ಕೆಜಿಎಫ್ ನಂತರ ಪ್ರಶಾಂತ್ ನೀಲ್ ಅವರು ಟಾಲಿವುಡ್ ನಟ ಪ್ರಭಾಸ್ ಅವರಿಗೆ ಸಲಾರ್ ಚಿತ್ರವನ್ನ ನಿರ್ದೇಶನ ಮಾಡಲು ಮುಂದಾಗಿದ್ದಾರೆ. ಇನ್ನು ಈಗಾಗಲೇ ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಿದ್ದು ಈ ಸಿನಿಮಾ ಕುರಿತಾಗಿ ತೆಲುಗು ಮಾಧ್ಯಮಗಳು ಇದು ಉಗ್ರಂ ಚಿತ್ರದ ರೀಮೇಕ್ ಎಂದು ಸುದ್ದಿ ಮಾಡಿವೆ.
ಹೌದು ಪ್ರಶಾಂತ್ ನೀಲ್ ನಿರ್ದೇಶನದ ಮೊದಲ ಸಿನಿಮಾ ಉಗ್ರಂ ಚಿತ್ರದ ರೀಮೇಕೇ ಈ ಸಲ ರ್ ಎಂದು ಕೆಲವೊಂದಿಷ್ಟು ತೆಲುಗು ಮಾಧ್ಯಮಗಳು ಸುದ್ದಿ ಬಿತ್ತರಿಸಿವೆ. ಈ ಸುದ್ದಿಯ ಕುರಿತು ಪ್ರತಿಕ್ರಿಯೆ ನೀಡಿರುವ ಪ್ರಶಾಂತ್ ನೀಲ್ ಅವರು ಇದು ಉಗ್ರಂ ಚಿತ್ರದ ರೀಮೇಕ್ ಅಲ್ಲ ಪ್ರಭಾಸ್ ಅವರಿಗಾಗಿಯೇ ವಿಶೇಷವಾಗಿ ಬರೆದಿರುವ ಕಥೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಈ ಮೂಲಕ ಸಲಾರ್ ಚಿತ್ರ ಯಾವುದೇ ಚಿತ್ರದ ರೀಮೇಕ್ ಅಲ್ಲ ಅದೊಂದು ಹೊಸ ಕಥೆ ಎಂದು ಪ್ರಶಾಂತ್ ನೀಲ್ ಅವರು ಎಲ್ಲಾ ಪ್ರಶ್ನೆಗಳಿಗೂ ಉತ್ತರವನ್ನು ನೀಡಿದ್ದಾರೆ..
