3ನೇ ಮಹಾಯುದ್ಧಕ್ಕೆ ನಾಂದಿ ಹಾಡುತ್ತಾ ಇರಾನ್​?

ಇರಾನ್​ : ಇರಾನ್​ನ ಪ್ರಮುಖ ಕುದ್ಸ್​ ಮಿಲಿಟರಿ ಪಡೆಯ ಮುಖ್ಯಸ್ಥ ಮತ್ತು ಇಸ್ಲಾಮಿಕ್​ ಗಣರಾಜ್ಯದ ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳಲ್ಲಿ ಒಬ್ಬರಾಗಿದ್ದ ಕಸ್ಸೆಮ್ ಸೊಲೈಮಾನಿಯ ಹತ್ಯೆಯ ಬಳಿಕ ಇರಾನ್​ ಮತ್ತಷ್ಟು ವ್ಯಾಘ್ರಗೊಂಡಂತಿದೆ. ಇರಾನ್​ ನೆಲದಿಂದ ಎಲ್ಲಾ ಅಮೇರಿಕಾ ಸೈನಿಕರನ್ನು ಹೊರಹಾಕುವಂತೆ ಹಾಗೂ 2015 ರ ಪರಮಾಣು ಒಪ್ಪಂದದ ಯಾವುದೇ ನೀತಿ ನಿಯಮವನ್ನು ಪಾಲಿಸುವುದಿಲ್ಲ ಎಂದು ಇರಾನ್ ಸಂಸತ್ತು ಪ್ರಕಟಣೆ ಹೊರಡಿಸಿದೆ.ಇರಾನ್​ ಅಧ್ಯಕ್ಷ ಹಸನ್​ ರೂಹಾನಿ ಅಲ್ಲಿಮ ದೂರದರ್ಶನವೊಂದಕ್ಕೆ ಹೇಳಿಕೆ ನೀಡಿ, ಪರಮಾಣು ಬಾಂಬ್​ ಉತ್ಪಾದನೆ ಮತ್ತು ಸಂಶೋಧನೆ ಮೇಲೆ ತಮ್ಮ ರಾಷ್ಟ್ರ ಯಾವುದೇ ಮಿತಿಗಳನ್ನು ಹೇರುವುದಿಲ್ಲ ಎಂದು ಘೋಷಿಸಿದ್ದಾರೆ. ಇರಾನ್ ಅಧ್ಯಕ್ಷರ ಈ ಹೇಳಿಕೆ ಇದೀಗ ಕೊಲ್ಲಿ ರಾಷ್ಟ್ರಗಳಲ್ಲಿ ಆತಂಕವನ್ನು ಉಂಟು ಮಾಡಿದೆ.ಈ ಎಲ್ಲಾ ಬೆಳವಣಿಗೆಗಳು ಸಂಭವಿಸಿದಲ್ಲಿ ಇರಾನ್​ ಪರಮಾಣು ಬಾಂಬ್​ ನಿರ್ಮಿಸಲು ಮತ್ತು ಇಸ್ಲಾಮಿಕ್ ಸ್ಟೇಟ್​ ಗುಂಪನ್ನು ಇರಾನ್​ನಲ್ಲಿ ಮರುಸ್ಥಾಪಿಸುವ ಸಂಭವವಿದೆ ಎಂದು ಹೇಳಲಾಗುತ್ತಿದ್ದು, ಈ ಬೆಳವಣಿಗೆಯಿಂದ ಮಧ್ಯಪ್ರಾಚ್ಯ ದೇಶಗಳಿಗೆ ಅಪಾಯವಾಗುವ ಸಾಧ್ಯತೆಯಿದೆ ಎಂದು ಊಹಿಸಲಾಗಿದ್ದು, 3ನೇ ಮಹಾಯುದ್ಧ ನಡೆಯುತ್ತಾ ಎಂಬ ಆತಂಕದ ಪರಿಸ್ಥಿತಿ ನಿರ್ಮಾಣವಾಗಿದೆ.