12ನೇ ಆವೃತ್ತಿ ಐಪಿಎಲ್ ಟೂರ್ನಿಯಲ್ಲಿ ಶುಭಾರಂಭ ಮಾಡೋ ಹುಮ್ಮಸ್ಸಿನಲ್ಲಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ತೀವ್ರ ಹಿನ್ನಡೆಯಾಗಿದೆ. ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ RCB ಹೀನಾಯ ಸೋಲು ಅನುಭವಿಸುವ ಮೂಲಕ 2019ರ ಐಪಿಎಲ್ ಟೂರ್ನಿಯನ್ನು ಸೋಲಿನೊಂದಿಗೆ ಆರಂಭಿಸಿದೆ. ಮೊದಲ ಪಂದ್ಯದಲ್ಲಿ ಸಿಎಸ್ಕೆ ಜಯ ಸಾಧಿಸಿದೆ.
ಆರ್ಸಿಬಿ ನೀಡಿದ್ದ 70 ರನ್ಗಳ ಅಲ್ಪ ಮೊತ್ತವನ್ನು ಬೆನ್ನತ್ತಿದ ಸಿಎಸ್ಕೆ ತಂಡ 17.5 ಓವರ್ನಲ್ಲಿ 71 ರನ್ಗಳಿಸಿ ಮೊದಲ ಗೆಲುವಿನ ನಗೆ ಬೀರಿದೆ. ಈ ಮೂಲಕ ಧೋನಿ ಟೀಂ ಗೆಲುವಿನ ಖಾತೆ ತೆರೆದಿದೆ.
ಮೊದಲು ಬ್ಯಾಟಿಂಗ್ ಮಾಡಿದ RCB,ಆತಿಥೇಯ CSK ಸ್ಪಿನ್ ಮೋಡಿಗೆ ತ್ತರಿಸಿತು. ವಿರಾಟ್ ಕೊಹ್ಲಿ 6 , ಮೊಯಿನ್ ಆಲಿ 9, ಎಬಿ ಡಿವಿಲಿಯರ್ಸ್ 9, ಶಿಮ್ರೊನ್ ಹೆಟ್ಮೆಯರ್ ಶೂನ್ಯ, ಶಿವಂ ದುಬೆ 2, ಕೊಲಿನ್ ಡಿ ಗ್ರ್ಯಾಂಡ್ಹೊಮ್ಮೆ 4 ಸಿಡಿಸಿ ಔಟಾದರೆ ಪಾರ್ಥೀವ್ ಪಟೇಲ್ 29 ರನ್ ಕಾಣಿಕೆ ನೀಡಿದರು.
