ಅವನು ಮತ್ತು ಅವಳು ಇಬ್ಬರೂ ನಾಲ್ಕನೇ ತರಗತಿಯಲ್ಲಿದ್ದರು..! ಆ ಬಾಲ್ಯದಲ್ಲಿ ಒಟ್ಟಿಗೇ ಆಡುತ್ತಾ ಕಾಲಕಳೆದವರು..! ಡಿಕ್ಷನರಿ ಎಂದು ಕರೆಯುವ ಆಟವನ್ನಾಡ್ತಾ ಇದ್ದರು..! ಆ ಆಟವನ್ನು ನೀವೂ ಆಡಿರಬಹದು..! ಬೇರೆ ತಂಡದವರ ಮನಸ್ಸಿನಲ್ಲಿರುವ ಪದವನ್ನು ನಾವು ಗೆಸ್ ಮಾಡುವುದೇ ಡಿಕ್ಷನರಿ ಗೇಮ್ ಅಥವಾ ನಿಘಂಟು ಆಟ..! ಅವಳೊಂದು ತಂಡದಲ್ಲಿದ್ದರೆ ಇವನು ಮತ್ತೊಂದು ತಂಡದಲ್ಲಿರುತ್ತಿದ್ದ..! ಯಾವಾಗಲೂ ಆಕೆ ಅಂಕೆಗಳನ್ನೇ ನೆನಪಿನಲ್ಲಿಟ್ಟುಕೊಳ್ಳುತ್ತಿದ್ದಳು..! ಅವಳ ಮನಸ್ಸಿನಲ್ಲಿ ಯಾವ ಪದವಿದೆ ಎಂದು ಯಾರೆಂದರೆ ಯಾರೂ ಹೇಳಲಾಗುತ್ತಿರಲಿಲ್ಲ..! ಅವಳ ಮನಸ್ಸಿನಲ್ಲಿದ್ದ ಆ ಅಂಕೆಗಳನ್ನು ಅಥವಾ ಪದಗಳನ್ನು ಅವನು ಮಾತ್ರ ಸರಿಯಾಗಿ ಗೆಸ್ ಮಾಡ್ತಿದ್ದ..!
ಆ ವಯಸ್ಸಲ್ಲೇ ಅವನಿಗೆ ಅವಳು ಇಷ್ಟವಾಗಿ ಬಿಟ್ಟಿದ್ದಳು..! ಆದರೆ ಅದೆನ್ನೆಲ್ಲಾ ಹೇಳಿಕೊಳ್ಳವ ವಯಸ್ಸು ಅವನದ್ದಾಗಿರಲಿಲ್ಲವಲ್ಲಾ..! ಕಾದು ಕುಳಿತ..ಆ ಸಮಯಕ್ಕಾಗಿ ಕಾದ..! ಆದರೂ ಹೆಚ್ಚು ವರ್ಷ ಕಾಯಲಾಗಲೇ ಇಲ್ಲ..! ಕೊನೆಗೂ ಅದೊಂದು ದಿನ ಪ್ರೀತಿ ನಿವೇಧಿಸಿಯೇ ಕೊಂಡ..!
ಯಸ್, ಇಬ್ಬರೂ ಎಂಟನೆ ತರಗತಿಗೆ ಬಂದರು..! ಕೊನೆಗೂ ಒಂದು ದಿನ ಅವನು ಅವಳಿಗೆ ಐ ಲೈಕ್ ಯು(ನಾನು ನಿನ್ನ ಇಷ್ಟಪಡುತ್ತೇನೆಂದು) ಇ-ಮೇಲ್ ಮಾಡಿಯೇ ಬಿಟ್ಟ..! ಎಂಟನೇ ಕ್ಲಾಸಿನಲ್ಲಿರುವಾಗಲೇ ಪ್ರೇಮನಿವೇಧನೆ..! ಅದಕ್ಕೆ ಅವಳು ಒಪ್ಪಿಬಿಟ್ಟಿದ್ದಳು..!
