ಗಾನಕೋಗಿಲೆಗೆ ಹುಟ್ಟುಹಬ್ಬದ ಸಂಭ್ರಮ ಆ ಹಾಡನ್ನು ಅವರಿಂದ ಮಾತ್ರ ಹಾಡಲು ಸಾಧ್ಯವಾಗಿತ್ತು..!!

ದಕ್ಷಿಣ ಭಾರತದ ಖ್ಯಾತ ನಟಿ ಎಸ್ ಜಾನಕಮ್ಮನವರಿಗೆ ಈಗ ಎಪ್ಪತ್ತೇಳರ ಹುಟ್ಟುಹಬ್ಬದ ಸಂಭ್ರಮ. ಏಪ್ರಿಲ್ 23, 1938ರಲ್ಲಿ ಆಂದ್ರಪ್ರದೇಶದ ಗುಂಟೂರಿನಲ್ಲಿ ಜನಿಸಿದ ಜಾನಕಮ್ಮನವರಿಗೆ ಚಿಕ್ಕವಯಸ್ಸಿನಲ್ಲೇ ಸಂಗೀತದ ಬಗ್ಗೆ ಅತೀವ ಆಸಕ್ತಿಯಿತ್ತು. 1957ರಲ್ಲಿ ತಮಿಳಿನ `ವಿಧಿಯಿನ್ ವಿಲಯಟ್ಟು’, ತೆಲುಗಿನ `ಎಂಎಲ್ಎ’ ಚಿತ್ರದಲ್ಲಿ ಪ್ಲೇಬ್ಯಾಕ್ ಸಿಂಗರ್ ಆಗಿ ಹಾಡತೊಡಗಿದರು. ಮುಂದೆ ಸಂಗೀತ ನಿರ್ದೇಶಕ ಎಂ ವಿಶ್ವನಾಥನ್ ಅವರ `ಅವರ್ ಗಳ್’, ಕೆ ವಿ ಮಹಾದೇವನ್ ಅವರ `ಮಜೈ ಮೇಘಂ’, ಶಂಕರ್ ಗಣೇಶ್ ಅವರ `ಆಸೈ’ ಚಿತ್ರಗಳಲ್ಲಿ ಪೂರ್ಣ ಪ್ರಮಾಣದ ಗಾಯಕಿಯಾಗಿ ಯಶಸ್ವಿಯಾದರು. ಅಲ್ಲಿಂದ ಶುರುವಾದ ಅವರ ಯಶೋಗಾಥೆಗೆ ಕಡಿವಾಣ ಹಾಕಲು ಸಾಧ್ಯವೇ ಇರಲಿಲ್ಲ. ಕನ್ನಡ ಚಿತ್ರಗಳ ಮಟ್ಟಿಗೆ ಎಸ್. ಜಾನಕಿ, ಎಸ್.ಪಿ ಬಾಲಸುಬ್ರಮಣ್ಯಂ ಕಾಂಬಿನೇಶನ್ ನ ಹಾಡಿಗಂತೂ ಅಭಿಮಾನಿಗಳು ಹುಚ್ಚೆದ್ದುಹೋಗಿದ್ದರು. ಎಸ್. ಜಾನಕಿ ಅವರ ವೃತ್ತಿಜೀವನದಲ್ಲಿ ಹಾಡಿದ ಅತ್ಯಂತ ಟಫ್ಫೆಸ್ಟ್ ಹಾಡು ಎಂದರೇ ಅದು ಹೇಮಾವತಿ ಚಿತ್ರದ `ಶಿವ ಶಿವ ಎನ್ನದ ನಾಲಿಗೆಯೇಕೆ’ ಹಾಡು. ಸಂಗೀತ ನಿರ್ದೇಶಕ ಎಲ್. ವೈದ್ಯನಾಥನ್, ತೋಡಿ-ಅಭೋಗಿ ರಾಗದಲ್ಲಿ ಸಂಯೋಜಿಸಿದ್ದ ಈ ಹಾಡನ್ನು ಎಸ್. ಜಾನಕಿ ಹೊರತುಪಡಿಸಿ ಮತ್ಯಾರಿಂದಲೂ ಹಾಡಲು ಸಾಧ್ಯವಿಲ್ಲ ಎಂದಿದ್ದು ಖ್ಯಾತ ಹಿನ್ನೆಲೆಗಾಯಕಿ ಕೆ. ಎಸ್ ಚಿತ್ರಾ. ತಮ್ಮ ವೃತ್ತಿಜೀವನದಲ್ಲಿ ನಲವತ್ತಕ್ಕೂ ಹೆಚ್ಚು ಬಾರಿ ಬೆಸ್ಟ್ ಫೀಮೆಲ್ ಪ್ಲೇಬ್ಯಾಕ್ ಸಿಂಗರ್ ಅವಾರ್ಡ್ ಪಡೆದುಕೊಂಡಿರುವ ಜಾನಕಮ್ಮನವರಿಗೆ ಫಿಲ್ಮ್ ಫೇರ್ ಅವಾರ್ಡ್ ಕೂಡ ಸಿಕ್ಕಿದೆ.