ಇದು ರಜಿನಿಯ ಹೊಸ ಸ್ಟೈಲ್​ “ಪೆಟ್ಟಾ”..!

67 ವರ್ಷದ ಸೂಪರ್​ ಸ್ಟಾರ್ ರಜಿನಿಕಾಂತ್​ ಮತ್ತೊಂದು ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಆ ಚಿತ್ರದ ಹೆಸರೇ “ಪೆಟ್ಟಾ”. ಸನ್​ ಪಿಕ್ಚರ್ಸ್​ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದ ಎರಡನೇ ಸ್ಟಿಲ್​ನ್ನ ಈಗಷ್ಟೇ ಬಿಡುಗಡೆ ಮಾಡಲಾಗಿದೆ. ಚಿತ್ರದಲ್ಲಿ ರಜಿನಿಕಾಂತ್​ 40 ವರ್ಷದ ಖಡಕ್​ ವ್ಯಕ್ತಿಯಂತೆ ಕಾಣಿಸುತ್ತಾರೆ. ಪೊಗರು ಮೀಸೆ ಅವರ ಹೊಸ ಸ್ಟೈಲ್​. ಉಳಿದಂತೆ ಹಣೆಗೆ ವಿಭೂತಿ, ಕುಂಕುಮ ಹಚ್ಚಿಕೊಂಡು ವೈಟ್​ ಅಂಡ್​ ವೈಟ್​ ಬಟ್ಟೆಯಲ್ಲಿ ಮಿಂಚಿದ್ದಾರೆ.
ಯುವ ನಿರ್ದೇಶಕ ಕಾರ್ತಿಕ್​ ಸುಬ್ಬರಾಜ್​ ಅವರು ನಿರ್ದೇಶನ ಮಾಡುತ್ತಿರುವ ಪೆಟ್ಟಾ ಚಿತ್ರದ ಶೂಟಿಂಗ್​ ಈಗಾಗಲೇ ಆರಂಭವಾಗಿದೆ. ಚೆನ್ನೈ, ದೆಹಲಿ, ವಾರಣಾಸಿ, ಲಖನೌ ಸೇರಿದಂತೆ ದೇಶದ ಹಲವಾರು ಪ್ರದೇಶಗಳಲ್ಲಿ ಚಿತ್ರೀಕರಣ ಭರದಿಂದ ಸಾಗಿದೆ. ಮುಂದಿನ ವರ್ಷ ಜನವರಿ ತಿಂಗಳಲ್ಲಿ ಬರುವಂತಾ ಪೊಂಗಲ್​ ಹಬ್ಬಕ್ಕೆ ಪೆಟ್ಟಾ ತೆರೆಗೆ ಅಪ್ಪಳಿಸಲಿದೆ ಎನ್ನಲಾಗುತ್ತಿದೆ.
ಪೆಟ್ಟಾ ಚಿತ್ರಕ್ಕೂ ಮುನ್ನ ಅಂದ್ರೆ ಇದೇ ನವಂಬರ್​ 29ರಂದು ರಜಿನಿಕಾಂತ್ ಅವರ 2.O ಚಿತ್ರ ತೆರೆಗೆ ಬರಲಿದೆ. ಇದಾದ ಬಳಿಕ ರಜಿನಿಕಾಂತ್​ ಎ.ಆರ್​.ಮುರುಘದಾಸ್​ ಅವರ ಜೊತೆಯಲ್ಲಿ ಇನ್ನೊಂದು ಚಿತ್ರದಲ್ಲಿ ಕಾಣಿಸಿಕೊಳ್ಳಲು ಸಿದ್ಧತೆ ನಡೆಸಿದ್ದಾರೆ.