ಮಹೇಂದ್ರ ಸಿಂಗ್ ಧೋನಿಯ ಬಗ್ಗೆ ನಿಮ್ಗೆ ಗೊತ್ತಿಲ್ಲದ ಸಂಗತಿಗಳು..!

ಮಹೇಂದ್ರ ಸಿಂಗ್ ಧೋನಿಯ ಬಗ್ಗೆ ನಿಮ್ಗೆ ಗೊತ್ತಿಲ್ಲದ ಸಂಗತಿಗಳು..!

ಮಿಸ್ಟರ್ ಕೂಲ್ ಮಹೇಂದ್ರ ಸಿಂಗ್ ಧೋನಿ ಟೀಮ್ ಇಂಡಿಯಾ ಕಂಡ‌ ಯಶಸ್ವಿ ನಾಯಕರಲೊಬ್ಬರು. ಧೋನಿ ನಾಯಕತ್ವದಲ್ಲಿ ಭಾರತ 2007ರ ಟಿ20 ಚೊಚ್ಚಲ ವಿಶ್ವಕಪ್ ಮತ್ತು 2011 ರಲ್ಲಿ ಏಕದಿನ ವಿಶ್ವಕಪ್ ಗೆದ್ದು ಬೀಗಿದೆ. ವಿಶ್ವ ಶ್ರೇಷ್ಠ ಕ್ರಿಕೆಟಿಗರಲೊಬ್ಬರಾದ ಮಾಹಿ ಬಗ್ಗೆ ನಿಮಗೆ ಗೊತ್ತಿಲ್ಲದ ಸಂಗತಿಗಳು ಇಲ್ಲಿವೆ

ಸಚಿನ್ ಶಿಫಾರಸು : ಈ ಹಿಂದೆ 2007ನೇ ಇಸವಿಯಲ್ಲಿ ಮಹೇಂದ್ರ ಸಿಂಗ್ ಧೋನಿ ಅವರನ್ನು ನಾಯಕರನ್ನಾಗಿ ನೇಮಕ ಮಾಡುವಂತೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಶಿಫಾರಸು ಮಾಡಿದ್ದರು. ಉಳಿದವು ಇದೀಗ ಇತಿಹಾಸವೇ ಸರಿ.
ಲೆಫ್ಟಿನಂಟ್ ಕರ್ನಲ್ : ಕಪಿಲ್ ದೇವ್ ಬಳಿಕ ಭಾರತೀಯ ಸೇನೆಯಲ್ಲಿ ಗೌರವಾನ್ವಿತ ಲೆಫ್ಟಿನಂಟ್ ಕರ್ನಲ್ ಹುದ್ದೆ ಟೀಮ್ ಇಂಡಿಯಾದ ಎರಡನೇ ಕ್ರಿಕೆಟಿಗನಾಗಿದ್ದಾರೆ. 2011 ನವೆಂಬರ್ 01ರಂದು ಈ ಪದವಿ ನೀಡಿ ಗೌರವಿಸಲಾಗಿತ್ತು.
ಉದ್ದ ಕೂದಲಿನ ರಹಸ್ಯ : ತಮ್ಮ ಮಿತ್ರ ಹಾಗೂ ಬಾಲಿವುಡ್ ನಟ ಜಾನ್ ಅಬ್ರಹಾಂ ಅವರಿಂದ ಪ್ರೇರಣೆ ಪಡೆದುಕೊಂಡು ತಮ್ಮ ವೃತ್ತಿ ಜೀವನದ ಆರಂಭಿಕ ಕಾಲಘಟ್ಟದಲ್ಲಿ ಉದ್ದವಾದ ಕೂದಲನ್ನು ಧೋನಿ ಬೆಳೆಸಿದ್ದರು.
ಸಾಕು ನಾಯಿ : ಪ್ರಾಣಿಗಳ ಮೇಲೂ ಅಪಾರ ಪ್ರೀತಿ ಹೊಂದಿರುವ ಧೋನಿ, ಝರಾ ಹಾಗೂ ಸ್ಯಾಮ್‌ಗಳೆಂಬ ಎರಡು ಸಾಕು ನಾಯಿಗಳ ಒಡೆಯರಾಗಿದ್ದಾರೆ.

