ಮೋದಿ ಸಹಿಯನ್ನೇ ಫೋರ್ಜರಿ ಮಾಡಿದ ಭೂಪರು..!

ಅರೆರೆ… ನೋಡಿ ಸ್ವಾಮಿ ಎಂತಾ ಖದೀಮರಿದ್ದಾರೆ ನೋಡಿ. ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಸಹಿಯನ್ನೇ ಫೋರ್ಜರಿ ಮಾಡದ್ದಾರೆ ಈ ಮಹಾನುಭಾವರು..!
ಮುಂಬರುವ ಸ್ವಾತಂತ್ರ್ಯ ದಿನಾಚಾರಣೆ ಕಾರ್ಯಕ್ರಮದಲ್ಲಿ ಸಂಗೀತ ಕಾರ್ಯಕ್ರಮ ಏರ್ಪಡಿಸುವಂತೆ ಬರೆದ ಪತ್ರಕ್ಕೆ ಮೋದಿ ಅವರ ನಕಲು ಸಹಿಯನ್ನು ಮಾಡಿದ್ದ ಇಬ್ಬರು ಜಾರ್ಖಂಡ್ ಮೂಲದವರನ್ನು ಸಿಬಿಐ ಪೊಲೀಸರು ಬಂಧಿಸಿದ್ದಾರೆ.
ಮೇ 15 ರಂದು ಪ್ರಧಾನಿ ಮೋದಿ ಅವರ ನಕಲಿ ಸಹಿಯಿರುವ ಪತ್ರದಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಸಂಗೀತ ಕಾರ್ಯಕ್ರಮ ಆಯೋಜಿಸುವಂತೆ ಜಾರ್ಖಂಡ್ ನಿವಾಸಿಗಳಾದ ಪಂಡಿತ್ ಸ್ವರಾಜ್ ಕುಮಾರ್ ಮತ್ತು ಸುವೇಂದು ಕುಮಾರ್ ಬರ್ಮಾನ್ ಎಂಬುವರು ಪತ್ರ ಬರೆದಿದ್ದರು. ಈ ಪತ್ರ ಪ್ರಧಾನಿ ಮಂತ್ರಿಗಳ ಕಛೇರಿಗೆ ತಲುಪಿತ್ತು. ಮೋದಿ ಈ ರೀತಿಯ ಯಾವುದೇ ಸಂವಹನ ನಡೆಸಿಲ್ಲ ಎಂದು ತಿಳಿದು ಬಂದ ಮೇಲೆ ಪ್ರಕರಣವನ್ನು ಸಿಬಿಐ ಗೆ ವಹಿಸಲಾಗಿತ್ತು.