ಟಿಕ್ಟಾಕ್ ಹುಚ್ಚು ಕೆಲವರಿಗೆ ಹೆಚ್ಚಾಗಿದೆ. ಮಾಡುವ ಕೆಲಸವನ್ನು ಬಿಟ್ಟು ಟಿಕ್ ಟಾಕ್ ಹಿಂದೆ ಬಿದ್ದಿದ್ದಾರೆ. ಕೆಲವರು ಜೀವಕ್ಕಿಂತ ಹೆಚ್ಚು ಟಿಕ್ ಟಾಕ್ ಅನ್ನು ಪ್ರೀತಿಸ್ತಾರೆ. ನಟನೆಯ ಕೌಶಲ್ಯತೆಯನ್ನು ಹೊರ ಹಾಕಲು ಇರುವ ಆನ್ಲೈನ್ ವೇದಿಕೆ ಇದಾಗಿದ್ದು, ಇದರ ಹುಚ್ಚು ಜನರಿಗೆ ನೆತ್ತಿಗೇರಿ ಬಿಟ್ಟಿದೆ.
ಮೊನ್ನೆ ಮೊನ್ನೆಯಷ್ಟೇ ಟಿಕ್ ಟಾಕ್ ಮಾಡುತ್ತಾ ತಮಿಳುನಾಡುನ ಮಹಿಳೆಯೊಬ್ಬರು ವಿಷ ಕುಡಿದಿದ್ದರು. ಟಿಕ್ ಟಾಕ್ ಮಾಡೋದನ್ನು ಕಮ್ಮಿ ಮಾಡಿ ಸ್ವಲ್ಪ ಮಕ್ಕಳ ಕಡೆ ಗಮನ ಕೊಡು ಅಂದಿದ್ದಕ್ಕೇ ಆ ಮಹಿಳೆ ವಿಷ ಕುಡಿಯುತ್ತಾ ಟಿಕ್ಟಾಕ್ ಮಾಡಿ ವಿಷ ಕುಡಿದು ಸಾವನ್ನಪ್ಪಿದ್ದರು. ಅಷ್ಟೇ ಅಲ್ಲದೆ ತುಮಕೂರಿನ ಯುವಕನೊಬ್ಬ ಟಿಕ್ ಟಾಕ್ ಮಾಡಲು ಹೋಗಿ ದುಸ್ಸಾಹಸಕ್ಕೆ ಯತ್ನಿಸಿ ಮೂಳೆ ಮುರಿದುಕೊಂಡು ಸಾವು-ಬುದಕಿನ ನಡುವೆ ಆಸ್ಪತ್ರೆಯಲ್ಲಿದ್ದಾನೆ.
ಈಗ 12 ವರ್ಷದ ಬಾಲಕ ಟಿಕ್ಟಾಕ್ಗಾಗಿ ಪ್ರಾಣ ಬಿಟ್ಟಿದ್ದಾನೆ. ರಾಜಸ್ಥಾನದ ಬಾಲಕ ಕುಶಾಲ್ ಮೃತ. ಈತ ಟಿಕ್ ಟಾಕ್ ಮಾಡುತ್ತಾ ಕುತ್ತಿಗೆಗೆ ಕಬ್ಬಿಣದ ಸರಪಳಿ ಹಾಕಿಕೊಂಡು ನೇಣಿಗೆ ಶರಣಾಗಿದ್ದಾನೆ. ಟಿಕ್ಟಾಕ್ನಲ್ಲಿ ಸರಪಳಿ ಹಾಕಿಕೊಳ್ಳುವ ಚಾಲೆಂಜನ್ನು ನೋಡಿದ ಬಾಲಕ ತಾನು ಕೂಡ ಅದೇರೀತಿ ಮಾಡಲು ಮುಂದಾಗಿದ್ದಾನೆ. ಚಾಲೆಂಜಿಗಾಗಿ ತಡರಾತ್ರಿ ಎದ್ದು ಮಂಗಳಸೂತ್ರ ಮತ್ತು ಬಳೆಗಳನ್ನು ಧರಿಸಿ ಟಾಸ್ಕ್ ಮಾಡಿದ್ದಾನೆ. ಬಳಿಕ ಕಬ್ಬಿಣದ ಸರಪಳಿಯನ್ನು ಕುತ್ತಿಗೆಗೆ ಹಾಕಿಕೊಂಡು ಸಾವನ್ನಪ್ಪಿದ್ದಾನೆ.
ಕುಶಾಲ್ ಬೆಳಗ್ಗೆ ಎಷ್ಟು ಹೊತ್ತಾದ್ರು ಎದ್ದೇಳದನ್ನು ಕಂಡು ಪೋಷಕರು ಅವನ ರೂಮ್ಗೆ ಹೋದಾಗ ಅಲ್ಲೂ ಇರಲಿಲ್ಲ. ಬಳಿ ಬಾತ್ ರೂಮ್ಗ್ ಹೋದಾಗ ಆತ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ. ಬಾತ್ ರೂಮ್ ನಲ್ಲಿ ಅವನು ನೇಣಿಗೆ ಶರಣಾಗಿದ್ದನು. ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಯಿತಾದರೂ ಅಷ್ಟೊತ್ತಿಗೆ ಪ್ರಾಣ ಪಕ್ಷಿ ಹಾರಿತ್ತು.
ಟಿಕ್ ಟಾಕ್ ಹುಚ್ಚು ಒಬ್ಬ ಬಾಲಕನ ಜೀವವನ್ನೇ ತೆಗೆದಿದೆ. ನಟನೆಗೆ ವೇದಿಕೆಯಾಗಿದ್ದ ಆ್ಯಪ್ ಈಗ ಡೆಡ್ಲಿ ಆ್ಯಪ್ ಆಗಿದೆ. ಪೋಷಕರೇ ನೀವು ನಿಮ್ಮ ಮಕ್ಕಳ ಬಗ್ಗೆ ಎಚ್ಚರವಹಿಸಿ.. ಮೊಬೈಲ್ನಿಂದ ದೂರ ಇಡಿ.
