ಟೈಮ್ ಪಾಸ್ ಗಾಗಿ 41 ಜನರನ್ನು ಕೊಂದ ಭೂಪನೀತ..! ಈತನ ಮುಂದೆ ದಂಡುಪಾಳ್ಯ ಗ್ಯಾಂಗ್ ಕೂಡಾ ಲೆಕ್ಕಕ್ಕಿಲ್ಲ..!

ಕೊಲೆಯನ್ನು ಯಾವ ಕಾರಣಕ್ಕೆ ಮಾಡುತ್ತಾರೆ ಎಂಬ ಪ್ರಶ್ನೆಗೆ ಬಹುತೇಕರು ನೀಡುವ ಉತ್ತರವೇನೆಂದರೆ ದ್ವೇಷವೋ, ಆ ಕ್ಷಣದಲ್ಲಿ ನಡೆಯುವ ಘಟನೆಯೋ ಇಲ್ಲಾ ಹಣಕ್ಕಾಗಿಯೋ ಎಂದು ಹೇಳಬಹುದು. ಆದರೆ ಇಲ್ಲೋರ್ವ ವ್ಯಕ್ತಿಗೆ ನೀನು ಯಾಕೆ ಕೊಲೆ ಮಾಡಿದೆ ಎಂದು ಕೇಳಿದರೆ `ಟೈಮ್ಪಾಸ್’ ಗೆ..! ಕೊಲೆ ಅಂದರೆ ಅದು ಮೋಜು ಎನ್ನುತ್ತಾನೆ..! ಪ್ರತಿಯೊಬ್ಬರ ಪ್ರಾಣದೊಂದಿಗೆ ಆಡುವುದು ಖುಷಿ ಕೊಡುವ ಆಟ ಎಂಬ ಉತ್ತರ ನೀಡುತ್ತಾನೆ..! ಇಷ್ಟಕ್ಕೂ ಆ ಮನುಷ್ಯ ಮೋಜಿನ ಖುಷಿಯಲ್ಲಿ ಈತ ಕೊಂದ ಜನರ ಸಂಖ್ಯೆ ಬರೋಬ್ಬರಿ 41!
ಆತನ ಹೆಸರು ಸೈಲ್ಸನ್ ಜೋಸೇಡಾಸ್ ಗ್ರಕಾಸ್. ಈತ ಸೈಕೋ ಕಿಲ್ಲರ್..! ಮಹಿಳೆಯೊಬ್ಬರನ್ನು ಚಿತ್ರಹಿಂಸೆ ನೀಡಿ ಕೊಂದ ಆರೋಪದಲ್ಲಿ ಬಂಧಿತನಾದ ಈ ವ್ಯಕ್ತಿ ತನ್ನ ಈ ಹಿಂದಿನ ಕೊಲೆಯ ರಹಸ್ಯವನ್ನೆಲ್ಲಾ ಒಪ್ಪಿಕೊಂಡಿದ್ದಾನೆ. ಅದೂ ಅಲ್ಲದೆ, ಈತ ಬಿಳಿಯ ಮಹಿಳೆಯನ್ನು ಕೊಂದಿದ್ದಾನೆ. ಕೊಲ್ಲುವುದಕ್ಕೂ ಮುನ್ನ ಆಕೆಯನ್ನು ಹಲವು ದಿನಗಳ ಹಿಂಬಾಲಿಸಿ, ಆಕೆಯ ಬಗ್ಗೆ ತಿಳಿದು ಬಳಿಕ ಚಿತ್ರಹಿಂಸೆ ನೀಡಿ ಕೊಲೆ ಮಾಡಿದ್ದಾನೆ. 26 ವರ್ಷದ ಈ ಯುವಕನನ್ನು ಪೊಲೀಸರು ಸೈಕೋಪಾತ್ ಎಂದು ಹೇಳಿದ್ದಾರೆ.
ಈ ಕೊಲೆಗಾರ ಯುವಕ ನೀಡಿದ ಮಾಹಿತಿಯ ಆಧಾರದಲ್ಲಿ ಪೊಲೀಸರು ಈ ಹಿಂದಿನ ಪ್ರಕರಣಗಳನ್ನು ತನಿಖೆ ಮಾಡುತ್ತಿದ್ದಾರೆ. ಈ ಕೊಲೆಗಾರ ಒಪ್ಪಿಕೊಂಡಿರುವಂತೆ ಇದುವರೆಗೆ 37 ಮಹಿಳೆಯರು, ಮೂವರು ಗಂಡಸರು ಹಾಗೂ ಎರಡು ವರ್ಷದ ಮಗುವನ್ನು ಕೊಂದಿದ್ದಾನೆ. ಈತ ಮೊದಲು ಕೊಲೆ ಮಾಡಿದ್ದು ತನ್ನ 17ನೇ ವಯಸ್ಸಿನಲ್ಲಿ.
`17ನೇ ವಯಸ್ಸಿನಲ್ಲಿ ಮಹಿಳೆಯೊಬ್ಬಳನ್ನು ಕೊಂದೆ. ಅದು ನನಗೆ ಧೈರ್ಯ ತಂದಿತ್ತು. ಇದನ್ನೇ ಮುಂದುವರಿಸಿಕೊಂಡು ಹೋದೆ. ಇದರಲ್ಲಿ ನನಗೆ ಖುಷಿ ಸಿಕ್ಕಿದೆ.’ ಈತನ ಮೊದಲ ಆದ್ಯತೆ ಮೋಜಾದರೂ, ಯಾರಾದರೂ ಸುಪಾರಿ ಕೊಟ್ಟರೂ ಕೊಲ್ಲುತ್ತಿದ್ದ. ದಂಪತಿಯೊಂದು ಈತನಿಗೆ ಸುಪಾರಿ ಕೊಟ್ಟಿತ್ತು. ಈ ಪ್ರಕರಣದಲ್ಲಿ ಸುಪಾರಿ ಕೊಟ್ಟ ದಂಪತಿಯನ್ನು ಪೊಲೀಸರು ಬಂಧಿಸಿದ್ದರು.
ತನ್ನ ಈ ವೃತ್ತಾಂತವನ್ನೆಲ್ಲಾ ಹೇಳುವ ಈ ಸೈಕೋ ಜೈಲಿಗೆ ಹೋದರೂ ಚಿಂತೆಯಿಲ್ಲ. ಜೈಲಿನಿಂದ ಹೊರಬಂದ ನಂತರ ಮತ್ತೆ ಇದೇ ಕೃತ್ಯವನ್ನು ಮುಂದುವರಿಸಿಕೊಂಡು ಹೋಗುತ್ತೇನೆ ಎಂದೂ ಹೇಳುತ್ತಿದ್ದಾನೆ..! ಆದರೆ ಅದಕ್ಕೂ ಮೊದಲು ಜೈಲಿನಲ್ಲಿ ಯಾರನ್ನೂ ಕೊಲೆ ಮಾಡದಿರಲಿ ಎಂಬುದೇ ನಮ್ಮ ಆಶಯ..!