ಹಗಲುಗನಸು ಕಾಣೋರು ಸ್ಮಾರ್ಟ್ ಅಂಡ್ ಕ್ರಿಯೇಟಿವ್.!

ನೀವು ಹಗಲುಗನಸು ಕಾಣ್ತೀರಾ..?! ಬರೀ ಹಗಲುಗನಸು ಕಾಣ್ತಿಯಾ ಅಂತ ನಿಮ್ಮವರು ಬೈತಾ ಇರ್ತಾರ..? ತಲೆಕೆಡಿಸಿಕೊಳ್ಳಬೇಡಿ..! ಈ ಸುದ್ದಿ ಓದಿ ಹೆಚ್ಚು ಹೆಚ್ಚು ಹಗಲುಗನಸು ಕಾಣಿ..! ಹಗಲುಗನಸು ಕಾಣ್ಬೇಡ ಅಂತ ನಿಮಗೆ ಬೈತಾ ಇರ್ತಾರಲ್ಲಾ..? ಅವರಿಗೆ ಈ ಸುದ್ದಿಯ ಲಿಂಕ್ ಶೇರ್ ಮಾಡಿ ನೀವು ಸುಮ್ಮನಿದ್ದು ಬಿಡಿ..!

ಹೌದು, ಎಷ್ಟೋಮಂದಿ ಹಗಲುಗನಸು ಕಾಣ್ತಿರ್ತೀವಿ. ಆಫೀಸಲ್ಲಿ ಮೀಟಿಂಗ್ ನಡೀತಾ ಇರುತ್ತೆ, ಔತಣಕೂಟದಲ್ಲಿ ಎಲ್ಲರೂ ಮಾತಾಡ್ತಾ ಇರ್ತಾರೆ, ಶಾಲೆ-ಕಾಲೇಜುಗಳಲ್ಲಿ ಪಾಠ ಮಾಡ್ತಿರ್ತಾರೆ, ಇದೇ ರೀತಿಯ ಅನೇಕ ಸಂದರ್ಭಗಳಲ್ಲಿ ನೀವು ಹಗಲುಗನಸು ಕಾಣ್ತಾ ನಿಮ್ಮದೇ ಯೋಚನೆಯಲ್ಲಿರ್ತೀರಿ..! ಸ್ವಲ್ಪ ಹೊತ್ತಿಗೆ ವಾಸ್ತವಕ್ಕೆ ಬರ್ತೀರಿ..! ಛೇ.. ಮೀಟಿಂಗ್ ಅಲ್ಲಿ ಏನ್ ಚರ್ಚೆ ಆಯ್ತೋ..? ಟೀಚರ್/ಲೆಕ್ಚರರ್ ಏನ್ ಪಾಠ ಮಾಡಿದ್ರೋ ಅಂತ ಕೆಲವೊಮ್ಮೆ ನೀವು ಗೊಂದಲಕ್ಕೆ ಒಳಗಾಗ್ತೀರಿ..! ನಿಮ್ಮ ಬಗ್ಗೆ ನಿಮಗೇ ಬೇಜಾರಾಗುವುದು ಉಂಟು..! ಇನ್ನುಮುಂದೆ ನೀವು ಅದಕ್ಕೆಲ್ಲಾ ಬೇಸರಪಟ್ಟುಕೊಳ್ಳಬೇಡಿ..! ಹಗಲುಗನಸು ಕಾಣ್ತೀನಿ ಅಂತ ನಿಮಗೆ ನೀವೇ ಬೈದುಕೊಳ್ಳಬೇಡಿ..! ಬದಲಾಗಿ ನೀವು ಹೆಮ್ಮೆಪಡಿ..! ಯಾಕಂದ್ರೆ ಹಗಲುಗನಸು ಕಾಣೋರು ತುಂಬಾ ಸ್ಮಾರ್ಟ್ ಅಂಡ್ ಕ್ರಿಯೇಟಿವ್ ಅಂತೆ..! ಹೀಗಂತ ಸಂಶೋಧನೆಯೊಂದು ಹೇಳಿದೆ..!

ಹೌದು, ಜಾರ್ಜಿಯ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಸೈಕಾಲಜಿಯ ಪ್ರೊಫೆಸರ್, ಮನಶಾಸ್ತ್ರಜ್ಞ ಎರಿಕ್‍ಸ್ಕ್ಯೂಮರ್ ಮತ್ತು ತಂಡ ಸಂಶೋಧನೆಯೊಂದನ್ನು ಮಾಡಿದ್ದು, ಹಗಲುಗನಸು ಕಾಣೋರು ಅತ್ಯಂತ ಸ್ಮಾರ್ಟ್ ಮತ್ತು ಕ್ರಿಯೆಟಿವ್ ಆಗಿರ್ತಾರೆ ಎಂಬುದು ತಿಳಿದುಬಂದಿದೆ..!
ಸಂಶೋಧನ ತಂಡ 100ಕ್ಕೂ ಹೆಚ್ಚು ಮಂದಿಯ ಮೆದುಳಿನ ವಿನ್ಯಾಸವನ್ನು ಎಂಆರ್‍ಐ ಮಶಿನ್ ಮೂಲಕ ಅಧ್ಯಯನ ಮಾಡಿದ್ದಾರೆ. ಪಾರ್ಟಿಸಿಪೆಂಟ್‍ಗಳ ಬೌದ್ಧಿಕ ಮತ್ತು ಸೃಜನಶೀಲ ಸಾಮಾಥ್ರ್ಯವನ್ನು ಅಳೆದಿದ್ದಾರಂತೆ. ಜೊತೆಗೆ ಅವರಿಗೆ ಒಂದಿಷ್ಟು ಪ್ರಶ್ನೆಗಳನ್ನೂ ಕೇಳಿದ್ದಾರೆ. ಯಾರು ಹೆಚ್ಚು ಹಗಲುಗನಸು ಕಾಣ್ತಾರೋ ಅವರ ಬೌದ್ಧಿಕ ಮತ್ತು ಸೃಜನಶೀಲ ಸಾಮಥ್ರ್ಯ ಸಖತ್ ಆಗಿರುತ್ತೆ ಅಂತ ಗೊತ್ತಾಗಿದೆಯಂತೆ..!

ಹ್ಞಾಂ, ನೆನಪಿರಲಿ ಮೀಟಿಂಗ್ ಹಾಗೂ ಪಾಠ ಮತ್ತಿತರ ಸಂದರ್ಭದಲ್ಲಿ ಹಗಲುಗನಸು ಕಾಣ್ತಾ ವಾಸ್ತವವನ್ನು ಮರೆತವರು ಸ್ಮಾರ್ಟ್ ಅಂಡ್ ಕ್ರಿಯೇಟಿವ್ ಅಂತ ರಿಸರ್ಚ್‍ನಿಂದ ತಿಳಿದು ಬಂದಿರೋದು..! ನಿದ್ರೆ ಮಾಡ್ತಾ ವಾಸ್ತವ ಮರೆತವರು ಸ್ಮಾರ್ಟ್ ಅಂಡ್ ಕ್ರಿಯೇಟಿವ್ ಅಂತ ಸಂಶೋಧನೆ ಹೇಳಿಲ್ಲ..!