1ಸಾವಿರ ರೂ ಕದ್ದಿದ್ದಾರೆ ಎಂದು ಆರೋಪಿಸಿ ಶಿಕ್ಷಕಿಯರು ಇಬ್ಬರು ವಿದ್ಯಾರ್ಥಿನಿಯರ ಬಟ್ಟೆ ಬಿಚ್ಚಿಸಿರೋ ಆರೋಪ ಕೇಳಿ ಬಂದಿದೆ.
ಜನವರಿ 8ರಂದು ಮಧ್ಯಪ್ರದೇಶದ ಅಲಿರಾಜ್ಪುರ್ ಜಿಲ್ಲೆಯ ಜೋಬಾತ್ ನಲ್ಲಿ ಈ ಘಟನೆ ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ. ಈ ಬಗ್ಗೆ ವಿದ್ಯಾರ್ಥಿನಿಯರು ಪೊಲೀಸರಿಗೆ ದೂರು ನೀಡಿದ್ದಾರೆ. 11ನೇ ತರಗತಿ ಓದುತ್ತಿರೋ ಈ ವಿದ್ಯಾರ್ಥಿನಿಯರ ಮೇಲೆ ಸಹಪಾಠಿಗಳಿಂದಲೇ ಹಣ ಕಳವು ಆರೋಪ ಮಾಡಲಾಗಿತ್ತು. ಬಳಿಕ ಶಿಕ್ಷಕಿಯರು ಆ ವಿದ್ಯಾರ್ಥಿನಿಯರ ಬಟ್ಟೆ ಬಿಚ್ಚಿದ್ದಾರೆ ಎನ್ನಲಾಗಿದ್ದು, ಇದನ್ನು ಮುಖ್ಯೋಪದ್ಯಾಯರು ತಳ್ಳಿಹಾಕಿದ್ದಾರೆ. ಹಣ ಕದ್ದ ಆರೋಪದ ಮೇಲೆ ವಿಚಾರಣೆ ನಡೆಸಲಾಗಿತ್ತೇ ವಿನಃ ಈ ರೀತಿ ಯಾರೂ ನಡೆದುಕೊಂಡಿಲ್ಲ ಅನ್ನೋದು ಮುಖ್ಯೋಪದ್ಯಾಯರ ಮಾತು.
