ವಾಹನಗಳಿಗೆ ನಮ್ಮಿಷ್ಟದ ನೋಂದಣಿ ಸಂಖ್ಯೆ ಪಡೆಯಲು ತಿಂಗಳು, ವರ್ಷಗಟ್ಟಲೆ ಕಾಯುವ ಅಗತ್ಯವಿಲ್ಲ. ನಾವು ಬಯಸಿದ ಸಂಖ್ಯೆಯನ್ನು ಕೂಡಲೇ ಪಡೆಯುವ ಅವಕಾಶವನ್ನು ಕಲ್ಪಿಸಲು ಸಾರಿಗೆ ಇಲಾಖೆ ಮುಂದಾಗಿದೆ.
‘ವಾಹನ್ 4’ ಎಂಬ ಹೊಸ ವೆಬ್ ಸೈಟ್ ಅನ್ನು ಇಲಾಖೆ ಪರಿಚಯಿಸುತ್ತಿದ್ದು, ಈ ಮೂಲಕ ಇಲಾಖೆಯೊಂದಿಗೆ ಮುಕ್ತವಾಗಿ ವ್ಯವಹಾರ ಮಾಡಬಹುದು. ಇಷ್ಟದ ನಂಬರ್ ಅನ್ನು ಲಾಕ್ ಮಾಡಿಸಿ 24 ಗಂಟೆಯೊಳಗೆ ಅದನ್ನು ತನ್ನದಾಗಿಸಿಕೊಳ್ಳಬಹುದಾಗಿದೆ.
ವಾಹನ ನೋಂದಣಿಗೆ ಆನ್ ಲೈನ್ ಅರ್ಜಿ ಸಲ್ಲಿಕೆ, ಆನ್ ಲೈನ್ ಮುಖಾಂತರವೇ ಶುಲ್ಕ ಪಾವತಿಗೆ ಈ ವೆಬ್ ಸೈಟ್ ಸಹಾಯಕವಾಗಲಿದೆ.
