ಒಮೈಕ್ರಾನ್ ವೈರಸ್ ಮೊದಲು ಕಾಣಿಸಿಕೊಂಡ ದಕ್ಷಿಣ ಆಫ್ರಿಕಾ ಈಗ ಕೊರೋನಾದ ನಾಲ್ಕನೇ ಅಲೆಗೆ ಎಂಟರ್ ಆಗ್ತಿದೆ ಅಂತ ಅಲ್ಲಿನ ಆರೋಗ್ಯ ಸಚಿವ ಜೋ ಫಾಲಾ ಹೇಳಿದ್ದಾರೆ. ದಕ್ಷಿಣ ಆಫ್ರಿಕಾದಲ್ಲಿ ಸೋಮವಾರ ಎರಡು ಸಾವಿರ ಕೊರೋನಾ ಕೇಸ್ ದೃಢಪಟ್ಟಿತ್ತು, ಮಂಗಳವಾರ ಇದು ಡಬಲ್ ಆಗಿ 4 ಸಾವಿರ ಆಗಿತ್ತು, ಬುಧವಾರ 8 ಸಾವಿರ ದಾಟಿತ್ತು, ಗುರುವಾರ 11 ಸಾವಿರ ದಾಟಿ ಹೋಗಿದೆ.
ಕಳೆದ ಒಂದು ವಾರದಲ್ಲಿ ಸೌತ್ ಆಫ್ರಿಕಾದ ಕೊರೋನಾ ಕೇಸಸ್ 300 ಪರ್ಸೆಂಟ್ ಹೆಚ್ಚಾಗಿದೆ. ಇನ್ನು ವರ್ಚುವಲ್ ಮೀಡಿಯಾ ಬ್ರೀಫಿಂಗ್ ವೇಳೆ ಮಾತನಾಡಿದ ಜೋ ಫಾಲಾ, ದೇಶದ ಎಲ್ಲಾ ಭಾಗದಿಂದ ಹೆಚ್ಚೆಚ್ಚು ಕೊರೋನಾ ಕೇಸಸ್ ವರದಿಯಾಗ್ತಿದೆ. ಈ ಒಮೈಕ್ರಾನ್ ರೂಪಾಂತರಿ ಹರಡುವ ವೇಗ ತುಂಬಾ ಜಾಸ್ತಿ ಇದೆ. ಆಲ್ರೆಡಿ ಲಸಿಕೆ ಹಾಕ್ಕೊಂಡೋರಿಗೂ ತಗುಲುತ್ತಿದೆ. ಹೀಗಿದ್ದರೂ ಗಂಭೀರ ಪ್ರಮಾಣದ ಸಮಸ್ಯೆ ಮತ್ತು ಸಾವನ್ನ ತಡೆಯೋ ಶಕ್ತಿ ಲಸಿಕೆಗೆ ಇರೋದ್ರಿಂದ ಎಲ್ಲರೂ ಮುಂದೆ ಬಂದು ಲಸಿಕೆ ಹಾಕ್ಕೋಬೇಕು ಅಂತ ಅವರು ಆಗ್ರಹಿಸಿದ್ರು. ಇನ್ನು ಸೌತ್ ಆಫ್ರಿಕಾ ಮೇಲೆ ನಾನಾ ದೇಶಗಳು ನಿರ್ಬಂಧ ಹಾಕಿರೋದಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ ಅವರು, ಇದು ವಿನಾಶಕಾರಿ ಮಾರ್ಗ, ಅಂತಾರಾಷ್ಟ್ರೀಯ ಸಹಕಾರವನ್ನ ದುರ್ಬಲ ಮಾಡುತ್ತೆ ಅಂತ ಹೇಳಿದ್ರು.