ಆದರೆ ಆ ಕ್ಷಣದಿಂದ ಇಬ್ಬರಿಗೂ ನಾಚಿಕೆ..! ಶಾಲೆಯಲ್ಲಿ ಮಾತನಾಡಲಂತೂ ನಾಚಿಕೆಯೋ ನಾಚಿಕೆ..! ಇಬ್ಬರೂ ಮಾತೇ ಆಡ್ತಾ ಇರ್ಲಿಲ್ಲ..! ಮಾತನಾಡಿದರೂ ನಾಚಿಯೇ ಮಾತನಾಡ್ತಾ ಇದ್ದರು..! ಇಬ್ಬರಿಗೂ ನೇರವಾಗಿ ಮಾತನಾಡಲು ಏನೋ ಒಂಥರ..! ಮನೆಗೆ ಬಂದವರೇ ಇ-ಮೇಲ್ ನಲ್ಲಿ ಚ್ಯಾಟ್ ಮಾಡುತ್ತಿದ್ದರು..! ಪ್ರತಿದಿನವೂ ಇದೆ ಕತೆ..! ಶಾಲೆಯಲ್ಲಿ ನಾಚಿನೀರಾಗುತ್ತಾ.. ಮನೆಗೆ ಬಂದೊಡನೇ ಸಂದೇಶ ವಿನಿಮಯ ಮಾಡಿಕೊಳ್ತಾ ಖುಷಿ ಖುಷಿಯಲಿ ಕಾಲ ಕಳೆಯುತ್ತಿದ್ದರು..!
ಅವನು ಅವಳ ಬಳಿ ಇ-ಮೇಲ್ ಮೂಲಕ ಪ್ರೀತಿನಿವೇಧಿಸಿಕೊಂಡು, ಅದಕ್ಕೆ ಅವಳು ಗ್ರೀನ್ ಸಿಗ್ನಲ್ ಕೊಟ್ಟಿದ್ದು 15 ವರ್ಷದ ಹಿಂದೆ..! ಅವನು ಅವಳಿಗೆ ನೀನೆಂದರೆ ಇಷ್ಟಕಣೇ ಅಂತ ಇ-ಮೇಲ್ ಮಾಡಿದ್ದು.., ಅವಳು ಅದಕ್ಕೆ ಒಪ್ಪಿದ್ದು 2000ನೇ ಇಸವಿಯ ಡಿಸೆಂಬರ್ 20ರಂದು..! ಅಂದಿಗೆ ಸರಿಯಾಗಿ 13 ವರ್ಷ ತುಂಬಿದ ದಿನವೇ, ಅಂದರೆ 2013ನೇ ಡಿಸೆಂಬರ್ 20ಕ್ಕೆ ಅವರಿಬ್ಬರು ಮದುವೆ ಆಗ್ತಾರೆ..! ಬಾಲ್ಯದ ಪ್ರೀತಿಯನ್ನು ಉಳಿಸಿಕೊಳ್ತಾರೆ..! ಇಂಥಹಾ ಪ್ರೇಮ್ ಕಹಾನಿಯನ್ನು ಎಲ್ಲಾದರೂ ಕೇಳಿದ್ದೀರಾ ಕಂಡಿದ್ದೀರಾ..?!
ಅವನು ಮತ್ತು ಅವಳ ಹೆಸರು ನಿಜಕ್ಕೂ ಗೊತ್ತಿಲ್ಲ..ಎಲ್ಲೋ ಇವರ ಬಗ್ಗೆ ಇವರೇ ಬರೆದುಕೊಂಡ ಮಾಹಿತಿ ಸಿಕ್ಕಿತು..! ಇವರ ಲವ್ ಸ್ಟೋರಿ ತುಂಬಾ ಇಷ್ಟವಾಯ್ತು.. ಹಾಗೇ ಪದಗಳಲ್ಲಿ ನಿಮ್ಮ ಮುಂದೆ ತಂದೆ..! ನಿಜಕ್ಕೂ ಇವರ ಪ್ರೀತಿ ಗ್ರೇಟ್ ಅಲ್ವೇನ್ರೀ..!? ಬಾಲ್ಯದ ಪ್ರೀತಿಯನ್ನು ಉಳಿಸಿಕೊಂಡು… ಮದುವೆಯೂ ಆಗುವುದೆಂದರೆ ಗ್ರೇಟ್….! ಹದಿಮೂರು ವರ್ಷ ಪ್ರೀತಿಸಿ ಮದುವೆಯಾದ ಈ ಜೋಡಿಯ ಫೋಟೋವನ್ನು ನೀವೇ ನೋಡಿ..! ಇವರ ಪ್ರೀತಿ ಎಲ್ಲರಿಗೂ ಮಾದರಿ..! ಇವರ ಪ್ರೀತಿ ಕೊನೆತನಕವೂ ಹೀಗೇ ಇರಲಿ.. ಇವರಿಬ್ಬರು ಸದಾ ನಗು-ನಗುತಲಿರಲಿ..!
- ಶಶಿಧರ ಡಿ ಎಸ್ ದೋಣಿಹಕ್ಲು
If you Like this Story , Like us on Facebook The New India Times
www.facebook.com/thenewindiantimes
TNIT Whats App No : 97316 23333
Send Your Stories to : tnitkannada@gmail.com
