ಪೈಲ್ವಾನ್ ಅಬ್ಬರ ಶುರುವಾಗಿಯೇ ಬಿಡ್ತು… ಕಿಚ್ಚನಾಗಿ ಪೈಲ್ವಾನ್ ಸುದೀಪ್ ಗರ್ಜನೆ..!

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಈಗ ಸ್ಯಾಂಡಲ್ ವುಡ್ ಮಾತ್ರವಲ್ಲದೆ ಟಾಲಿವುಡ್ , ಬಾಲಿವುಡ್​ನಲ್ಲೂ ಬಹು ಬೇಡಿಕೆಯ ನಟ..! ಹಾಲಿವುಡ್​ಗೂ ಕನ್ನಡದ ಮಾಣಿಕ್ಯನ ಎಂಟ್ರಿಯಾಗಿದೆ. ಪೈಲ್ವಾನ್ ಸಿನಿಮಾ ಬಿಡುಗಡೆಗೆ ರೆಡಿಯಾಗಿದ್ದು, ಕಿಚ್ಚ ಅಭಿನಯದ ಮೆಗಾಸ್ಟಾರ್ ಚಿರಂಜೀವಿ ನಟನೆಯ ಸೈರಾ ನರಸಿಂಹ ರೆಡ್ಡಿ ಸಿನಿಮಾ ಕೂಡ ರಿಲೀಸ್ ಆಗುತ್ತಿದೆ. ಈ ಸಂತಸದ ಸುದ್ದಿಗಳ ನಡುವೆ ಪೈಲ್ವಾನ್ ಅಸಲಿ ದರ್ಶನವಾಗಿದೆ..!
ಹೌದು ಸುದೀಪ್ ಅಭಿನಯದ ಕನ್ನಡದ ಬಹು ನಿರೀಕ್ಷಿತ ಸಿನಿಮಾ ಪೈಲ್ವಾನ್ ಕನ್ನಡದ ಜೊತೆಗೆ ಹಿಂದಿ, ತೆಲುಗು, ತಮಿಳು, ಮಲೆಯಾಳಂ ಐದು ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ. ಟೀಸರ್, ಪೋಸ್ಟರ್ , ಸ್ಟಾರ್ ಕಾಸ್ಟಿಂಗ್ನಿಂದ ಈಗಾಗಲೇ ಗಮನ ಸೆಳೆದಿರುವ ಪೈಲ್ವಾನ್ ಸಿನಿಮಾದ ಟ್ರೇಲರ್ ರಿಲೀಸ್ ಆಗಿದೆ. ಟ್ರೇಲರ್ ಅಂದ್ರೆ ಇದಪ್ಪಾ ಅಂತ ಕಿಚ್ಚನ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ..!
ಹೆಬ್ಬುಲಿ ಖ್ಯಾತಿಯ ಡೈರೆಕ್ಟರ್ ಕೃಷ್ಣ ಮತ್ತು ಸುದೀಪ್ ಕಾಂಬಿನೇಷನ್​ನ ಎರಡನೇ ಸಿನಿಮಾ ಪೈಲ್ವಾನ್. ಸುನೀಲ್ ಶೆಟ್ಟಿ ಸೇರಿದಂತೆ ಪರ ಭಾಷಾ ಸ್ಟಾರ್​ ಗಳು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಟ್ರೇಲರ್ ನೋಡಿದರೆ ಖಂಡಿತಾ ನೀವು ಕಳೆದು ಹೋಗುತ್ತೀರಿ. ಸುದೀಪ್ ಲುಕ್​ ಅಂತು ನಿಮ್ಮ ಮನಸೂರೆಗೊಳಿಸುತ್ತದೆ. ಟ್ರೇಲರ್ ಸಿನಿಮಾದ ಮೇಲಿನ ಕುತೂಹಲವನ್ನು ಹೆಚ್ಚಿಸಿದೆ.
ಇನ್ನು ಪ್ರಮುಖವಾಗಿ ಸುದೀಪ್ ಈ ಸಿನಿಮಾದಲ್ಲಿ ಕಿಚ್ಚ. ಹುಚ್ಚ, ಕಿಚ್ಚ ಹಾಗೂ ಕಿಚ್ಚ-ಹುಚ್ಚ ಸಿನಿಮಾದಲ್ಲಿ ಕಿಚ್ಚನ ಪಾತ್ರದಲ್ಲಿ ಮಿಂಚಿದ್ದ ಸ್ಯಾಂಡಲ್​ವುಡ್​ ಬಾದ್​ ಷಾ ಸುದೀಪ್ ಪೈಲ್ವಾನ್​ನಲ್ಲೂ ಕಿಚ್ಚ ಎಂಬುದು ಟ್ರೇಲರ್ ನಲ್ಲಿ ಬಹಿರಂಗವಾಗಿದೆ. ಟ್ರೇಲರ್ ಒಮ್ಮೆ ನೋಡಿದ್ರೆ ಮತ್ತೆ ಮತ್ತೆ ನೋಡಬೇಕೆನ್ನಿಸುವಂತಿದೆ ಎನ್ನುವುದರಲ್ಲಿ ಯಾವುದೇ ಉತ್ಪ್ರೇಕ್ಷೆ ಇಲ್ಲ.
ಯೂಟ್ಯೂಬ್​ನಲ್ಲಿ ರಿಲೀಸ್ ಆದ ಕೆಲವೇ ಕೆಲವು ಗಂಟೆಗಳಲ್ಲಿ 5 ಲಕ್ಷ ವೀವ್ಸ್ ಆಗಿದೆ…
ಸುದೀಪ್ ಈ ಸಿನಿಮಾದಿಂದ ಮತ್ತಷ್ಟು ಅಭಿಮಾನಿಗಳನ್ನು ಸಂಪಾದಿಸುವುದರಲ್ಲಿ ಡೌಟಿಲ್ಲ. ಸುದೀಪ್ ಅಭಿನಯವೂ ಮನೋಜ್ಞವಾಗಿದೆ. ಸುದೀಪ್ ಅಲ್ಲದೆ ಸುನೀಲ್ ಶೆಟ್ಟಿ ಕೂಡ ಇಷ್ಟವಾಗುತ್ತಾರೆ.
ಸೆಪ್ಟೆಂಬರ್ 12 ಕ್ಕೆ ಸಿನಿಮಾ ರಿಲೀಸ್ ಆಗಲಿದೆ.