ಕೊರೋನಾ ಎಫೆಕ್ಟ್ : ಚ್ಯುಯಿಂಗ್ ಬ್ಯಾನ್ ಮಾಡಿದ ಸರ್ಕಾರ..!

ಕೊರೋನಾ ರುದ್ರತಾಂಡವಕ್ಕೆ ಇಡೀ‌ ವಿಶ್ವ ನಲುಗಿದೆ … ದಿಢೀರ್ ಅಂತ ಚೀನಾದಲ್ಲಿ ಕಂಡುಬಂದ ಮಹಾಮಾರಿ ಇಂದು ಜಗತ್ತಿನ 183 ರಾಷ್ಟ್ರಗಳನ್ನು ಕಾಡುತ್ತಿದೆ …ಜಗತ್ತಿನಲ್ಲಿ 12, 73, 794 ಮಂದಿಗೆ ಕೊರೋನಾ ದೃಢಪಟ್ಟಿದೆ …69, 419 ಮಂದಿ ಈ ಮಹಾಮಾರಿಗೆ ಬಲಿಯಾಗಿದ್ದಾರೆ..

ವಿಶ್ವದ ದೊಡ್ಡಣ್ಣ ಎಂದು ಕರೆಸಿಕೊಳ್ಳುವ ಅಮೆರಿಕಾದಲ್ಲಿ ಇದುವರೆಗೆ ಅತೀ ಹೆಚ್ಚು ಕೊರೋನಾ ಪ್ರಕರಣಗಳು ಕಂಡು ಬಂದಿವೆ … 3 , 37, 274 ಮಂದಿ ಅಮೆರಿಕಾದಲ್ಲಿ ಕೊರೋನಾ ದಿಂದ ಬಳಲುತ್ತಿದ್ದಾರೆ . ಜರ್ಮನಿಯಲ್ಲಿ 1, 00, 123 ಮಂದಿಗೆ , ಫ್ರಾನ್ಸ್ ನಲ್ಲಿ 93, 780 ಮಂದಿ ಕೊರೋನಾದಿಂದ ಬಳಲುತ್ತಿದ್ದಾರೆ. ಕೊರೋನಾ ತವರು ರಾಷ್ಟ್ರ ಚೀನಾದಲ್ಲಿ 82, 602 ಮಂದಿ ಕೊರೋನಾದಿಂದ ನಪ್ಪಳಿಯುತ್ತಿದ್ದಾರೆ.

ಭಾರತದ ಕೂಡ ಕೊರೋನಾ ಮಹಾಮಾರಿಗೆ ನಲುಗಿದೆ . . . ದೇಶದಲ್ಲಿ ಸದ್ಯ ಲಾಕ್ ಡೌನ್ ಇದೆ . . ಹಿಮಾಚಲ ಪ್ರದೇಶ ಸರ್ಕಾರ ಕೂಡ ಕೊರೋನಾ ವಿರುದ್ಧದ ಸಮರದ ಭಾಗವಾಗಿ ಚ್ಯುಯಿಂಗಮ್ ಅನ್ನು ಬ್ಯಾನ್ ಮಾಡಿದೆ . . . ಕರೋನಾ ಸೋಂಕು ಹರಡದಂತೆ ಮಹತ್ವದ ಕ್ರಮಗಳನ್ನು ಕೈಗೊಂಡಿದೆ. ‌

ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದರಿಂದ ಜನ ಎಲ್ಲೆಂದರಲ್ಲಿ ಉಗಿಯುವುದನ್ನು ತಪ್ಪಿಸುವ ಉದ್ದೇಶದಿಂದ , ಮತ್ತಷ್ಟು ಹರಡದಂತೆ ತಡೆಗಟ್ಟಲು ಹಿಮಾಚಲ ಪ್ರದೇಶ ಸರ್ಕಾರ ಚ್ಯುಯಿಂಗಮ್ ಮಾರಾಟ ನಿಷೇಧಿಸಿ ಆದೇಶ ಹೊರಡಿಸಿದೆ . . .

ಮೂರು ತಿಂಗಳ ಕಾಲ ಚ್ಯುಯಿಂಗಮ್ ನಿಷೇಧಿಸಿ ಆದೇಶಿಸಿದೆ …ಈ ಬಗ್ಗೆ ಆದೇಶ ಹೊರಡಿಸಿರುವ ಅಲ್ಲಿನ ಆರೋಗ್ಯ ಮುಖ್ಯ ಕಾರ್ಯದರ್ಶಿ ಆರ್ . ಡಿ ಧಿಮಾನ್, ” ಸಾರ್ವಜನಿಕ ಹಿತ ದೃಷ್ಟಿಯಿಂದ ಚ್ಯುಯಿಂಗಮ್ ಮತ್ತು ಬಬಲ್ ಗಕ್ ಉತ್ಪನ್ನಗಳ ಮಾರಾಟ ಹಾಗೂ ಬಳಕೆಯನ್ನು ಜೂ 30 ರವರೆಗೆ ನಿಷೇಧ ಮಾಡಲಾಗಿದೆ” ಎಂದು ತಿಳಿಸಿದ್ದಾರೆ.

ಕೇಂದ್ರ ಸರ್ಕಾರ ಏಪ್ರಿಲ್ 14 ರವರೆಗೆ ಲಾಕ್ ಡೌನ್ ಆದೇಶ ಹೊರಡಿಸಿದೆ. ಈ ಮೂಲಕ ಹೆಮ್ಮಾರಿ ಕೊರೋನಾ ಸೋಂಕು ಹರಡದಂತೆ ತಡೆಯಲು ಈ ಕ್ರಮವನ್ನು ಜರುಗಿಸಿದೆ. ಹಿಮಾಚಲ ಪ್ರದೇಶದಲ್ಲಿ ಇದುವರೆಗೆ 6 ಮಂದಿಗೆ ಕೊರೋನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಆ ಆರು ಮಂದಿಯಲ್ಲಿ ಒಬ್ಬರು ಕೊರೋನಾ ಸೋಂಕಿನಿಂದ ಗುಣಮುಖರಾಗಿದ್ದಾರೆ‌.