍ನನ್ನು ನೇಮಿಸಿಕೊಂಡಿದೆ. ಇದೀಗ ಅದಕ್ಕೆ ಸೇನಾ ಸಿಬ್ಬಂದಿ ಗೌರವ ನೀಡುತ್ತಿರುವ ವೀಡಿಯೋ ಸಖತ್ ವೈರಲ್ ಆಗಿದ್ದು, ಅದನ್ನು ಎಲ್ಲರೂ ಕಣ್ಣುಬ್ಬೇರಿಸಿಕೊಂಡು ನೋಡ್ತಾ ಇದಾರೆ..! ಅಷ್ಟೇ ಅಲ್ಲಾ ಸ್ವಾಮೀ.. ಈ ಪೆಂಗ್ವಿನ್ ಥೇಟ್ ಸೇನಾ ಬ್ರಿಗೇಡಿಯರ್ ಗತ್ತಿನಲ್ಲೇ ಗೌರವ ಸ್ವೀಕರಿಸುವ ಮೂಲಕ ಸೇನೆಯ ಅಧಿಕಾರಿಗಳನ್ನೇ ಚಕಿತಗೊಳಿಸಿದೆ. ಮುದ್ದಾದ ಪೆಂಗ್ವಿನ್‍ನನ್ನು ಸೇನೆಗೆ ಸೇರಿಕೊಂಡ ಬಳಿಕ ಅದಕ್ಕೆ ಬ್ರಿಗೇಡಿಯರ್ ಹುದ್ದೆ ನೀಡಿ ಗೌರವ ಕೂಡ ಸಲ್ಲಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿಯೂ ಈ ವೀಡಿಯೋವನ್ನು ನೋಡಿ ಜನ ಮೂಗಿನ ಮೇಲೆ ಕೈ ಹೊತ್ತು ಕುಳಿತಿದ್ದಾರೆ. ಆ ವೀಡಿಯೋ ನೀವು ನೋಡಬೇಕಾ..? ಇಲ್ಲಿದೆ ನೋಡಿ ದಿ ಬ್ರಿಗೇಡಿಯರ್ ಪೆಂಗ್ವಿನ್…!