ಕನ್ನಡಿಗ ಅನಿಲ್ ಕುಂಬ್ಳೆ ಪ್ರಕಟಿಸಿದ ಐಪಿಎಲ್​ ಟೀಮ್​ನಲ್ಲಿ ಕೊಹ್ಲಿಯೇ ಇಲ್ಲ…!

ಟೀಮ್ ಇಂಡಿಯಾದ ಮಾಜಿ ನಾಯಕ , ಹೆಮ್ಮೆಯ ಕನ್ನಡಿಗ ಅನಿಲ್ ಕುಂಬ್ಳೆ ಅವರು 2019ನೇ ಇಂಡಿಯನ್​ ಪ್ರೀಮಿಯರ್ ಲೀಗ್, ಅಂದ್ರೆ ಐಪಿಎಲ್ ನ ಫೈನಲ್​ ಗೆ ತಮ್ಮ ನೆಚ್ಚಿನ ಟೀಮ್​ವೊಂದನ್ನು ಪ್ರಕಟ ಮಾಡಿದ್ದಾರೆ. ಕುಂಬ್ಳೆ ಪ್ರಕಟಿಸಿರುವ ಟೀಮ್​ನಲ್ಲಿ ಟೀಮ್ ಇಂಡಿಯಾದ ನಾಯಕ ವಿರಾಟ್​ ಕೊಹ್ಲಿ ಸೇರಿದಂತೆ ಪ್ರಮುಖ ಸ್ಟಾರ್ ಆಟಗಾರರೇ ಇಲ್ಲ..!
ಕುಂಬ್ಳೆಯ ನೆಚ್ಚಿನ ತಂಡದ ನಾಯಕ ಕೂಲ್​ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ. ಅವರೇ ವಿಕೆಟ್ ಕೀಪರ್ ಕೂಡ. ಡೇವಿಡ್ ವಾರ್ನರ್, ಕೆ.ಎಲ್​​ ರಾಹುಲ್​, ಶ್ರೇಯಸ್​ ಅಯ್ಯರ್​, ರಿಷಬ್ ಪಂತ್, ಹಾರ್ದಿಕ್ ಪಾಂಡ್ಯ, ಆ್ಯಂಡ್ರೆ ರಸೆಲ್, ಶ್ರೇಯಸ್ ಗೋಪಾಲ್, ಇಮ್ರಾನ್ ತಾಹಿರ್, ಕಾಗಿಸೋ ರಬಾಡಾ, ಜಸ್​​ಪ್ರೀತ್​ ಬುಮ್ರಾ ಕುಂಬ್ಳೆಯ ಧೋನಿ ಟೀಮ್​ ನ ಆಟಗಾರರಾಗಿದ್ದಾರೆ.
ಟೀಮ್ ಇಂಡಿಯಾದ ನಾಯಕ ವಿರಾಟ್​ ಕೊಹ್ಲಿ, ಹಿಟ್ ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ, ದಿನೇಶ್ ಕಾರ್ತಿಕ್, ಹರ್ಭಜನ್ ಸಿಂಗ್ ಅವರನ್ನು ಕುಂಬ್ಳೆ ತನ್ನ ನೆಚ್ಚಿನ ಟೀಮ್​ನಲ್ಲಿ ಹಾಕಿಕೊಂಡಿಲ್ಲ. ಇದು ಅಚ್ಚರಿಗೆ ಕಾರಣವಾಗಿದೆ.
ನಾಳೆ ರಾತ್ರಿ ಹೈದರಾಬಾದ್​ನ ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ಸ್ಟೇಡಿಯಂನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್​ ಚಾಂಪಿಯನ್ ಪಟ್ಟಕ್ಕಾಗಿ ಸೆಣೆಸಲಿವೆ.