‘ಇಂಡಿಯನ್ ಐಡಲ್’ನ ಜಡ್ಜ್ ಕೂಡ ಆಗಿರುವ ಗಾಯಕಿ ನೇಹಾ ಕಕ್ಕಡ್ ಅವರು ಗಾಯಕ ರೋಹನ್ ಪ್ರೀತ್ ಸಿಂಗ್ ಅವರನ್ನು ಕಳೆದ ವರ್ಷ ಅಕ್ಟೋಬರ್ ತಿಂಗಳಲ್ಲಿ ಮದುವೆಯಾಗಿದ್ದರು. ಈಗ ಅವರು ವಿಡಿಯೋ ಮೂಲಕ ಗಂಡನ ಮಾಜಿ ಪ್ರೇಯಸಿಗೆ ವಾರ್ನ್ ಮಾಡಿದ್ದಾರೆ.
‘Ex-calling’ ಹಾಡಿನಲ್ಲಿ ರೋಹನ್ ಹಾಗೂ ನೇಹಾ ನಟಿಸಿದ್ದಾರೆ. ಆಗ ಅವರು ರೋಹನ್ ಅವರ ಮಾಜಿ ಪ್ರೇಯಸಿಗೆ ಮತ್ತೆ ಫೋನ್ ಮಾಡಬೇಡ ಅಂತ ಎಚ್ಚರಿಕೆ ನೀಡಿದ್ದಾರೆ. ಇವರಿಬ್ಬರು ಸಿಕ್ಕಾಪಟ್ಟೆ ಹಾಡುಗಳಿಗೆ ಲಿಪ್ ಸಿಂಕ್ ಮಾಡಿ ನಟಿಸುತ್ತಿರುತ್ತಾರೆ. ಈ ಜೋಡಿಯ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಆಗಾಗ ವೈರಲ್ ಆಗುತ್ತಿರುತ್ತವೆ. ‘Ex-calling’ ಹಾಡಿನ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿರುವ ನೇಹಾ “Ex-calling, ಅಚ್ಚಾ, ಕಾಲ್ ಮಾಡು ಆಗ ಹೇಳ್ತೀನಿ” ಅಂತ ಕ್ಯಾಪ್ಶನ್ ನೀಡಿದ್ದಾರೆ.
ಈ ವಿಡಿಯೋ ಪೋಸ್ಟ್ಗೆ ಪ್ರತಿಕ್ರಿಯೆ ನೀಡಿರುವ ರೋಹನ್ ಅವರು “ಯಾರೂ ಇಲ್ಲ ಯಾರೂ ಇಲ್ಲ. ನೀನು ಕೋಪ ಮಾಡಿಕೊಳ್ಳಬೇಡ, ನೀನು ಈ ಹಾಡು ಇಷ್ಟಪಟ್ಟಿದ್ದೀಯಾ, ನಾನು ನಿನ್ನನ್ನು ಪ್ರೀತಿಸುತ್ತೇನೆ” ಎಂದು ಕಾಮೆಂಟ್ ಮಾಡಿದ್ದಾರೆ. ಈ ಜೋಡಿ ಅವರ ಮ್ಯೂಸಿಕ್ ವಿಡಿಯೋಗಳ ಪ್ರಚಾರ ಮಾಡಲು ಏನೇನೋ ಪ್ಲ್ಯಾನ್ ಮಾಡುತ್ತಿದ್ದಾರೆ. ಈ ಹಿಂದೆ ನೇಹಾ ಕಕ್ಕರ್ ಅವರು ಗರ್ಭಿಣಿ ಎಂಬಂತೆ ಸುಳ್ಳು ಸುದ್ದಿ ಹಬ್ಬುವಂತೆ ಮಾಡಿದ್ದರು.
ರೋಹನ್ ಪ್ರೀತ್ ಸಿಂಗ್ ಹಾಗೂ ನೇಹಾ ಕಕ್ಕಡ್ ಅವರು ವೈವಾಹಿಕ ಜೀವನವನ್ನು ಸುಂದರವಾಗಿ ಕಳೆಯುತ್ತಿದ್ದಾರೆ. ಅನೇಕ ಕಾರ್ಯಕ್ರಮಗಳಿಗೆ ಈ ಜೋಡಿ ಒಟ್ಟಾಗಿ ಹೋಗುತ್ತಿದೆ. ಇವರಿಬ್ಬರದು ಲವ್ ಮ್ಯಾರೇಜ್. ಕಳೆದ ಜೂನ್ ತಿಂಗಳಲ್ಲಿ ಇವರಿಬ್ಬರ ಭೇಟಿಯಾಗಿದ್ದು, ಅಕ್ಟೋಬರ್ನಲ್ಲಿ ಕೆಲವೇ ಕೆಲವು ಜನರ ಸಾಕ್ಷಿಯಾಗಿ ಮದುವೆಯಾಗಿದೆ. ಕೊರೊನಾ ವೈರಸ್ ಇರುವುದರಿಂದ ಭಾರೀ ಗ್ರ್ಯಾಂಡ್ ಆಗಿ ಮದುವೆ ಮಾಡಿಕೊಳ್ಳಲಾಗಲಿಲ್ಲವಂತೆ. ಇನ್ನು ಈ ಹಿಂದೆ ನೇಹಾ ಅವರು ನಟ ಹಿಮಾಂಶ್ ಕೊಹ್ಲಿಯನ್ನು ಪ್ರೀತಿ ಮಾಡುತ್ತಿದ್ದರು.
