ವಿರಾಟ್​ ಸ್ಥಾನ ಆಕ್ರಮಿಸಿಕೊಳ್ಳಲಿದ್ದಾರೆ ರೋಹಿತ್ ಶರ್ಮಾ..!

ಟೀಮ್ ಇಂಡಿಯಾದ ಉಪ ನಾಯಕ ರೋಹಿತ್ ಶರ್ಮಾ ನಾಯಕ ವಿರಾಟ್​ ಕೊಹ್ಲಿ ಅವರ ಸ್ಥಾನವನ್ನು ಆಕ್ರಮಿಸಿಕೊಳ್ಳಲಿದ್ದಾರೆ..! ಏನಿದು ಕೊಹ್ಲಿ ಬದಲು ರೋಹಿತ್ ಶರ್ಮಾ ನಾಯಕತ್ವ ವಹಿಸಿಕೊಳ್ಳುತ್ತಾರಾ? ಎಂದು ಪ್ರಶ್ನಿಸುತ್ತಿದ್ದೀರಾ..? ಇಲ್ಲ ಇದು ನಾಯಕ ಸ್ಥಾನ ವಿಚಾರವಲ್ಲ.. ನಂಬರ್ 1 ಬ್ಯಾಟ್ಸ್​​ಮನ್​ ಸ್ಥಾನದ ವಿಷಯ..!
ಹೌದು ಐಸಿಸಿ ರ್ಯಾಕಿಂಗ್ ನಲ್ಲಿ ವಿರಾಟ್ ಕೊಹ್ಲಿ 891 ಪಾಯಿಂಟ್​ ಗಳಿಂದ ಸದ್ಯ ನಂಬರ್ 1 ಸ್ಥಾನದಲ್ಲಿದ್ದಾರೆ. 885 ಪಾಯಿಂಟ್​ ಗಳೊಂದಿಗೆ ರೋಹಿತ್ ಶರ್ಮಾ ನಂಬರ್ 2ನಲ್ಲಿದ್ದಾರೆ. ವಿಶ್ವಕಪ್​​ಗೆ ಮುನ್ನ ರೋಹಿತ್ ಶರ್ಮಾ840 ಪಾಯಿಂಟ್​ ಹೊಂದಿದ್ದು, ಆಗಲೂ ಎರಡನೇ ಸ್ಥಾನದಲ್ಲೇ ಇದ್ದರು. ವಿಶ್ವಕಪ್​ನಲ್ಲಿ ಭರ್ಜರಿ ಪ್ರದರ್ಶನ ತೋರುತ್ತಿರುವ ಅವರು 8 ಮ್ಯಾಚ್​ ಗಳಲ್ಲಿ 5 ಶತಕ ಒಂದು ಅರ್ಧ ಶತಕದೊಂದಿಗೆ 647ರನ್​ ದಾಖಲಿಸಿದ್ದಾರೆ. ಅದರಿಂದ 840 ಪಾಯಿಂಟ್​ಗಳಿಂದ 885 ಪಾಯಿಂಟ್​ಗಳಿಗೆ ಏರಿದ್ದಾರೆ. ಹೀಗಾಗಿ ಇನ್ನು ಆರೇ ಆರು ಪಾಯಿಂಟ್​ ಗಳಿಸಿಕೊಂಡರೆ ವಿರಾಟ್ ಸಮಕ್ಕೆ ಬಂದು ನಿಲ್ತಾರೆ..! ವಿಶ್ವಕಪ್​ನಲ್ಲಿ ಸೆಮಿಫೈನಲ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿ, ಫೈನಲ್​ನಲ್ಲೂ ಮಿಂಚಿ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸದಲ್ಲಿ ನಂಬರ್ 1 ಸ್ಥಾನಕ್ಕೆ ಬರುವ ಸಾಧ್ಯತೆ ಇದೆ.