ನೀವೂ ಕೂಡ ಚಿಕ್ಕವರಿರುವಾಗ ವಿಮಾನದಲ್ಲಿ ಹಾರಾಡುವ ಕನಸನ್ನು ಕಂಡಿರುತ್ತೀರಿ..! ಈಗ ಆ ಕನಸು ನನಸಾಗಿರಬಹುದು.. ಅಥವಾ ಸಧ್ಯದಲ್ಲೇ ನನಸಾಗಲೂಬಹುದು..! ಆದರೆ ಪಟ್ಟಣವನ್ನೇ ಕಾಣದ ಬಡ ಮಕ್ಕಳ ಕನಸು..? ಆಕಾಶದಲ್ಲಿ ಹಾರುವ ವಿಮಾನವನ್ನು ನೋಡಿ ಹೇ..ವಿಮಾನ.. ವಿಮಾನ ಅಂತ ಕೂಗಾಡಿ ಸಂಭ್ರಮಿಸುವಾಗ ನಾವೂ ಕೂಡ ಆ ವಿಮಾನದಲ್ಲಿ ಹಾರಾಡಬೇಕೆಂಬ ಆಸೆ ಎಲ್ಲಾ ಮಕ್ಕಳಿಗೂ ಇರುತ್ತೆ..! ಮಕ್ಕಳ ಕನಸು ನನಸಾಗಬಹುದು..! ಆದರೆ ಐಷಾರಾಮಿ ಬಸ್ಸಿನಲ್ಲೇ ಕೂರಲಾಗದ ಬಡಮಕ್ಕಳ ವಿಮಾನ ಹತ್ತುವ ಕನಸು ನನಸಾಗುವುದು ದೂರದ ಮಾತು..! ಆ ದಿನಕ್ಕಾಗಿ ಅವರು ಕಾಯಲೇ ಬೇಕು..! ಕಷ್ಟಪಟ್ಟು ಹಣಗಳಿಸಿ. ಸಮಾಜದಲ್ಲಿ ಆ ಮಟ್ಟಕ್ಕೆ ಬೆಳೆಯಲೇಬೇಕು..! ಆಗ ಮಾತ್ರ ಆ ಮಕ್ಕಳ ಕನಸು ಮುಂದೊಂದು ದಿನ ನನಸಾಗಬಹುದು..! ಆಗದೇನೇ ಇರಬಹದು..!
ನಮ್ಮ ದೇಶದಲ್ಲಿ ಅದೆಷ್ಟೋ ಶ್ರೀಮಂತ ಹೃದಯಗಳು ಬಡವರಿಗಾಗಿ ಮಿಡಿಯುತ್ತಿವೆ..! ವಿಮಾನವನ್ನೇರುವ ಬಡಮಕ್ಕಳ ಕನಸನ್ನು ನನಸು ಮಾಡಿರುವ ನಿವೃತ್ತ ಇಂಜಿನಿಯರ್ “ಬಹದ್ದೂರ್ ಚಂದ್ ಗುಪ್ತ”..ಕೂಡ ಅಂತವರಲ್ಲಿ ಒಬ್ಬರು..!
“ಬಹದ್ದೂರ್ ಚಂದ್ ಗುಪ್ತ” ನಿವೃತ್ತ ಇಂಜಿನಿಯರ್. ಇವರು 2003ರಲ್ಲಿ ಸ್ಥಗಿತಗೊಂಡಿದ್ದ `ಏರ್ಬಸ್-300’ಅನ್ನು 6,00,000 ರೂಪಾಯಿಗಳನ್ನು ನೀಡಿ ಖರೀದಿಸಿದ್ದಾರೆ. ಈ ಏರ್ ಬಸ್ ಹಾರಾಡುವುದಿಲ್ಲ..! ಆದರೆ ಅದನ್ನೇರಿ ಬಡಮಕ್ಕಳು ಸಂಭ್ರಮಿಸಬಹುದು..! ಈ ವಿಮಾನವನ್ನು ದೆಹಲಿಯ ಹೊರವಲಯದಲ್ಲಿ ಪಾರ್ಕ್ ಮಾಡಿದ್ದಾರೆ.
