ಮುಂಬೈ: ನನಗೆ ಅಭಿನವ್ ಶುಕ್ಲಾ ಸ್ಪರ್ಮ್ ದಾನ ಕೊಡಲಿ. ಬಿಗ್‍ಬಾಸ್ ಮನೆಯಿಂದ ಹೊರ ಹೋದ ಬಳಿಕ ಈ ಬಗ್ಗೆ ಮಾತನಾಡುತ್ತೇನೆ ಎಂದು ಬಾಲಿವುಡ್ ನಟಿ ರಾಖಿ ಸಾವಂತ್ ಹೇಳಿದ್ದಾರೆ.
ಈ ಬಾರಿ ಬಿಗ್‍ಬಾಸ್ ಮನೆಗೆ ರಾಖಿ ಸಾವಂತ್ ಎಂಟ್ರಿ ನೀಡಿದಾಗಿನಿಂದ ಶೋಗೆ ಹೊಸ ಲುಕ್ ಬಂದಿದೆ. ರಾಖಿಯ ಜಗಳ, ಫನ್ನಿ ಮಾತುಗಳು, ಡ್ಯಾನ್ಸ್ ನೋಡುಗರನ್ನ ಸೆಳೆಯುವಲ್ಲಿ ಯಶಸ್ವಿಯಾಗಿವೆ. ವಾಹಿನಿ ಸಹ ರಾಖಿಯ ಮಾತುಗಳನ್ನ ಕೇಂದ್ರಿಕರಿಸಿ ಸಂಚಿಕೆಯ ಪ್ರೋಮೋಗಳನ್ನ ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡುತ್ತಿರುತ್ತದೆ. ಇದೀಗ ಸಹ ಸ್ಪರ್ಧಿ ಸೋನಾಲಿ ಫೋಗಾಟ್ ಜೊತೆ ರಾಖಿ ಮಾತಾಡಿರುವ ಸಣ್ಣ ವೀಡಿಯೋ ಕ್ಲಿಪ್ ಹೊರ ಬಂದಿದ್ದು, ವೈರಲ್ ಆಗುತ್ತಿದೆ.
ಕೆಲ ದಿನಗಳ ಹಿಂದೆ ಬಿಗ್‍ಬಾಸ್ ಜೊತೆ ಮಾತನಾಡುತ್ತಾ, ಅಭಿನವ್ ಶುಕ್ಲಾ ಸ್ಮಾರ್ಟ್ ಮತ್ತು ಹ್ಯಾಂಡ್‍ಸಮ್. ನನಗೆ ಅವರು ಅಂದ್ರೆ ತುಂಬಾ ಇಷ್ಟ. ನಾನು ಅವರನ್ನ ಪಟಾಯಿಸಿಕೊಳ್ಳಲೇ ಎಂದು ಕೇಳಿ ರಾಖಿ ಕಣ್ಣು ಹೊಡೆದಿದ್ದರು. ಆದ್ರೆ ಶುಕ್ಲಾ ಪತ್ನಿ ರುಬಿನಾ ಇದಕ್ಕೆ ಒಪ್ಪಲ್ಲ ಅಲ್ಲವಾ ಎಂದು ಬೇಸರ ಸಹ ವ್ಯಕ್ತಪಡಿಸಿದ್ದರು.
ಸೋನಾಲಿ ಜೊತೆ ಮಾತನಾಡುತ್ತಾ, ಈಗಾಗಲೇ ನನ್ನ ಅಂಡಾಣುಗಳನ್ನ ಫ್ರೀಝರ್ ನಲ್ಲಿರಿಸಿದ್ದೇನೆ. ಅಭಿನವ್ ಶುಕ್ಲಾ ತಮ್ಮ ಸ್ಪರ್ಮ್ ನೀಡಿದ್ರೆ ಮುದ್ದಾದ ಮಗುವಿನ ತಾಯಿ ಆಗುತ್ತೇನೆ. ಇಲ್ಲಿಂದ ಹೊರ ಹೋದ ನಂತರ ಶುಕ್ಲಾ, ಪತ್ನಿ ರುಬಿನಾ ಹಾಗೂ ಅವರ ಕುಟುಂಬಸ್ಥರ ಜೊತೆ ಮಾತನಾಡುತ್ತೇನೆ. ಅಭಿನವ್ ನನ್ನನ್ನು ಡೇಟ್ ಗೆ ಕರೆದುಕೊಂಡು ಹೋಗಿ ಒಂದು ಕಾಫಿ ಕುಡಿಸಲಿ, ಸಿನಿಮಾಗೆ ಕರೆದುಕೊಂಡು ಹೋಗಲಿ ಎಂದು ತಮ್ಮ ಆಸೆಗಳನ್ನ ರಾಖಿ ಹೊರ ಹಾಕಿದ್ದಾರೆ.
