ಟಿಕ್​ಟಾಕ್​ಗಾಗಿ ಪ್ರಾಣವನ್ನೇ ಬಿಟ್ಟ ಮಹಿಳೆ..!

ಟಿಕ್ ​ಟಾಕ್​ ಕ್ರೇಜ್ ದಿನೇ ದಿನೇ ಹೆಚ್ಚುತ್ತಿದೆ. ತಮ್ಮೊಳಗಿನ ನಟನಾ ಪ್ರತಿಭೆಯನ್ನು ಹೊರ ಹಾಕಲು ಜನ ಟಿಕ್​ಟಾಕ್​ ಅನ್ನು ವೇದಿಕೆಯಾಗಿ ಬಳಸಿಕೊಳ್ತಾ ಇದ್ದಾರೆ. ಆದ್ರೆ, ಅತಿಯಾದ್ರೆ ಅಮೃತವೂ ವಿಷ ಅನ್ನೋ ಹಾಗೆ ಮಹಿಳೆಯೊಬ್ಬರು ಈ ಟಿಕ್​ಟಾಕ್​ನ ಅತೀವ ಕ್ರೇಜ್​ನಿಂದ ಪ್ರಾಣವನ್ನೇ ಬಿಟ್ಟಿದ್ದಾರೆ.
ಆಕೆ ತಮಿಳುನಾಡಿನ ಅರಿಯಲೂರಿನ 24 ವರ್ಷದ ಮಹಿಳೆ ಟಿಕ್​ಟಾಕ್​ಗಾಗಿ ಜೀವ ಕಳೆದುಕೊಂಡವರು. ಆಕೆ ಸಿಂಗಾಪೂರ್​ನಲ್ಲಿ ಕೆಲಸ ಮಾಡ್ತಿರುವ ಪಜಾನಿ ವೇಲ್ ಎಂಬುವವರನ್ನು ಮದ್ವೆ ಆಗಿದ್ದರು. ಪಜಾನಿ ವೇಲ್ ಸಿಂಗಾಪುರದಲ್ಲಿದ್ದಾರೆ. ತಮಿಳುನಾಡಿನಲ್ಲೇ ಇದ್ದ ಮಹಿಳೆ ಮೊಬೈಲ್​​ ನಲ್ಲಿ ಟಿಕ್ ಟಾಕ್ ಆ್ಯಪ್ ಅನ್ನು ನೋಡುತ್ತಾರೆ. ಟಿಕ್ ಟಾಕ್ ಬಗ್ಗೆ ತಿಳಿದ ಆಕೆ ಆ ಆ್ಯಪ್ ಅನ್ನು ಡೌನ್​​ಲೋಡ್​ ಮಾಡಿಕೊಂಡು ವೀಡಿಯೊ ಮಾಡಿ ಅಪ್​ ಮಾಡಲಾರಂಭಿಸಿದ್ದರು. ಟಿಕ್​ಟಾಕ್​ ಅಡಿಕ್ಟ್ ಆಗಿದ್ದರೆಂದರೆ ಮಕ್ಕಳ ಬಗ್ಗೆಯೂ ಗಮನಹರಿಸದೇ ಟಿಕ್​ಟಾಕ್​ ನಡೆಸುತ್ತಿದ್ದರಂತೆ..!
ಇದನ್ನು ಗಮಿಸಿದ ಅಕ್ಕ-ಪಕ್ಕದ ಮನೆಯವರು ಸಿಂಗಾಪುರದಲ್ಲಿರುವ ಪಜಾನಿಗೆ ಕಾಲ್ ಮಾಡಿ ನಿನ್ನ ಹೆಂಡ್ತಿ ಬರೀ ಟಿಕ್ ಟಾಕ್ ಎಂದು ಅದರಲ್ಲೇ ಮುಳುಗಿ ಹೋಗಿದ್ದಾಳೆ. ಅವಳು ಮಕ್ಕಳ ಬಗ್ಗೆ ಕೂಡ ಗಮನ ಹರಿಸುತ್ತಿಲ್ಲ ಎಂದು ಹೇಳಿದ್ದಾರೆ. ಆಗ ಹೆಂಡತಿಗೆ ಕರೆ ಮಾಡಿದ ಪಜಾನಿ ಆ ವೀಡಿಯೋ ಗೀಡಿಯಾ ಎಲ್ಲಾ ಬಿಟ್ಟು ಮಕ್ಕಳ ಕಡೆ ಗಮನ ಹರಿಸು ಎಂದು ಗದರಿದ್ದಾರೆ..! ಅಷ್ಟಕ್ಕೇ ಮನನೊಂದ ಆಕೆ ಟಿಕ್​​ಟಾಕ್​ ವೀಡಿಯೋ ಮಾಡುತ್ತಲೇ ವಿಷ ಕುಡಿದು ಸಾವನ್ನಪ್ಪಿದ್ದಾಳೆ..!