ಹೆಲಿಕಾಪ್ಟರ್ ಶಾಟ್ : ತಮ್ಮ ಬಾಲ್ಯದ ಗೆಳೆಯ ಸಂತೋಷ್ ಲಾಲ್ ಅವರಿಂದ ಹೆಲಿಕಾಪ್ಟರ್ ಶಾಟ್ ಅನ್ನು ಧೋನಿ ಕರಗತ ಮಾಡಿಕೊಂಡಿದ್ದರು. ಸಂತೋಷ್ ಮಾಜಿ ಜಾರ್ಖಂಡ್ ಕ್ರಿಕಟಿಗನಾಗಿದ್ದಾರೆ.

ದೇವ ಭಕ್ತಿ ನಿರಂತರ ಅಂತರಾಳದಲ್ಲಿ ಧೋನಿ ದೇವಸ್ಥಾನಕ್ಕೆ ಭೇಟಿ ಕೊಡುತ್ತಾರೆ. ಅವರ ನೆಚ್ಚಿನ ದೇವಸ್ಥಾನ ತವರೂರಾದ ರಾಂಚಿಯಲ್ಲಿರುವ ದಿಯೋರಿ ಮಂದಿರವಾಗಿದೆ.

ಸಂಗೀತ ಪ್ರೇಮಿ : ಸಂಗೀತ ಆಲಿಸುವುದರಲ್ಲೂ ವಿಶೇಷ ಆಸಕ್ತಿ ತೋರುವ ಧೋನಿ, ಕಿಶೋರ್ ಕುಮಾರ್ ಅಭಿಮಾನಿಯಾಗಿದ್ದಾರೆ. ಹಳೆಯ ಹಿಂದಿ ಮೆಲಡಿ ಹಾಗೂ ಕ್ಲಾಸಿಕ್ ಗಾಯನವನ್ನು ಹೆಚ್ಚು ಇಷ್ಟಪಡುತ್ತಾರೆ.

ಫೇವರಿಟ್ ಆಹಾರ : ಧೋನಿ ಫೇವರಿಟ್ ಆಹಾರಗಳಲ್ಲಿ ಚಿಕನ್ ಒಂದಾಗಿದೆ. ಹಾಟ್ ಚಾಕಲೇಟ್ ಫಡ್ಜ್ ವೈವಿಧ್ಯವನ್ನು ಇಷ್ಟಪಡುತ್ತಾರೆ.

ರೆಸ್ಲಿಂಗ್ ಅಭಿಮಾನಿ : ಫುಟ್ಬಾಲ್ ಹೊರತಾಗಿ ರೆಸ್ಲಿಂಗ್ ಸಹ ಇಷ್ಟಪಡುತ್ತಾರೆ. ಡಬ್ಲ್ಯುಡಬ್ಲ್ಯುಇ ರಿಂಗ್‌ನಲ್ಲಿ ಬ್ರೆಟ್ ಹಾರ್ಟ್ ಮತ್ತು ಹಲ್ಕ್ ಹೋಗನ್ ಫೇವರಿಟ್ ಆಗಿದ್ದಾರೆ.

ಸಾಕ್ಷಿ ಭೇಟಿ : 2007 ನವೆಂಬರ್‌ನಲ್ಲಿ ಕೋಲ್ಕತ್ತಾದಲ್ಲಿ ಸಾಕ್ಷಿ ಅವರನ್ನು ಮೊದಲ ಬಾರಿಗೆ ಭೇಟಿಯಾಗಿದ್ದರು. ಅಂದು ಈಡೆನ್ ಗಾರ್ಡೆನ್‌ನಲ್ಲಿ ಭಾರತ ಹಾಗೂ ಪಾಕಿಸ್ತಾನ ನಡುವಣ ಪಂದ್ಯ ನಡೆದಿತ್ತು.