ಕನ್ನಡ ಚಿತ್ರರಂಗದ ದೊಡ್ಡ ಹೆಜ್ಜೆಗೆ ಇಂದು 4ವರ್ಷ. ಹೌದು ಕನ್ನಡ ಚಿತ್ರರಂಗದ ದೊಡ್ಡ ಹೆಜ್ಜೆ ಇಡಲು ಆರಂಭಿಸಿ ಇಂದಿಗೆ 4ವರ್ಷಗಳು ಕಳೆದಿವೆ. ಆ ಹೆಜ್ಜೆ ಇಟ್ಟಾಗಿನಿಂದ ಕನ್ನಡ ಚಿತ್ರರಂಗದ ಬಗ್ಗೆ ಕೆಳಮಟ್ಟದಲ್ಲಿ ಮಾತನಾಡುತ್ತಿದ್ದವರೆಲ್ಲ ಸೈಲೆಂಟ್ ಆಗಿ ಹೋಗಿದ್ದಾರೆ. ಕನ್ನಡ ಚಿತ್ರವನ್ನ ಯಾರು ನೋಡ್ತಾರೆ ಎಂದು ಹೇಳುತ್ತಿದ್ದವರೇ ಆ ದೊಡ್ಡ ಹೆಜ್ಜೆಯ ಡಿಸ್ತ್ರಿಬ್ಯೂಷನ್ ರೈಟ್ಸ್ ಗಾಗಿ ಕಾಯುತ್ತಿದ್ದಾರೆ.
ಇಷ್ಟರಲ್ಲೇ ನಿಮಗೆಲ್ಲಾ ಆ ದೊಡ್ಡ ಹೆಜ್ಜೆ ಯಾವುದೋ ಎಂಬುದು ಅರ್ಥವಾಗಿರುತ್ತದೆ. ಹೌದು ಆ ದೊಡ್ಡ ಹೆಜ್ಜೆ ಕೆಜಿಎಫ್ ಚಾಪ್ಟರ್ 1. ಇಂದಿಗೆ ಸರಿಯಾಗಿ 4ವರ್ಷಗಳ ಹಿಂದೆ ಕೆಜಿಎಫ್ ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಿತ್ತು. ಕೆಜಿಎಫ್ ಸೆಟ್ ನಿಂದ ಸೆಲ್ಫಿಯೊಂದನ್ನು ರಾಕಿಂಗ್ ಸ್ಟಾರ್ ಯಶ್ ಅವರು ಟ್ವಿಟರ್ ಮೂಲಕ ಹಂಚಿಕೊಂಡಿದ್ದರು.
ಇದೀಗ 4ವರ್ಷಗಳ ಹಿಂದಿನ ಆ ನೆನಪನ್ನು ಮತ್ತೊಮ್ಮೆ ಅಭಿಮಾನಿಗಳು ನೆನೆಸಿಕೊಂಡು ಕನ್ನಡ ಚಿತ್ರರಂಗದ ದೊಡ್ಡ ಹೆಜ್ಜೆಗೆ 4ವರ್ಷಗಳ ಸಂಭ್ರಮ ಎಂದು ಸಾಮಾಜಿಕ ಜಾಲತಾಣದಲ್ಲಿ ಸಂಭ್ರಮಿಸುತ್ತಿದ್ದಾರೆ.
