ನಮ್ಮ ದೇಶದ ಗಾಡಿಗಳ ನಂಬರ್ ಪ್ಲೇಟ್ ಗಳ ಕಲರ್ ಗಳು ಬೇರೆ ಬೇರೆ ಯಾಕಿವೆ? ನಿಮಗಿದು ಗೊತ್ತೆ??

ಭಾರತದ ರಸ್ತೆಯಲ್ಲಿ ಸಂಚರಿಸೋ ಯಾವುದೇ ಮೋಟಾರು ವಾಹನಗಳ ‍ಮುಂ‍ದಿನ ಜಾಗದಲ್ಲಿ ಹಾಗೂ ಹಿಂ‍ದಿನ ಜಾಗದಲ್ಲಿ ಕಡ್ಡಾಯವಾಗಿ 2 ನಂಬರ್ ಪ್ಲೇಟ್ ಗಳನ್ನು ಅಳವಡಿಸಲೇಬೇ‍ಕು. ವೆಹಿಕಲ್ ರಿಜಿಸ್ಟ್ರೇಷನ್ ಪ್ಲೇಟ್ ಎಂಬುದಾಗಿಯೂ ನಂಬರ್ ಪ್ಲೇಟನ್ನು ಕರೆಯಲಾಗುತ್ತದೆ,ಹಾಗೂ ಇವುಗಳನ್ನು ನಮಗೆ ಪೂರೈಸುವ ಅಧಿಕಾರವು ಆಯಾ ಜಿಲ್ಲಾಡಳಿತಕ್ಕೆ ಒಳಪಟ್ಟಿರೋ ಆರ್.ಟಿ.ಓ ಬಳಿ ಇರುವುದು.ಸಾಮಾನ್ಯವಾಗಿ ಇದು ನಮಗೆಲ್ಲಾರಿಗೂ ತಿಳಿದಿರೋ ವಿಚಾರವೇ ಸರಿ.. ಆದರೆ ಕೆಲವೊಮ್ಮೆ ನಾವು ಹಲವು ಬಗೆಯ ನಂಬರ್ ಪ್ಲೇಟ್ ಗಳನ್ನು ನೋಡಿರುತ್ತೇವೆ. ಅವುಗಳ್ಯಾಕೆ ಬಗೆಬಗೆಯ ಕಲರ್ ಗಳಲ್ಲಿವೆ ಎಂಬುದರ ಬಗೆಗೆ ಬಹುಶಃ ಹಲವರಿಗೆ ತಿಳಿದಿರಲಿಕ್ಕಿಲ್ಲ, ಹಾಗಿದ್ದರೆ ನಾವು ಈ ತರದ ನಂಬರ್ ಪ್ಲೇಟ್ ಗಳ ಬಗೆಗಿನ ಒಂದು ಕಿರುಪರಿಚಯ ನೋಡೋಣ.
ಸಾಮಾನ್ಯವಾಗಿ ಇಂದು 6 ವಿಧದ ನಂಬರ್ ಪ್ಲೇಟ್ ಗಳು ಚಾಲ್ತಿಯಲ್ಲಿವೆ.
1.ಕಪ್ಪು ಪ್ಲೇಟ್ ನಲ್ಲಿ ಹಳದಿ ಬಣ್ಣದ ಬರಹ

ಈ ವಿಧದ ನಂಬರ ಪ್ಲೇಟ್ ಹೊಂದಿರೋ ಗಾಡಿಗಳು ಕಮರ್ಷಿಯಲ್ ಗಾಡಿಗಳಾಗಿದ್ದು, ಇವುಗಳು ಸ್ವಯಂ ಚಾಲನೆಗಾಗಿ ಬಾಡಿಗೆಗೆ ದೊರಕುತ್ತದೆ.ಜೂಮ್ ಕಾರ್ ಹಾಗೂ ಜಸ್ಟ್ ರೈಡ್ ಸ್ಟಾರ್ಟ್ ಅಪ್ಸ್ ಗಳು ಈ ವಿಭಾಗದಡಿ ಕಂಡು ಬರುತ್ತದೆ.
2.ಹಳದಿ ನಂಬರ್ ಪ್ಲೇಟ್ ನಲ್ಲಿ ಕಪ್ಪು ಬರಹ

