ಪ್ರತಿ ಬಾರಿ ಸೆಂಚುರಿ ಬಾರಿಸಿದ ನಂತರ ಕನ್ನಡಿಗ ಕೆಎಲ್ ರಾಹುಲ್ ಅವರು ವಿಭಿನ್ನವಾಗಿ ಸಂಭ್ರಮಾಚರಣೆಯನ್ನು ಮಾಡುತ್ತಾರೆ. ಸೆಂಚುರಿ ಬಾರಿಸಿದ ಬಳಿಕ 2ಕಿವಿಗಳಿಗೂ ಕೈನಿಂದ ಮುಚ್ಚಿಕೊಂಡು ಕಣ್ಣುಮುಚ್ಚಿ ನಿಲ್ಲುತ್ತಾರೆ. ಕೆ ಎಲ್ ರಾಹುಲ್ ಅವರು ಈ ರೀತಿ ಭಿನ್ನವಾಗಿ ತಮ್ಮ ಸೆಂಚುರಿಯನ್ನು ಸಂಭ್ರಮಿಸುವುದು ಯಾಕೆ ಎಂಬ ಪ್ರಶ್ನೆ ಎಲ್ಲರಲ್ಲಿಯೂ ಇತ್ತು.
ಇದೀಗ ಆ ಎಲ್ಲಾ ಪ್ರಶ್ನೆಗಳಿಗೆ ಕೆಎಲ್ ರಾಹುಲ್ ಅವರೇ ಸ್ವತಃ ಉತ್ತರ ನೀಡಿದ್ದು ತಾವು ಕಿವಿ ಮತ್ತು ಕಣ್ಣು ಮುಚ್ಚಿ ನಿಂತು ಸೆಂಚುರಿ ಸಂಭ್ರಮಾಚರಣೆ ಮಾಡುವುದು ಯಾಕೆ ಎಂಬುದನ್ನ ಬಹಿರಂಗಪಡಿಸಿದ್ದಾರೆ. ಕಾಲನ್ನು ಎಳೆಯುವವರು , ಟೀಕೆ ಮಾಡುವವರು ಮತ್ತು ತಮ್ಮ ಬಗ್ಗೆ ಮಾತನಾಡುವವರ ಮಾತಿಗೆ ಟೀಕೆಗಳಿಗೆ ಕಿವಿಗೊಡುವುದಿಲ್ಲ ಮತ್ತು ಅದನ್ನು ನೋಡುವುದಿಲ್ಲ ನನ್ನ ಪಾಡಿಗೆ ನಾನು ಶಾಂತಿಯಿಂದ ಇರುತ್ತೇನೆ ಎಂಬುದರ ಸಂಕೇತವಾಗಿ ಕೆ ಎಲ್ ರಾಹುಲ್ ಅವರು ಸೆಂಚುರಿ ಬಾರಿಸಿದ ಬಳಿಕ ಈ ರೀತಿ ಕಣ್ಣು ಮತ್ತು ಕಿವಿಯನ್ನು ಮುಚ್ಚಿ ನಿಲ್ಲುವುದಾಗಿ ಹೇಳಿಕೊಂಡಿದ್ದಾರೆ.
ಹೀಗೆ ಸೆಂಚುರಿಯ ಮೂಲಕ ಉತ್ತರವನ್ನು ನೀಡಿ ತದನಂತರ ತಮ್ಮ ಮೇಲೆ ಮಾಡಲಾಗಿದ್ದ ಟೀಕೆಗಳನ್ನು ನಾನು ಇಟ್ಟುಕೊಳ್ಳುವುದಿಲ್ಲ ಎಂಬುದನ್ನು ಕಣ್ಣು ಮತ್ತು ಕಿವಿಯನ್ನು ಮುಚ್ಚಿಕೊಳ್ಳುವುದರ ಮೂಲಕ ಕೆಎಲ್ ರಾಹುಲ್ ವ್ಯಕ್ತಪಡಿಸುತ್ತಿದ್ದಾರೆ.
