ಚೀನಾ ಅಂತರಿಕ್ಷ ಕಕ್ಷೆಗೆ ಉಡಾಯಿಸಲಾದ shenzhou 11 ಬಾಹ್ಯಾಕಾಶ ನೌಕೆ

ಕಳೆದೆರಡು ದಿನಗಳ ಹಿಂದೆ ನೆರೆಯ ದೇಶ ಚೀನಾ ಅಂತರಿಕ್ಷ ಕಕ್ಷೆಗೆ ಉಡಾಯಿಸಲಾದ shenzhou 11 ಬಾಹ್ಯಾಕಾಶ ನೌಕೆ tiangong-2 ಸ್ಪೇಸ್ ಜೆಟ್ ಬುಧವಾರ ಬೆಳಿಗ್ಗೆ ಸುರಕ್ಷಿತವಾಗಿ ಕಕ್ಷೆಗೆ ಸೇರಿದೆ. ಈ ನೌಕೆಯು ಕೇವಲ ಇಬ್ಬರು ಚೀನಿ ಗಗನಯಾನಿಗಳನ್ನು ಹೊತ್ತೊಯ್ದಿದ್ದು ಇದೀಗ ಸುರಕ್ಷಿತವಾಗಿ ಕಕ್ಷೆ ಸೇರಿದೆ. ಚೀನಿ ಗಗನಯಾನಿಗಳಾದ ಜಿಂಗ್ ಹೈಪೆಂಗ್ ಮತ್ತು ಚೆಂಗ್ ಡಾಂಗ್ ಸ್ಪೇಸ್ ಜೆಟ್ ಒಳಗಿರುವ ಕೆಲವೊಂದು ಫೋಟೋಗಳನ್ನು ತೆಗೆದಿದ್ದು ಅಂತಹ ಕೆಲವೊಂದು ಫೋಟೋಗಳು ಸೋಷಿಯಲ್ ಮೀಡಿಯಾಗಳಲ್ಲಿ ಹರಿದಾಡ್ತಾ ಇದೆ. ಚೀನಾದ ವಾಯುವ್ಯ ಭಾಗದಲ್ಲಿರುವ ಕೇಂದ್ರ ಭಾಹ್ಯಕಾಶ ಸಂಸ್ಥೆಯಿಂದ ಸೋಮವಾರ ಬೆಳಿಗ್ಗೆ ಉಡಾಯಿಸಲಾದ ಈ ನೌಕೆ ಬುಧವಾರ ಬೆಳಿಗ್ಗೆ ಕಕ್ಷೆ ಸೇರಿದೆ. tiangong-2 ಸ್ಪೇಸ್ ಲ್ಯಾಬ್‍ನಲ್ಲಿ ಇಬ್ಬರು ಗಗನಯಾನಿಗಳು ಕಾರ್ಯ ನಿರ್ವಹಿಸಲಿದ್ದು, ಸುಮಾರು ಒಂದು ತಿಂಗಳ ಕಾಲ ಕಕ್ಷೆಯಲ್ಲೇ ಕಾರ್ಯ ನಿರ್ವಹಿಸಲಿದ್ದಾರೆ. ಸುಮಾರು ಎಂಟು ಟನ್ ತೂಕವಿರುವ ಮಾಡ್ಯೂಲ್ ಹೊತ್ತೊಯ್ದ ಈ shenzhou 11 ಬಾಹ್ಯಕಾಶ ನೌಕೆಯು ಸೆಕೆಂಡಿಗೆ 7.9 ಕಿ.ಮೀ ನಂತೆ 393 ಕಿಮೀ ಗುರಿ ತಲುಪಿದೆ. ಅಷ್ಟೇ ಅಲ್ಲದೇ ಧೀರ್ಘ ಕಾಲ ಕಕ್ಷೆಯಲ್ಲೇ ಕಾಲ ಕಳೆದ ಮೊಟ್ಟ ಮೊದಲ ಗಗನಯಾನಿಗಳು ಎಂಬ ಹೆಗ್ಗಳಿಕೆಗೂ ಚೀನಾ ಪಾತ್ರವಾಗಲಿದೆ.