ಎಲ್ಲಾ ವಿಧದ ಕಮರ್ಷಿಯಲ್ ಗಾಡಿಗಳಾದ,ಆಟೋ,ಟ್ಯಾಕ್ಸಿ ಹಾಗೂ ಟ್ರಕ್ಸ್ ಗಳು ಹಳದಿ ಬಣ್ಣದ ಪ್ಲೇಟ್ ಅನ್ನು ಹೊಂದಿರುತ್ತದೆ.
3. ಬಿಳಿ ನಂಬರ್ ಪ್ಲೇಟ್ ನಲ್ಲಿ ಕಪ್ಪು ಬರಹ

ಈ ನಂಬರ್ ಪ್ಲೇಟ್ ಗಳನ್ನು ಜನ ಸಾಮಾನ್ಯರ ಖಾಸಗೀ ವಾಹನಗಳಿಗಾಗಿ ಉಪಯೋಗಿಸಲಾಗುತ್ತದೆ.
4.ಕೆಂಪು ನಂಬರ್ ಪ್ಲೇಟ್ ನಲ್ಲಿ ಬಿಳಿ ಬರಹ

ಇವುಗಳನ್ನು ಸಾಮಾನ್ಯವಾಗಿ ವಾಹನ ಮಾರಾಟ ಕಂಪನಿಗಳು ಟೆಸ್ಟಿಂಗ್ ಹಾಗೂ ಹೊಸ ಗಾಡಿಗಳ ಮಾರಾಟದ ಜಾಹೀರಾತು ಕೆಲಸಗಳಿಗಾಗಿ ಬಳಸಲಾಗುತ್ತದೆ.
5.ಮೇಲಕ್ಕೆ ಗುರುತಿಸಲ್ಪಟ್ಟ ಏರೋ ಮಾರ್ಕ್ ನ್ನು ಒಳಗೊಂಡ ನಂಬರ್ ಪ್ಲೇಟ್ ಗಳು.

ಎಲ್ಲಾ ಮಿಲಿಟರಿ ಗಾಡಿಗಳಿಗೆ ವಿಶೇಷ ನಂಬರ್ ಪ್ಲೇಟ್ ವ್ಯವಸ್ಥೆಯನ್ನು ಒದಗಿಸಲಾಗಿದೆ.ಈ ಗಾಡಿಗಳು ನ್ಯೂದೆಹಲಿಯ ಮಿನಿಸ್ಟ್ರಿ ಆಫ್ ಡಿಫೆನ್ಸ್ನಲ್ಲಿ ದಾಖಲಾಗುತ್ತವೆ.ಮಿಲಿಟರಿ ಗಾಡಿಗಳು ಕಪ್ಪ್ಪು ನಂಬರ್ ಪ್ಲೇಟ್ ಗಳನ್ನು ಹೊಂದಿದ್ದು,ಅದರಲ್ಲಿ ಬಿಳಿ ಬರಹವನ್ನು ಬರೆಯಲಾಗಿದೆ.ಮೊದಲ / ಮೂರನೆಯ ಬರಹದಲ್ಲಿ ಮೇಲಕ್ಕೆ ತೋರಿಸೋ ಏರೋ ಮಾರ್ಕ್ ನ್ನು ಕಾಣ ಬಹುದಾಗಿದೆ.ಇದನ್ನು ಬ್ರಾಡ್ ಏರೋ ಎನ್ನುತ್ತಾರೆ.
6.ನೀಲಿ ನಂಬರ್ ಪ್ಲೇಟನಲ್ಲಿ ಬಿಳಿ ಬರಹ

ಎಲ್ಲಾ ವಿದೇಶೀಯ ಅಧಿಕಾರಿಗಳ ಗಾಡಿಗಳಿಗೆ ನೀಲಿ ನಂಬರ್ ಪ್ಲೇಟ್ ನ್ನು ಅಳವಡಿಸಲಾಗುತ್ತದೆ.ಈ ನಂಬರ್ ಪ್ಲೇಟ್ ಗಳಿಗೆ (UN)UNITED NATIONS,(CC)CONSULAR CORPS HAAGOO(CD)DIPLOMATIC CORPS ಎಂಬ ಸ್ಪೆಷಲ್ ಕೋಡ್ಸ್ ಗಳಿರುತ್ತದೆ.