ಕಳ್ಳತನ ಮಾಡಿ ಅಪ್ಪ-ಅಣ್ಣನ ಪ್ರತಿಮೆ ಮಾಡಿಸಿದ..!? ವಿಚಿತ್ರ ಸೆಂಟಿಮೆಂಟ್ ನಿಂದ ಜೈಲುಪಾಲಾದ..!

ಅವನೊಬ್ಬ ಪಕ್ಕಾ ಕಳ್ಳ. ಆದ್ರೆ ಆ ವೃತ್ತಿಗೆ ಎಂಟ್ರಿ ಕೊಡೋದಕ್ಕೆ ಕಾರಣ ಅವರ ಅಪ್ಪ ಮತ್ತು ಅಣ್ಣ. ಅಪ್ಪ-ಅಣ್ಣ ಇಬ್ಬರು ಈಗ ಬದುಕಿಲ್ಲ, ಆದ್ರೆ ಅವರ ನೆನಪು ಮಾತ್ರ ಆತನಿಂದ ದೂರವಾಗಿರಲಿಲ್ಲ. ಹೀಗಾಗಿಯೇ ಅಪ್ಪ ಮತ್ತು ಅಣ್ಣನನ್ನು ಶಾಶ್ವತವಾಗಿ ತನ್ನೊಂದಿಗೆ ಉಳಿಸಿಕೊಳ್ಳಲು ಆತ ಒಂದು ಐಡಿಯಾ ಮಾಡಿದ್ದ. ಅದು ಅವರ ಪ್ರತಿಮೆಗಳನ್ನ ಮಾಡಿಸೋದು. ಆ ಪ್ರತಿಮೆಗಳೇನು ಕಲ್ಲು ಮಣ್ಣಿನಿಂದ ಅಲ್ಲ, ಬೆಳ್ಳಿಯಿಂದ. ಬೆಳ್ಳಿಯಲ್ಲಿ ಪ್ರತಿಮೆ ಮಾಡಿಸೋದು ಅಷ್ಟು ಸುಲಭನಾ..? ಅದಕ್ಕೆ ಕೋಟ್ಯಾಂತರ ರೂಪಾಯಿ ಹಣ ಬೇಕು..! ಆ ಹಣ ಎಲ್ಲಿಂದ ತರೋದು..! ಅದಕ್ಕೆ ಅವನು ಮಾಡಿದ್ದು ಕಳ್ಳತನ. ಕಳ್ಳವು ಮಾಡಿ ತಂದ ಬೆಳ್ಳಿಯಿಂದ 100 ಕೆಜಿ ತೂಕದ ತಂದೆಯ ಪ್ರತಿಮೆಯನ್ನು ಮಾಡಿಸಿದ್ದಾನೆ. ಆದರೆ ಅವನ ಅದೃಷ್ಟ ಸರಿಯಿರಲಿಲ್ಲ. ಈಗ ಬಸವೇಶ್ವರನಗರ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾನೆ. ಮೂಲತಃ ಗುಜರಾತಿನವನಾದ ತಲಪಾಡ್ ನಾವಗಾನ್ ಬಾಯ್ ಬಂಧಿತ ಕಳ್ಳ. ಇವರ ತಂದೆ ಮತ್ತು ಅಣ್ಣ ಕೂಡ ಕಳ್ಳತನ ಮಾಡುತ್ತಿದ್ದರಂತೆ. ಸಧ್ಯ ಬಂಧಿತನಿಂದ 3 ಕೋಟಿಗೂ ಅಧಿಕ ಮೌಲ್ಯದ ಚಿನ್ನಾಭರಣ ವಶಪಡಿಸಿಕೊಳ್ಳಲಾಗಿದೆ.