ಎಂದೂ ವಿಮಾನವನ್ನು ನೋಡದ, ಹತ್ತದ, ಲೆಕ್ಕವಿಲ್ಲದಷ್ಟು ಅನಾಥ ಮಕ್ಕಳು, ನಾಗರಿಕರು ಈ ವಿಮಾನವನ್ನೇರಿ ಖುಷಿ ಪಡುತ್ತಿದ್ದಾರೆ. ಎಲ್ಲಾ ಪ್ರಯಾಣಿಕರಿಗೆ ಉಚಿತ ಊಟದ ವ್ಯವಸ್ಥೆಯೂ ಇದೆ..! ತರ್ತು ಸಂದರ್ಭದಲ್ಲಿ ವಿಮಾನದಿಂದ ಯಾವರೀತಿಯಾಗಿ ಹೊರ ಬರಬಹುದೆಂದು ಕೂಡ ಪ್ರಾಯೋಗಿಕ ರೀತಿಯಲ್ಲೇ ತೋರಿಸುತ್ತಾರೆ.! ಇದು ಮಕ್ಕಳಿಗಂತೂ ಜಾರುಬಂಡಿ ಆಡಿದಂತಹ ಅನುಭವವನ್ನು ಕೊಡುತ್ತೆ..!
ನಿವೃತ್ತ ಇಂಜಿನಿಯರ್ ಗುಪ್ತರವರು ಏರ್ ಲೈನ್ಸ್ ನಲ್ಲಿ ಕೆಲಸಮಾಡ್ತಾ ಇದ್ದವರು..! ಒಮ್ಮೆ ಇವರ ಹಳ್ಳಿಯ ಗೆಳೆಯರೆಲ್ಲಾ ನಮ್ಮನ್ನೂ ವಿಮಾನವನ್ನೇರಿಸೆಂದು ಬೇಡಿಕೆಯನ್ನಿತ್ತಿದ್ದರು..! ಪಾಪ, ಒಮ್ಮೆ ಬಡ ಸ್ನೇಹಿತರೊಬ್ಬರನ್ನು ಇವರು ವಿಮಾನ ಹತ್ತಿಸಿದಾಗ ಅಧಿಕಾರಿಗಳು ಹಿಡಿದು ಪ್ರಶ್ನಿಸಿದ್ದರಂತೆ..! ಆ ನಂತರ ಇವರು ತಮ್ಮ ಭೂಮಿಯನ್ನು ಮಾರಿ ಏರ್ ಬಸ್ ಕೊಂಡುಕೊಂಡಿದ್ದಾರೆ..! ಇದರಿಂದ ಎಷ್ಟೋ ಬಡವರಿಗೆ, ಅನಾಥರಿಗೆ ವಿಮಾನ ಏರುವ ಕನಸನ್ನು ನನಸು ಮಾಡಿದ್ದಾರೆ..! ಬಡವರಿಗಾಗಿ ವಿಮಾನ ಖರೀದಿಸಿರುವಂತಹ “ಬಹದ್ದೂರ್ ಚಂದ್ ಗುಪ್ತ” ಬಡವರ ಕನಸೊಂದರ ಸಾಕಾರಮೂರ್ತಿ..!
- ಶಶಿಧರ ಡಿ ಎಸ್ ದೋಣಿಹಕ್ಲು
If you Like this Story , Like us on Facebook The New India Times
www.facebook.com/thenewindiantimes
TNIT Whats App No : 97316 23333
Send Your Stories to : tnitkannada@gmail.com
POPULAR STORIES :
ಮೊದಲ ಮಗುವಿಗೂ ಎರಡನೇ ಮಗುವಿಗೂ ಅಂತರ ಕೇವಲ ನಾಲ್ಕೇ ತಿಂಗಳು..!
ಅಜ್ಜ, ಅಜ್ಜಿ, ಜೀವಂತ ಶವದಂತಿರುವ ಮಗ..! ಕಲ್ಲು ಹೃದಯವನ್ನೂ ಕರುಗಿಸುವ ರಿಯಲ್ ಸ್ಟೋರಿ..!
