ವಾರ ಭವಿಷ್ಯ : ಈ ವಾರದ ದ್ವಾದಶ ರಾಶಿಗಳ ಫಲಾಫಲಗಳೇನು?

ಮೇಷ : ಉದ್ಯೋಗ ಕಳೆದುಕೊಳ್ಳುವ ಭೀತಿ, ಧನ ನಷ್ಟ. ಇಷ್ಟದ ದೇವರನ್ನು ಹಾಗೂ ಸುಬ್ರಹ್ಮಣ್ಯ ಸ್ವಾಮಿಯನ್ನು ಅನನ್ಯಭಾವದಿಂದ ಪೂಜಿಸಿದರೆ ಒಳ್ಳೆಯದಾಗುತ್ತದೆ.

ವೃಷಭ : ಕೋಪ ನಿಯಂತ್ರಣದಲ್ಲಿಟ್ಟುಕೊಳ್ಳಿ. ನಿಮ್ಮ ಕೋಪದಿಂದ ಕುಟುಂಬದಲ್ಲಿ ವಿರಸ, ಬಂಧುಗಳ ವಿರೋಧ ಕಟ್ಟಿಕೊಳ್ಳಬೇಕಾದೀತು. ಎಂಥಾ ಸಂದರ್ಭದಲ್ಲೂ ತಾಳ್ಮೆ ಕಳೆದುಕೊಳ್ಳಬೇಡಿ. ದೇವಿ ಪ್ರಾರ್ಥನೆಯಿಂದ ಶುಭವಾಗಲಿದೆ.

ಮಿಥುನ : ನಿಶ್ಚಿತ ಗುರಿ ತಲುಪಲು ಮತಷ್ಟು ಸಾಧನೆ ಅಗತ್ಯ. ಹಣಕಾಸಿನ ವಿಚಾರದಲ್ಲಿ ಸ್ಥಿರತೆ ಇರುವುದಿಲ್ಲ. ಲೇವಾದೇವಿ ವ್ಯವಹಾರ ಮಾಡುವವರಿಗೆ ಹಿನ್ನೆಡೆ, ಅಪಕೀರ್ತಿ. ಮನೆದೇವರನ್ನು ಅನನ್ಯಭಾವದಿಂದ ಪೂಜಿಸಿ.

ಕರ್ಕಾಟಕ : ಉದ್ಯೋಗದಲ್ಲಿ ಸ್ಥಾನಪಲ್ಲಟ. ಮೇಲಾಧಿಕಾರಿಗಳಿಂದ ಕಿರಿಕಿರಿ. ಮಾಡುವ ಕೆಲಸಗಳಲ್ಲಿ ಗೊಂದಲ. ಸರ್ಕಾರಿ ಉದ್ಯೋಗದ ನಿರೀಕ್ಷೆ. ಸುಬ್ರಹ್ಮಣ್ಯ ದೇವರನ್ನು ಪೂಜಿಸಿ.

ಸಿಂಹ : ಮನೆಯವರೊಂದಿಗೆ ಮನಸ್ತಾಪ, ಆರೋಗ್ಯ ಸಮಸ್ಯೆ, ನೀರಿನ ವಿಚಾರದಲ್ಲಿ ಜಗಳ. ಒಳಿತಿಗಾಗಿ ಶಿವನನ್ನು ಅನನ್ಯಭಾವದಿಂದ ಪ್ರಾರ್ಥಿಸಿ.

ಕನ್ಯಾ : ಕಚೇರಿ ವ್ಯವಹಾರದಲ್ಲಿ ಹಿನ್ನೆಡೆ. ಬಂಧುಗಳ ವಿರೋಧ. ಧೈರ್ಯದಿಂದ ಮುನ್ನುಗ್ಗಿದರೆ ಮನಸ್ಸಿನಲ್ಲಿ ಕಾಡುತ್ತಿರುವ ಸಮಸ್ಯೆ ಬಗೆಹರಿಯುತ್ತದೆ. ಗಣಪತಿಯನ್ನು ಆರಾಧಿಸಿ, ಒಳಿತಾಗುವುದು.

