ಟೀಂ ಇಂಡಿಯಾದ ಆರಂಭಿಕ ಆಟಗಾರರಾದ ರೋಹಿತ್ ಶರ್ಮಾ ಹಾಗೂ ಶಿಖರ್ ಧವನ್ ಮಾಜಿ ಕ್ರಿಕೆಟಿಗರಾದ ಸಚಿನ್ ತೆಂಡೂಲ್ಕರ್ ಮತ್ತು ಸೌರವ್ ಗಂಗೂಲಿ ಅವರ ರೆಕಾರ್ಡ್ ಮುರಿದಿದ್ದಾರೆ.
ಯುಎಇನಲ್ಲಿ ನಡೆಯುತ್ತಿರುವ ಏಷ್ಯಾಕಪ್ ನ ಸೂಪರ್ 4 ಹಂತದ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಈ ಆರಂಭಿಕ ಆಟಗಾರರು ದಾಖಲೆ ಬರೆದರು.
ಪಾಕಿಸ್ತಾನದ ವಿರುದ್ಧ ಗರಿಷ್ಠ ಜೊತೆಯಾಟ ಆಡಿದ ಜೋಡಿ ಎಂಬ ಖ್ಯಾತಿ ರೋಹಿತ್-ಧವನ್ ಅವರದ್ದಾಯಿತು.
ಪಾಕ್ ನೀಡಿದ 238 ರನ್ ಗುರಿ ಬೆನ್ನಟ್ಟಿತು. ಈ ವೇಳೆ ಆರಂಭಿಕರಾಗಿ ಕಣಕ್ಕಿಳಿದ ನಾಯಕ ರೋಹಿತ್ ಶರ್ಮಾ ಮತ್ತು ಶಿಖರ್ ಧವನ್ ರನ್ ಶಿಖರ ಕಟ್ಟಿದರು. ಈ ಜೋಡಿ 210 ರನ್ ಜೊತೆಯಾಟ ಆಡಿ ದಾಖಲೆ ಬರೆಯಿತು.
ಪಾಕಿಸ್ತಾನ ವಿರುದ್ಧ ಸಚಿನ್ ಮತ್ತು ಗಂಗೂಲಿ ಈ ಹಿಂದೆ 159ರನ್ ಜೊತೆ ಆಟ ಆಡಿದ್ದೇ ಇಲ್ಲಿಯವರೆಗಿನ ದಾಖಲೆ ಆಗಿತ್ತು.
ಢಾಕಾದಲ್ಲಿ 1998 ರಲ್ಲಿ ಸಚಿನ್ -ಸೌರವ್ ಪಾಕ್ ವಿರುದ್ಧ 159ರನ್ ಜೊತೆ ಆಟ ಆಡಿದ್ದರು.
2008ರಲ್ಲಿ ಢಾಕಾದಲ್ಲಿ ಪಾಕ್ ವಿರುದ್ಧ ಗೌತಮ್ ಗಂಭೀರ್ ಮತ್ತು ವೀರೇಂದ್ರ ಸೆಹ್ವಾಗ್ 155ರನ್ ಜೊತೆಯಾಟ ಆಡಿದ್ದರು.
ರೋಹಿತ್, ಧವನ್ ಆಟದ ಬಲದಿಂದ ಟೀಂ ಇಂಡಿಯಾ 9 ವಿಕೆಟ್ ಗಳ ಭರ್ಜರಿ ಜಯ ದಾಖಲಿಸಿತು. ಧವನ್ 114ರನ್ ಗಳಿಸಿದರು. ರೋಹಿತ್ ಶರ್ಮಾ ಅಜೇಯ 111 ರನ್ ಮಾಡಿದರು.