ತುಲಾ : ಕೆಲಸದಲ್ಲಿ ಅಡೆತಡೆ, ಮಕ್ಕಳಿಂದ ಕಿರುಕುಳ, ದಾಯಾದಿಗಳಿಂದ ಕಲಹ ಮೊದಲಾದ ಅಶುಭಫಲಗಳಿವೆ. ಆದರೆ, ಗೆಳೆಯರ ಸಹಕಾರ ನಿಮಗೆ ಸಿಗುತ್ತದೆ. ಐಷಾರಾಮಿ ವಸ್ತುಗಳಿಗೆ ಖರ್ಚು ಮಾಡಬೇಡಿ. ಗುರುವಿನ ಆರಾಧನೆ ಮಾಡಿ.

ವೃಶ್ವಿಕ : ಗಡಿಬಿಡಿಯಿಂದ ಯಾವುದೇ ಕೆಲಸಕ್ಕೂ ಕೈ ಹಾಕಬೇಡಿ. ದೊಡ್ಡ ಯೋಜನೆ ರೂಪಿಸಿ, ಕಾರ್ಯರೂಪಕ್ಕೆ ಬರುವುದು. ಆದರೆ, ತಾಳ್ಮೆಯಿರಲಿ. ದುರ್ಗಾದೇವಿಯನ್ನು ಪೂಜಿಸಿ.

ಧನು : ಕೆಲಸಗಳಲ್ಲಿ ಶ್ರದ್ಧೆ ಮತ್ತು ಶಿಸ್ತು ರೂಪಿಸಿಕೊಳ್ಳಿ. ಉತ್ತಮ ಫಲಿತಾಂಶ ಬರುವುದು. ಧನಲಾಭವಿದೆ. ಏಳಿಗೆಗಾಗಿ ರಾಘವೇಂದ್ರ ಸ್ವಾಮಿಯನ್ನು ಪ್ರಾರ್ಥಿಸಿ.

ಮಕರ : ಕಬ್ಬಿಣದ ವಸ್ತುಗಳ ಮಾರಾಟಗಾರರಿಗೆ ಅನುಕೂಲ. ಗ್ರಹಗತಿಗಳ ಕಾರಣದಿಂದ ನಿಮಗೆ ಎದುರಾಗಿರುವ ಶಕ್ತಿ ಧೃತಿ ಗೆಡಿಸುತ್ತದೆ. ನಿಮ್ಮ ಜನ್ಮದಲ್ಲಿ ಶನಿ ಇರುವುದರಿಂದ ಈಶ್ವರನನ್ನು ಪೂಜಿಸಿ.

ಕುಂಭ : ದೀಢೀರ್ ಬೆಳವಣಿಗೆ. ಹೊಸ ಉದ್ಯೋಗದ ಆಶಯ. ಹೊಸ ಮನೆಯ ಕೆಲಸ ಆರಂಭವಾಗುವುದು. ನಿಮ್ಮ ಒಳ್ಳೆಯ ದಿನಗಳು ಹತ್ತಿರವಾಗುತ್ತಿವೆ. ಆದರೆ, ಇನ್ನೊಬ್ಬರನ್ನು ನಂಬಬೇಡಿ. ಸ್ವಂತ ನಿರ್ಧಾರವೇ ಕೈ ಹಿಡಿಯುವುದು.

ಮೀನ : ನಿಮ್ಮ ಮಕ್ಕಳನ್ನು ಚೆನ್ನಾಗಿ ನೋಡಿಕೊಳ್ಳಿ. ಮನೋಸ್ಥಿರತೆ ಬೆಳೆಸಿಕೊಳ್ಳಿ. ನಿಮ್ಮ ಬೆಂಬಲಿಗರನ್ನು ದೂರಮಾಡಿಕೊಳ್ಳಬೇಡಿ. ಎಲ್ಲರಿಂದ ಬೆಂಬಲ ತೆಗೆದುಕೊಂಡು ಮುಂದಿನ ಯೋಜನೆ ರೂಪಿಸಿ. ಉಳಿತಿಗಾಗಿ ದೇವಿಯ ಆರಾಧನೆ ಮಾಡಿ.